ኤርማሳ ቲንቢቴ 4:1 - ጋሞ ማጻፋ

¹ ጎዳይ፥ «ኢስራኤሌ ኣሳዉ! ሲሚኮ ሃ ታኮ ሲሚቴ። ኢንቴ ሃራሲዛ ሚሻታ ታ ሲንፌ ዲጊኮ፥ ያዮንታ ሚኒ ኤቂኮ፥

Geeshsha Maxaafa

¹ GODAY, «Isra7eele asawu! simmiko haa taakko simmite. Intte harassiza miishshata ta sinththafe diggiko, yayyontta minni eqqiko,

ኤርማሳ ቲንቢቴ 4:1 Iomraidhean Croise

ሜቴ ማጻፋ 35:2

ያቆቤይካ ባሶ ኣሳኔ ባናራ ዲዛ ኣሳ ኡባ፥ «ኢንቴ ጊዶን ዲዛ ኣላጋ ኤቃ ሚስሌታ ዲጊቴ፤ ኢንቴ ቦላ ጌሺቴ፤ ኢንቴ ማይኦካ ላሚቴ።

2ካዎታ ማጻፋ 23:13

ሄሳካ ዬሩሳላሜፔ ኣርሼይ ሞኪዛ ባጋራ ቱናቴ ዙማፔ ዱጌሃ ባጋን ኢስራኤሌ ካዎ ሶሎሞኔይ ሲዶናታ ቱናቴ ጾስ ኣስታሮቴስ፥ ሞኣቤታ ቱናቴ ጾስ ካሞሼስ፥ ኣሞኔታ ቱናቴ ጾስ ሞሎኬስ ዙምቡላታ ቦላ ኦሲሲዳ ጎይኒዛሶሆታ ካዎዚ ቱኒሲዴስ።

2ካዎታ ማጻፋ 23:24

ሄሳፌ ቦላራ ኢዮሲያሲ ሞይቲሌ ሃሳይሲዛይታ፥ ኣያናታ ጼይጊዛይታ፥ ኣሲ ባ ሁኤን ሁኤን ጎይኒዛ ጾሳታ፥ ኤቃ ጾሳታ፥ ዩሁዳኒኔ ዬሩሳላሜን ቤቲዳ ሃራ ሻቲዛ ሚሽ ኡባ ይሲዴስ፤ ኢዚ ሄሳ ኦዳይካ ቄሴ ኪልቂያሲ ጎዳ ኬ ጊዶፌ ዴሚዳ ማጻፋን ጻፌቲ ዲዛ ዎጋይ ፖሌታና ማላሳ።

2ታሪኬ ማጻፋ 15:8

ኦዴዴ ና ናቤ ኣዛሪያሲ ዮቲዳ ቃላ ሲዪዲ ኣሲ ሚኒዴስ። ኣሲ ዩሁዳኔ ቢኒያሜ ቢታታ ኡባፌኔ ኤፍሬሜ ጌዜን ኢዚ ኦሊ ኦይኪዳ ካታማታፔ ሃራሲዛ ኤቃ ሚስሌታ ይሲዴስ። ሄሳፌ ጉዬ ጾሳ ኬ ሲንን ዴኢዛ ጎዳስ ያርሾ ያርሺዛሶሆዛካ ኦራዴስ።

2ታሪኬ ማጻፋ 33:8

ታኒ ኢስራኤሌ ኣሳ ሙሴ ባጋራ ኣዛዚዳ ኣዛዞ፥ ዎጋኔ ማራ ኡባ ኢስቲ ናጊ ፖሊኮ ታኒ ኢስታ ኣዋታስ ኢሚዳ ቢታፌ ኢስታ ቶሆ ሾዲሲኬ» ጊዴስ።

2ታሪኬ ማጻፋ 34:33

ኢዮሲያሲ ኢስራኤሌ ቢታ ኡባፌ ሃራሲዛ ኤቃ ጾሳታ ኡባ ዲጊዴስ፤ ሂስቲዲ ሄን ዲዛ ኡባ ኣሳይ ጎዳስ ባንታ ጾሳስ ጎይናና ማላ ኦዴስ። ኢዮሲያሲ ዴኢዳ ላይ ኡባን ኢስቲ ጎዳ ባንታ ኣዋታ ጾሳ ካሎ ኣጊዲ ጉዬ ሲሚቤቴና።

