ኤርማሳ ቲንቢቴ 30:7 - ጋሞ ማጻፋ

⁷ ሄ ጋላሳይ ኣይ ማላ ዳጋንዛ ጋላስ ጊዳኔ! ሄሳ ማላ ጋላሲ ዴና፤ ሄ ጋላሳይ ያቆቤ ዜሬታስ ሜቶ ጋላስ ጊዳና፤ ጊዶ ኣቲን ኢስቲ ሄ ሜቶዛፔ ኣታና» ጌስ።

Geeshsha Maxaafa

⁷ He gallassay ay mala daganththiza gallas gidanee! hessa mala gallassi deenna; he gallassay Yaaqoobe zereththatas meto gallas gidana; gido attiin istti he metozappe attana» gees.

ኤርማሳ ቲንቢቴ 30:7 Iomraidhean Croise

ሜቴ ማጻፋ 32:7

ያቆቤይ ባቢዲ ሾቢዴስ፤ ባናራ ዲዛ ኣሳ 2 ጩጋን ጩጋን ሻኪዲ ባ ዶርሳ፥ ዴይሻ፥ ሚዛኔ ጋሜላ 2 ጩጋን ጩጋን ሻኪዴስ።

ዬ ማጻፋ 25:22

ኣቤት ጾሳዉ! ኢስራኤሌ ኣሳ ሜቶ ኡባፌ ኔኒ ዎዛ።

ዬ ማጻፋ 34:19

ጺሎ ኣስ ጋኪዛ ሜቶይ ዳሮ፤ ጊዶ ኣቲን ጎዳይ ኢዛ ሄ ኡባፌ ኣሼስ።

ኢሳያሳ ቲንቢቴ 20:6

ሄ ዎዴ ኣባ ማታን ዴኢዛ ዴሬይ፥ ‹ካሴ ኢስቲ ጬቄቲዳይቲ፥ ኣሶሬ ካዎፔ ኣታናሲኔ ላኣ ኬዛናስ ኑ ኢስታ ጊዶን ቆቴቲዳይታ ኣዚ ጋኪዳኮ ኣኔ ጼሊቴ፤ ሂስቲን ኑኒ ዋኒ ኬሲ ኤኪ ኣታኔ? ጋና› » ጊዴስ።

ኤርማሳ ቲንቢቴ 14:8

ኣቤት ኢስራኤሌ ሂዶታዉ! ሜቶ ዎዴ ኣሺዛይሶ! ኔኒ ቢታን ኢማ ማላ፥ ኢሲ ኦማርስ ኣቂዲ ቢዛ ኦጌ ኣሳ ማላ ኣይስ ሃናይ?

ኤርማሳ ቲንቢቴ 2:27

ኢስቲ ሚ፥ ‹ኔኒ ታ ኣዋ› ጌቴስ፤ ቃሴ ሹች፥ ‹ኔኒ ታና ዬላዳሳ› ጌቴስ። ኢስቲ ታስ ባ ሲን ዛራናይሳ ኣጊዲ ዞኮ ዛሪዳ፤ ጊዶ ኣቲን ኢስታ ሜቶይ ጋኪዳ ዎዴ፥ ‹ያዳ ኑና ኣሻ› ጌቴስ።

ኤርማሳ ቲንቢቴ 2:28

ሂስቲን ኣኔ ኢንቴ ኢንቴስ ሜዳ ጾሳቲ ኣዋን ዲዞ? ዩሁዳ፥ ኢንቴ ሜቶቲዛ ዎዴ ኢስቲ ኢንቴና ኣሻናስ ዳንዳይኮ ኣኔ ኢንቴና ዪዲ ኣሼቶ! ኢንቴኖ ዩሁዳ ኣሳቶ! ኢንቴ ጾሳቲ ኢንቴ ካታማታ ማላ ጮራ» ጊዴስ።

