ኤርማሳ ቲንቢቴ 39:4 - ጋሞ ማጻፋ

⁴ ዩሁዳ ካዎ ሴዴቂያሲኔ ኢዛ ኦላንቻቲ ኡባይ ባቢሎኔ ኦላንቻታ ቤኢዳ ዎዴ ባቃቲዳ፤ ኦማርሳራ ካዎይ ዶዛ ቶኪዛሶሆ ባጋራ ናምኡ ጊምቤታፔ ጊዶራ ካታማፔ ኬዚዲ ዮርዳኖሴ ዙሌ ቢዳ።

Geeshsha Maxaafa

⁴ Yuhuda Kawo Sedeqiyaasinne iza olanchchati ubbay Baabiloone olanchchata be7ida wode baqatida; omarsara kawoy dooza tokkizasoho baggara nam7u gimbetappe giddora katamaappe kezidi Yordaanoose zulle bida.

ኤርማሳ ቲንቢቴ 39:4 Iomraidhean Croise

2ታሪኬ ማጻፋ 32:5

ሄሳፌ ጉዬ ሂዝቂያሲ ሚኒ ኦዲ ላሌቲዳ ዲርሳ ጊምቤዛ ኡባ ዛሬዲ ጊምቢዴስ፤ ሂስቲዲ ኢዛ ቦላ ሻኮታ ኬጺዴስ፤ ሄ ዲርሳ ጊምቤዛፔ ካሬ ባጋራ ሃራ ዲርሳ ጊምቢዴስ፤ ቃሴ ዳዊቴ ካታማ ጊምቤይ ኩንዶንታ ማላ ካሬ ባጋራ ኬጪዴስ፤ ዳሮ ኦላ ማሳራታኔ ጎንዳሌታ ኦዴስ።

ኢሳያሳ ቲንቢቴ 22:11

ካሴ ጋልኣ ኤሌ ሃ ዛሪዲ፥ ኢዛ ሚንጂዛሶ ናምኡ ጊምቤታፔ ጊዶን ጊግሲዴታ። ጊዶ ኣቲን ኢንቴ ሄሳ ኦዳይ ኦናኮ ኤሪቤኬታ፤ ኮይሮ ሃልቺ ኦዳይሳ ኣኬኪቤኬታ።

ኢሳያሳ ቲንቢቴ 22:3

ኔና ኣይሲዛይቲ ኡባይ ኢሲፌ ባቃቲዳ፤ ዎንዳፌ ዴንንታ ዲሼ ዲኤቲዳ፤ ሞርኬይ ሃሆን ዲሺን ባቃቲዳ ኡባቶ! ኢንቴ ኦይኬቲዲ ኢሲ ቦላ ቃሼቲዴታ።

ኢሳያሳ ቲንቢቴ 29:2

ጊዶ ኣቲን ታኒ ኣርኤሌ ካታማዮ ጊዶና፤ ኢዛ ዬካናኔ ዋሳና፤ ኢዛ ታስ ያርሾ ያርሺዛሶ ጊዳና።

ኤርማሳ ቲንቢቴ 32:4

ዩሁዳ ካዎ ሴዴቂያሲ ባቢሎኔ ካዎስ ኣ ኢሜታና፤ ካዎዛ ሲንን ኤቂዲ ኢዛ ሃሳይሳና፤ ኢዚካ ባ ኣይፌራ ቤኣና ኣቲን ባቢሎኔታ ኩሼፔ ኬሲ ኤኪ ኣቴና።

ኤርማሳ ቲንቢቴ 32:5

ሄሳፌ ጉዬ ኢስቲ ሴዴቂያሳ ባቢሎኔ ኤፋና፤ ሂስቲን ታኒ ኢዛ ቦላ ፒርዳና ጋካናስ ኢዚ ሄን ዳና፤ ኢንቴ ባቢሎኔ ኣሳታራ ኦሌቲኮ ኢንቴስ ጊጌና› ጌስ ጋሳ» ጊዲ ሄሳ ጊሻስ ቃሺሲዴስ።

ሂዚቄላ ቲንቢቴ 12:12

«ኢስታ ጊዶን ዲዛ ሃላቃይ ኦማርሳራ ባስ ዲዛ ሚሽ ሺሺ ቶኪዲ ኬዛና፤ ኢዚ ባቃቲ ባና ማላ ጊምቤይ ሉኬታና፤ ቢታ ቤኦንታ ማላ ባ ኣይፌሶ ካማና።

ሂዚቄላ ቲንቢቴ 12:4

ጋላስ ኢስቲ ጼሊሺን ኔስ ዲዛ ሚሽ ጎዴቲ ቢዛ ኣሳ ማላ ኬሳ፤ ኦማርሲካ ኢስቲ ጼሊሺን ዲኤቲ ቢዛ ኣሳ ማላ ኬዛ።

ሌዌታ ማጻፋ 26:17

ታኒ ኢንቴ ቦላ ሃንቆን ዴንዲዛ ጊሻስ ኢንቴ ጾኔታና፤ ኢንቴ ኢጺዛ ኢንቴ ሞርኬቲ ኢንቴና ሃራና፤ ኦኒካ ኢንቴና ጎዶንታ ኢንቴ ኢንቴርካ ባቃታና።

ሌዌታ ማጻፋ 26:36

« ‹ኢንቴ ቤቴ ቢታን ዲዛይቲ ዉሪካ ጫርኮይ ቃዛ ቆናሼ ጊሪስ ሲዪዲ ዳጋማን ፒራ ባቃታና ማላ ታ ኦና፤ ሞርኬይ ኦላሶን ጎዲን ዎጺዛ ማላ ኢንቴ ዎጻና፤ ኣይ ሞርኬይካ ኢንቴ ኣቻን ባይንዳ ኢንቴ ጴቲ ኩንዳና።

ኣሞጼ ቲንቢቴ 2:14

ፒላታ ኣሲ ኬሲ ኤኪ ኣቴና፤ ሚኖይካ ባ ሚኖቴን ማዴቴና፤ ዎልቃማይካ ባ ሼምፖ ኣሼና።

ዛሬ ማጻፋ 28:25

ጎዳይ ኔ ሞርኬታ ሲንን ኔኒ ጾኔታና ማላ ኦና፤ ኔኒ ኢስታ ቦላ ኢሲ ኦጌራ ባናሺን ኢስታፌ ኣታናስ ላፑናሶራ ባቃታና፤ ቢታ ቦላ ዲዛ ካዎቴቲ ኡባይ ኔ ቦላ ጋኪዛይሳ ቤኢዲ ሂርጋን ኮኮራና።