ኢሳያሳ ቲንቢቴ 31:6

ኢንቴኖ ኢስራኤሌ ኣሳዞ! ኢንቴ ኬሂፔ ማካሊዳይሳኮ ሲሚቴ።

ኤርማሳ ቲንቢቴ 15:19

ሄሳ ጊሻስ ጎዳይ፥ «ኔኒ ሲሚኮ ታ ኔና ዛራ ኤሳና፤ ኔካ ታስ ኦና። ሃዳ ዮኦ ኣጋዳ ቦንቾ ቃላ ጻላ ሃሳይኮ ኔኒ ታ ዶና ጊዳና። ኢስቲ ኔኮ ሲማና ኣቲን ኔ ኢስታኮ ሲማካ።

ኤርማሳ ቲንቢቴ 15:4

ሂዝቂያሳ ና፥ ዩሁዳ ካዎ ሚናሴይ ዬሩሳላሜን ኦዳ ፓላ ጊሻስ ታኒ ኢስታ ቦላ ሳኣ ካዎቴታ ኡባስ ዳጋንዛዝ ኦና› ጌስ ጋዳ ዮታ» ጊዴስ።

ኤርማሳ ቲንቢቴ 18:11

ጎዳይ፥ «ሄሳ ጊሻስ፥ ኤርማሳ ሃኢ ዩሁዳ ኣሳታሲኔ ዬሩሳላሜን ዲዛይታስ ባዳ፥ ‹ሄኮ ታኒ ኢንቴ ቦላ ባሽ ጊጊሶ ቦላ ዳይስ፤ ኢንቴ ቦላ ኢታ ሚሽ ሜሼ ዳይስ፤ ሄሳ ጊሻስ ኢንቴ ኡባይካ ኢንቴ ቢዛ ኢታ ኦጌፔ ሲሚቴ፤ ኢንቴ ኦጌኔ ኢንቴ ኦሶ ሱሪሲቴ› ጋ ዮታ።

ኤርማሳ ቲንቢቴ 24:9

ቢታ ቦላ ካዎቴታ ኡባ ሲንን ሃራሴቲዛይታኔ ጫዬቲዳይታ ጊዳና፤ ኢስታ ላላ ዬዲዛሶ ኡባን ኢስቲ ቂስ፥ ሌሚሶስ፥ ካሲኔ ቃንጌስ ታ ኢስታ ኦና።

ኤርማሳ ቲንቢቴ 25:5

ኢስቲ፥ «ኢንቴ ኡባይካ ኢንቴ ኢታ ኦጌፔኔ ኢንቴ ኢታ ኦሶፔ ሃኢ ሲሚቴ። ሂስቲኮ ጎዳይ ኢንቴሲኔ ኢንቴ ኣዋታስ ሜሪ ሜርናስ ኢሚዳ ቢታን ኢንቴ ዳና።

ኤርማሳ ቲንቢቴ 3:1

«ኢሲ ኣሲ ባ ኬዮ ኣንጂ ዬዲን ኢዛ ባዳ ሃራ ኣዚና ጌሊኮ፥ ካሴ ኣንጂ ዬዲዳዴይ ሲሚ ኢዚኮ ቢዜ? ኢዚ ቢኮ ሄ ቢታያ ሙሌ ቱኔኬ? ኔኒ ጊዲኮ ኔ ሲቂዛ ጮራ ላጌታራ ላይማታዳሳ፤ ሂስታዳካ ሃኢ ኔኒ ታኮ ሲማና ኮያይ?» ጌስ።

ኤርማሳ ቲንቢቴ 3:12

«ባ፤ ባዳ ፑዴሃ ባጋስ፥ ‹ሃኔ ኣማኖይ ባይንዳ ኢስራኤሌ ሲማ! ታኒ ማሮታይ ኩሚዳዴ ጊዲዳ ጊሻስ ኔና ኢታ ኣይፌን ጼሊኬ፤ ሜርናስካ ሃንቄቲኬ› ጌስ ጎዳይ።

ኤርማሳ ቲንቢቴ 3:14

ቃሴካ ጎዳይ፥ «ኢንቴኖ ኣማኔቶንታ ኣሳቶ፥ ሲሚቴ፤ ታኒ ኢንቴስ ኣዚና፤ ታኒ ኢንቴ ጊዶፌ ኢሲ ካታማፔ ኢሳ፥ ኢሲ ቆሞፌ ናምኣታ ዶራዳ ጺዮኔ ኤሃና።