ኤርማሳ ቲንቢቴ 30:10

«ሄሳ ጊሻስ ታ ኣይሌ ያቆቤ ዛሬቶ ያዮፍቴ! ኢንቴኖ ኢስራኤሌቶ ዳጋሞፍቴ! ኢንቴ ሃሆሶን ዲሺን ታኒ ኢንቴና ኣሻና፤ ኢንቴ ዛሬታካ ኢስቲ ዲኤቲዳ ቢታፌ ኬሳ ኤካና፤ ያቆቤ ዛሬቲ ሲሚዲ ሳሮኒኔ ዎፓን ኡታና፤ ኢስታ ያሺሳና ኣይ ሚሺካ ዴና።

ኤርማሳ ዚላስ 1:12

«ጎዳ ጾሲ ባ ዎልቃማ ሃንቆዛ ኑ ቦላ ዬዲዳ ዎዴ ኑ ቦላ ጋኪዳ ሜቶ ማላ ሜቶይ ጋኪዳ ኣሲ ዲዛ ጊዲኮ ኢንቴኖ ኦጌራ ኣ ቢዛ ኡባቶ ኣኔ ቤኢቴ! ሃ ሜቶይ ኢንቴስ ካዉሻ ሚሳቲዜ?

ኤርማሳ ዚላስ 2:13

«ሃኔ ዬሩሳላሜ! ታ ኔ ጊሻስ ኣይ ጋናስ ዳንዳያዚና? ታ ኔና ኣዛራ ጊናሳ ጼሎ? ሃኔ ዶሴቲዳ ጺዮኔ ጌላኦዬ! ታ ኔና ዎስታ ሚንናስ ዳንዳያዚና? ኔ ማዱንይ ኣባፌካ ጪማቴስ፤ ኔና ፓናስ ዳንዳይዛይ ኦኔ?

ኤርማሳ ዚላስ 4:6

ታ ዴሬዛ ቦላ ጋኪዳ ቂጻቴይ ኦና ኩሼይካ ቦቾንታ ዲሺን ኤሶን ኣ ዎዳ ሶዶሜ ካታማ ኣሳ ጋኪዳ ቂጻቴዛፔካ ኬሂ ኢታ።

ዳኔላ ቲንቢቴ 12:1

ካሴ ታስ ኣጁታዛ ቢርሺዛ ኪታንቻዚ ታስ፥ «ኔ ዴሬዛ ናጊዛ ጊታ ኪታንቻስ ሃላቃ ሚካኤሌይ ኢዚ ሄ ዎዴ ቆንጫና፤ ኣሳ ዜሬ ሜቶሶፌ ሄ ዎዴ ጋካናስ ሃኒ ኤሮንታ ዎልቃማ ሜቶይ ሃናና፤ ኢስታ ሱንይ ማጻፋን ጻፌቲዳ ኡባ ኣሳይ ኣታና።

ዳኔላ ቲንቢቴ 9:12

‹ኢንቴ ቦላኔ ኢንቴና ካሌዛይታ ቦላ ታ ጊታ ሜቶ ኤሃና› ጋዳ ካሴ ኔ ዮቲዳይሳ ኡባ ኑ ቦላ ፖላዳሳ፤ ሄ ዎዴ ዬሩሳላሜ ቦላ ጋኪዳ ቂጻቴ ማላይ ሃራሶ ኣዋንካ ጋኪቤና።

ሆሴኤ ቲንቢቴ 1:11

ሄ ዎዴ ዩሁዳ ኣሳይኔ ኢስራኤሌ ኣሳይ ሲሚዲ ኢሲኖ ጊዳና። ናምኣቲ ባንታና ኣይሳናዴ ኢሲ ኣስ ዶራና። ቃሴካ ኢስቲ ባንታ ዴሬን ዲቻኒኔ ዱሬቴን ዴኣና። ኢዝራኤሌ ጋላሳይ ጊታ ጊዳና።

ኢዩኤሌ ቲንቢቴ 1:15

ኣዬ ኣና! ጎዳ ጋላሲ ማቲዴስ። ኡባ ዳንዳይዛ ጾሳይ ይሲዛዝ ኤሂዛ ጋላሲ ጋኪዴስ። ሄ ጋላሳይስ ኣዬ ኣና!

