ኤርማሳ ቲንቢቴ 4:24 - ጋሞ ማጻፋ

²⁴ ታኒ ዙማታ ጼላዳ ኢስቲ ኮኮሪሺኒኔ ዙምቡላቲ ኡባይ ዮንኢዮንኢሺን ቤኣዲስ።

Geeshsha Maxaafa

²⁴ Tani zumata xeellada istti kokkorishininne zumbullati ubbay yon7iyon7ishin be7adis.

ኤርማሳ ቲንቢቴ 4:24 Iomraidhean Croise

1ካዎታ ማጻፋ 19:11

ጎዳይ ኢዛስ፥ «ሄሳፌ ኬዛ ባዳ ዙማ ጼራን ታ ሲንን ኤቃ፤ ጎዳይ ሄራ ኣና» ጊዴስ። ሄሳፌ ጉዬ ዎልቃማ ጫርኮይ ዙማታ ጳልቄሬዴስ፤ ዛላታካ ኪንቼሬ ዬጊዴስ፤ ጎዳይ ጊዲኮ ሄ ጫርኮዛ ጊዶን ዴና። ሄ ጫርኮዛፔ ሲሚን ቢታይ ቃጺዴስ፤ ጎዳይ ሄ ቢታ ቃንካ ዴና።

ዬ ማጻፋ 18:7

ጾሲ ሃንቄቲዳ ጊሻስ ቢታይ ቃጺዴስ፤ ዙማታ ጻጶይ ኮኮሪዴስ።

ዬ ማጻፋ 77:18

ኔ ዳዳ ጉንይ ጎቴ ጫርኮ ጊዶን ኮሺሚዴስ፤ ኔ ዎልቃን ጶሌ ሳኣ ፖኢሲዴስ፤ ቢታይካ ቃጺ ኮኮሪዴስ።

ዬ ማጻፋ 97:4

ኢዛ ዎልቃን ሳኣ ፖኢሴስ፤ ቢታይ ሄሳ ቤኢዲ ቃጼስ።

ኬሳ ማጻፋ 19:18

ጎዳይ ሲና ዙማ ቦላ ታማራ ዎዳ ጊሻስ ጊታ ጮጬፔ ኬዚዛ ማላ ጩዋይ ቱሉ ጊ ኬዚዲ ዙማ ኩሜ ካሚዴስ፤ ዙማዚ ኩሜ ኬሂ ቃጺዴስ።

ኢሳያሳ ቲንቢቴ 13:13

ሄሳ ጊሻስ ታኒ ኡባፌ ዎልቃማ ጎዳይ፥ ‹ታኒ ታ ሃንቆ ቆንጪሲዛ ዎዴ ሳሎ ቃና፤ ሳኣካ ኢዚ ዴኢዛሶን ኮኮርሳና› ጌስ።

ኢሳያሳ ቲንቢቴ 24:20

ቢታይ ማቲዳ ኣሳ ማላ ዪጮቲዴስ፤ ጫርኮይ ሱጊዳ ጋባ ማላ ጊዳዱስ። ቢታ ማካላቴይ ዴጾ ጊዲዳ ጊሻስ ኩንዳና፤ ናምኣንካ ሲሚ ዴንዴና።

ኢሳያሳ ቲንቢቴ 5:25

ጎዳ ሃንቆይ ኢዛ ዴራ ቦላ ኤጺ ኬኢዴስ፤ ኢዚ ባ ኩሼ ዴንዲ ኢስታ ሾጪዴስ። ዙማቲ ቃጺዳ፤ ሃይቂዳ ኣሳ ኣሃይ ኦጌ ቦላ ፒቲ ዬጊዳ ቡራ ማላ ጊዲዴስ፤ ሂስቲ ፔኢንካ ኢዛ ሃንቆይ ሲሚቤና፤ ኢዛ ኩሼይ ሃኢካ ዴንዲዳ ማላ ዴስ።

ኤርማሳ ቲንቢቴ 10:10

ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።

ኤርማሳ ቲንቢቴ 8:16

ሞርኬታ ፓራ ፔኖይ ዳኔ ካታማፔ ሲዬቴስ፤ ኢስታ ዎዳላ ፓራታ ጫሻን ቢታይ ኡባይ ቃጼስ፤ ቢታዮኔ ቢታይ ቦላ ዲዛ ኡባ፥ ካታማዮኔ ኢዚን ዲዛ ኡባ ሚታናስ ዪዳ» ጌቴስ።

ኤርማሳ ቲንቢቴ 9:10

ታኒ ቃ ዴሬታስ ዬካናኔ ዋሳና፤ ባዞን ሄንሶሆታስ ካዮታና። ጋሶይካ ኢስቲ ይዳ፤ ሄራ ኢሲ ኣሲኔ ካንና። ሜሄ ዋሶይ ሲዬቴና፤ ሳሎ ካፎቲኔ ዶኣቲ ባቃቲዲ ቢቺዳ።

ሂዚቄላ ቲንቢቴ 38:20

ኣባ ሞሌቲ፥ ሳሎ ካፎቲ፥ ዎራ ዶኣቲ፥ ቢታ ቦላ ቲራን ጎሼቲዛ ኣይ ሜቴቲካ፥ ሄሳ ቢታ ቦላ ዲዛ ኣስ ኡባይ ታ ሲንን ኮኮራና፤ ዙማቲ ሺሬቲ ሺሬቲ ዎና፤ ኣፎቲ ዎዳና፤ ዲርሳ ጊምቤይ ኡባይ ላሌታና።

ሚኪያሳ ቲንቢቴ 1:4

ሙቃዳይ ታማ ቤኢዲ ሴሪዛ ማላኔ ሃ ኣፎራ ዱጌ ጎጊዛ ማላ ሄ ዎዴ ዙማቲ ኢዛ ቶሆ ጋርሳን ሴራና፤ ሾባቲካ ጳልቄቲ ዎና።

ኢምባቆ ቲንቢቴ 3:10

ዙማቲ ኔና ቤኢዲ ማኒዳ፤ ሃ ዳምባላይ ኣ ቢዴስ፤ ኣባይ ጬቄቲዴስ፤ ኣባ ዳምባላካ ፑዴ ዴንዴስ።

ኢምባቆ ቲንቢቴ 3:6

ኢዚ ኤቂን ቢታይ ቃጺዴስ፤ ኢዚ ጼሊዲ ኣሳ ኮኮሪሲዴስ፤ ሜርናስ ዲዛ ዙማቲ ላሌቴ ፒስኪ ጊዳ፤ ቤኒሶፌ ዲዛ ዙማቲካ ዎዲዳ፤ ኢዛ ኦጌይ ሜርናሳ።

ዮሃኒሳ ኣጁታ 6:14

ሳሎይካ ዋራቃታ ማላ ጻጼቲ ኪቺዴስ፤ ዙማቲኔ ኣባ ጊዶን ዲዛ ጋዴቲ ዉሪካ ባ ዲዛሶፔ ይዳ።