ኤርማሳ ቲንቢቴ 3:22

ኢስቲ፥ «ኢንቴኖ ኣማኖይ ባይንዳ ኣሳቶ! ታኮ ሲሚቴ። ኢንቴ ኣማኔታና ማላ፥ ታኒ ኢንቴና ፓና» ጊዴስ። ሂስቲን ኢስታስ፥ «ኤሮ፥ ኑኒ ኔኮ ሲማና። ኣይስ ጊኮ ኔኒ ጎዳ ኑ ጾሳ።

ኤርማሳ ቲንቢቴ 35:15

ታስ ኦሳንቻ ጊዲዳ ናቤታ ዛራ ዛራ ኢንቴኮ ኪታዲስ፤ ሂስታዳ፥ ‹ኢንቴ ኡባይካ ኢንቴ ኢታ ኦጌፔ ሃኢ ሲሚቴ፤ ኢንቴ ኦሶካ ሎኤቴ፤ ኤቃ ጾሳታስ ጎይኖፍቴኔ ኦፍቴ። ሂስቲኮ፥ ታኒ ጎዳይ ኢንቴሲኔ ኢንቴ ኣዋታስ ኢሚዳ ቢታን ኢንቴ ዳና› ጋዲስ። ኢንቴ ጊዲኮ ኢንቴ ሃይ ታኮ ዬጊዲ ሲዪቤኬታ።

ኤርማሳ ቲንቢቴ 36:3

ታኒ ዩሁዳ ኣሳ ቦላ ኤሃና ጋዳ ሃልቺዳ ቦሻ ኡባ ኣሳይ ሲዪዲ ኢሶይ ኢሶይ ባ ቢዛ ኢታ ኦጌፔ ሲማናኮ ኦኔ ኤሪዛይ? ታኒካ ኢስታ ቆሆኔ ኢስታ ናጋራ ኣቶ ጋና» ጊዴስ።

ኤርማሳ ቲንቢቴ 4:4

ኢንቴኖ ዩሁዳ ኣሳቶ፥ ዬሩሳላሜን ዲዛይቶ! ጎዳስ ኢንቴ ቃጻሬቲቴ፤ ኢንቴ ዎዚና ኢታቴ ዲጊቴ፤ ሂስቶንታ ኣጊኮ ኢንቴ ኦዳ ኢታቴ ጊሻስ ታ ሃንቆይ ታማ ማላ ኤጺ ኬዛና፤ ኦኒካ ኢዛ ቶይሳናስ ዳንዳዬና» ጌስ።

ኤርማሳ ቲንቢቴ 7:3

ኡባፌ ዎልቃማ ጎዳ ኢስራኤሌ ጾሳይ፥ ‹ኢንቴ ኦጌኔ ኢንቴ ኦሶ ሎኤቴ፤ ኢንቴ ሂስቲኮ ታ ኢንቴና ሃይሳን ዳና ማላ ኦና› ጌስ።

ኤርማሳ ቲንቢቴ 7:5

ኢንቴ ኢንቴ ኦጌኔ ኢንቴ ኦሶ ሎኤኮ፥ ኢንቴ ጊዶን ሱሬቴ ዲኮ፥

ኤርማሳ ቲንቢቴ 7:7

ታኒ ኢንቴ ኣዋታስ ሜርናስ ጺንጾ ሂስታ ኢሚዳ ሃ ቢታይን ታ ኢንቴና ዎና።

ሂዚቄላ ቲንቢቴ 11:18

«ኢስቲ ጉዬ ሲሚ ዪዲ ቱኒዳ ኢዚ ሚስሌታኔ ሃራሲዛ ኢዚ ኦሶታ ታ ይሳና።

ሂዚቄላ ቲንቢቴ 18:13

ዲቻስ ታልኢኮ፥ ቡቴ ዳሮ ዲች ኤኪኮ፥ ሄሳ ማላ ኣሲ ሼምፖራ ፓጻ ዳኔ? ሙሌካ ዴና! ኢዚ ሃይታ ሃራሲዛ ሚሻታ ኦዳ ጊሻስ ኢዚ ቱሙካ ሃይቃና፤ ባ ሱን ባርካ ኦይሼታና፤ ቱሙካ ሃይቃና።

ሂዚቄላ ቲንቢቴ 43:9

ሃኢ ሲሚ ሃራ ጾሳታስ ጎይኒዛይሳ ኣጌቶ፤ ባንታ ካዎታ ሃዉልቴካ ታ ኣቻፌ ዲጌቶ። ሂስቲኮ ታኒ ኢስታ ጊዶን ሜርናስ ዳና።»