ኢዩኤሌ ቲንቢቴ 1:2

ኢንቴ ጪማቲ ሃይሳ ሲዪቴ፤ ዩሁዳ ዴሬን ዲዛይቲ ዉሪካ ሃይሳ ኤዝጊ ሲዪቴ። ሃይሳ ማላ ሃኖይ ካሴ ኢንቴ ዎዴ ጊዲን ዎይኮ ካሴ ኢንቴ ኣዋታ ዎዴ ሃኒ ኤሪዜ?

ኢዩኤሌ ቲንቢቴ 2:11

ጎዳይ ባ ኦላንቻታ ሲንን ዳዳ ማላ ጉማና፤ ኢዛ ኦላንቻቲ ኣይ ማላ ዳሮ! ኢዛ ኣዛዞ ኦዛይቲ ኣይ ማላ ዎልቃማ! ቱማፔካ ጎዳ ጋላሳይ ኬሂ ዎልቃማ፤ ኬሂ ባቢሲዛ ሄ ጋላሳ ዳንዳይ ኤቃናይ ኦኔ?

ኢዩኤሌ ቲንቢቴ 2:31

ጊታ ባቢሲዛ ጎዳ ጋላሳይ ያናፔ ካሴቲዲ ኣርሼይ ማና፤ ኣጊናይካ ሱ ኣና።

ሚኪያሳ ቲንቢቴ 4:9

ሂስቲን ኔ ሃኢ ኣዛስ ዋሳይ? ኔስ ካዎይ ባዬ? ኔኒ ሚጻይ ኦይኪዳ ማጫሳይ ማላ ኡንኤቲዳይ ኔና ዞሪዛይ ይኔ?

ኢምባቆ ቲንቢቴ 3:16

ታኒ ሲያዲስ፤ ታ ዎዚናይካ ዳጋሚዴስ፤ ኢዛ ጊርሳፌ ዴንዲዳይሳን ታ ሜቴርሻይ ኮኮሪዴስ። ባቦን ታስ ማራጬይ ቃጺዴስ። ታስ ጉልባቴይ ኮኮሪዴስ፤ ጊዲኮካ ኑ ቦላ ዎራጂዛ ዴሬዛ ቦላ ሜቶይ ያና ጋላስ ታ ጌንጫ ናጋይስ።

ዛካራሳ ቲንቢቴ 14:7

ሄ ጋላሳይ ጋላሲኔ ቃማይ ባይንዳ ጎዳይ ኤሪዛ ዱማ ጋላስ ጊዳና፤ ሄ ጋላሲ ፖኦይ ፖኦሺን ዴኣና።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

ማርቆሳ ሚሺራቾ 13:19

ጾሲ ኮይሮ ሜቴ ኡባ ሜሶፌ ሃኢ ጋካናስ ዎይኮ ሃይሳፌ ጉዬ ኢዛ ሚሳቲዛይ ባይንዳ ጊታ ሜቶይ ሃናና።

ሃዋሬታ ኦሶ 2:20

ጊታኔ ቦንቾ ጊዲዳ ጎዳ ጋላሲ ያናፔ ካሴቲዲ ኣርሼይ ማና፤ ኣጊናይካ ሱ ሚሳታና።

ኦሮሜ ኣሳስ 11:26

ሄሳ ጊሻስ ኢስራኤሌ ናይቲ ዉሪካ ኣታና። «ኣሺዛዴይ ጺዮኔፔ ያና፤ ያቆቤፔካ ኢታቴ ዲጋና።

ዮሃኒሳ ኣጁታ 6:17

ዎልቃማ ሃንቆ ጋላሳይ ጋኪዴስ፤ ኢዛ ኦኔ ዳንዳያናይ?» ጊዳ።