ሆሴኤ ቲንቢቴ 14:1

ኢስራኤሌ ዴሬዞ! ኢንቴ ኢንቴ ናጋራ ጋሶን ኩንዲዳ ጊሻስ ጎዳ ኢንቴ ጾሳኮ ሲሚቴ።

ሆሴኤ ቲንቢቴ 2:2

«ታ ናይቶ! ኢንቴ ኣዮ ዞሪቴ፤ ሃይሳፌ ጉዬ ኢዛ ታስ ማቾ ጊዱኩ፤ ታኒካ ኢዚስ ኣዚና ጊዲኬ፤ ባ ሲንፌ ላይማ ሱኬ ሃኖ፥ ባ ዎዲራ ጊዶፌ ላይማቴ ዲጉ።

ሆሴኤ ቲንቢቴ 7:16

ታፔ ሃኪዲ ሃዳ ሚሻኮ ሲሚዳ፤ ኢስቲ ጫዳና ጾንጊን ዎራ ቢዛ ቶራ ማላ። ኢስታ ካሌዛይቲካ ባንቲ ሃሳይዛ ኢታ ቃላ ጋሶን ማሻን ዉራና፤ ሄሳፌ ዴንዶይሳን ኢስቲ ጊብጼ ቢታን ቂስ ኣታና።

ኢዩኤሌ ቲንቢቴ 2:12

ጎዳይ፥ «ሃኢካ ጊዲኮ ጾማን ዬሆኒኔ ጬጬን ኢንቴ ኩሜ ዎዚናፔ ሃ ታኮ ሲሚቴ።

ዛካራሳ ቲንቢቴ 1:4

ካሴ ናቤቲ ኢንቴ ኣዋታስ፥ ‹ኢንቴ ኢንቴ ኢታ ኦጌፔኔ ኢንቴ ኦሶፔ ሲሚቴ› ጊዲ ሚን ዮቲዳ፤ ጊዶ ኣቲን ኢስቲ ቃሴ ሲዪቤቴናኔ ታ ኣዛዞካ ናጊቤቴና፤ ሄሳ ማላ ኢንቴ ኢንቴ ኣዋታ ማላ ሃኖፒቴ።

ዛሬ ማጻፋ 27:15

«ጎዳይ ኤቃ ጾሳታስ ጎይኖ ኢጺዛ ጊሻስ፥ ሚፌ ማሲዲ ሹቻፌ ቆጺዲኔ ቢራታ ሴሪሲዲ ኤቃ ጾስ ጊግሲዲ ጌማን ጎይኒዛዴይ ኦኒካ ቃንጌቲዳዴ ጊዶ!» ዴሬዚ ዉሪካ፥ «ኣሚን!» ጎ።

ዛሬ ማጻፋ 4:30

ሃ ኡባ ሜቶይ ኢንቴና ጋኪን ኢንቴ ሜቶቲሼ ዉርሴን ጎዳ ኢንቴ ጾሳኮ ሲሚዲ ቃሴካ ኢዛስ ኣዛዜታና።

ኢያሶ ማጻፋ 24:14

«ሄሳ ጊሻስ ሃኢካ ጎዳስ ያዪቴ፤ ኩሜ ዎዚናፔ ኣማኔቴን ኢዛስ ሃሬቲቴ፤ ካሴ ኢንቴ ኣዋቲ ኤፊራጺሴ ሻፋፔ ሄ ፒንኒኔ ጊብጼ ቢታን ጎይኒዳ ኤቃ ጾሳታ ኢንቴፌ ሃሲቴ፤ ጎዳስ ጻላ ጎይኒቴ።

ዳናታ ማጻፋ 10:16

ኣላጋ ጾሳታ ባ ጊዶፌ ዲጊዲ ጎዳስ ጎይኒዳ፤ ኢስታ ዋዬዛ ቤኢዲ ጎዳይ ጮኡ ጊ ኣጋናስ ዳንዳይቤና።

1ሳሜላ ማጻፋ 7:3

ሳሜሊ ኢስራኤሌ ዴራ፥ «ኢንቴ ኩሜ ዎዚናፔ ጎዳኮ ሲሚዛ ጊዲኮ ሃራ ኤቃ ጾሳታኔ ኣስታሮቴ ኢንቴ ጊዶፌ ዲጊቴ፤ ኢንቴና ጎዳስ ኣ ኢሚቴ፤ ኢዛስ ጻላ ጎይኒቴ፤ ኢዚ ኢንቴና ፊሊስጼሜታ ኩሼፔ ኬሲ ኤካና» ጊዴስ።