ኤርማሳ ቲንቢቴ 30:10 - ጋሞ ማጻፋ

¹⁰ «ሄሳ ጊሻስ ታ ኣይሌ ያቆቤ ዛሬቶ ያዮፍቴ! ኢንቴኖ ኢስራኤሌቶ ዳጋሞፍቴ! ኢንቴ ሃሆሶን ዲሺን ታኒ ኢንቴና ኣሻና፤ ኢንቴ ዛሬታካ ኢስቲ ዲኤቲዳ ቢታፌ ኬሳ ኤካና፤ ያቆቤ ዛሬቲ ሲሚዲ ሳሮኒኔ ዎፓን ኡታና፤ ኢስታ ያሺሳና ኣይ ሚሺካ ዴና።

Geeshsha Maxaafa

¹⁰ «Hessa gishshas ta aylle Yaaqoobe zareto yayyofte! Intteno Isra7eeleto dagammofte! Intte haahoson dishin tani inttena ashshana; intte zaretakka istti di7ettida biittafe kessa ekkana; Yaaqoobe zareti simmidi saroninne woppan uttana; istta yashissana ay miishshika deenna.

ኤርማሳ ቲንቢቴ 30:10 Iomraidhean Croise

ሜቴ ማጻፋ 15:1

ሄሳፌ ጉዬ ጎዳ ቃላይ ኣጁታን ኣብራሜኮ ዪዲ፥ «ኣብራሜ፥ ባቦፋ! ታኒ ኔስ ጎንዳሌ፤ ኔ ኣንጆይ ኬሂ ጊታ» ጊዴስ።

ኢሳያሳ ቲንቢቴ 14:3

ጎዳይ ኢንቴና ኢንቴ ዋዬፔ፥ ሜቶፔኔ ኡንኤቴፌኔ ኢታ ኣይሌቴፌ ኔና ሼምፒሲዳ ጋላሲ፥

ኢሳያሳ ቲንቢቴ 35:9

ሄን ጋሞይ ዴኤና፤ ዳፊ ሚዛ ዶኣይካ ኢዛን ኬዜና፤ ሄይታንቲ ሄን ቤቴቴና፤ ዎዜቲዳይቲ ጻላ ሄራ ባና።

ኢሳያሳ ቲንቢቴ 43:5

«ታኒ ኔናራ ዲዛ ጊሻስ ያዮፋ፤ ታኒ ኔ ናይታ ኣርሼይ ሞኪዛ ባጋፌ ኤሃና፤ ኔና ኣርሼይ ዉሊዛ ባጋፌ ሺሻና።

ኢሳያሳ ቲንቢቴ 44:1

ጎዳይ፥ «ጊዶ ኣቲን ታ ኣሽካራ ያቆቤ፥ ታ ዶሪዳ ኢስራኤሌ፥ ሲያ።

ኢሳያሳ ቲንቢቴ 44:2

ኔና ሜዳይ፥ ኔ ኣዬይ ኡሎን ኦዳይ፥ ኔና ማዲዛ ጎዳይ፥ ‹ታ ኣሽካራ ያቆቤ! ታኒ ዶሪዳ ዪሹሩኔ! ያዮፋ።

ኢሳያሳ ቲንቢቴ 46:11

ኣርሼይ ሞኪዛ ባጋፌ ቦንቂዛ ኣርጋን፥ ሃሆ ቢታፌ ታ ቆፋ ፖሊዛ ኣስ ታኒ ጼይጋና። ታ ዮቲዳይሳ ታ ኦና፤ ታ ሃልቺዳይሳ ታ ፖላና።

ኢሳያሳ ቲንቢቴ 46:13

ታኒ ታ ጺሎቴ ኤሆን ዳይስ፤ ሃሆ ጊዴና። ታ ኣቶቴይ ጋምኤና፤ ታኒ ጺዮኔ ኣቶቴ። ኢስራኤሌ ቦንቾ ማይዛና» ጌስ።

ኢሳያሳ ቲንቢቴ 49:12

ሄኮ ኢስቲ ሃሆ ዴሬፔ ያና፤ ኢሲ ኢሲኔቲ ፑዴሃፔ፥ ባጋይቲ ኣርሼይ ዉሊዛ ባጋፌ፥ ሃንኮ ኣቲዳይቲ ሲኒሜፔ ያና» ጌስ።

ኢሳያሳ ቲንቢቴ 49:25

ጊዶ ኣቲን ጎዳይ፥ «ቱሙካ ኦላንቻቲ ዲኢ ኤፊዳ ሚሽ ኬሲ ኤካናስ፥ ሜንጼ ኢታታ ኩሼፔ ዲኤቲዳይታ ኣሻናስ ዳንዳዬቴስ፤ ኔናራ ኦሌቲዛይታራ ታ ኦሌታና፤ ኔ ናይታካ ታኒ ኣሻና።

ኢሳያሳ ቲንቢቴ 54:4

«ኣይኮይ ባ ባቦፋ፤ ኔ ዬላታካ፤ ሂርጎፋ፤ ኔ ካዉያካ፤ ኔ ዬላጋቴ ዬላ ኔኒ ዶጋና፤ ኔ ኣምኤቴ ቦሮካ ሃይሳፌ ሲንን ሃሳኣካ።

ኤርማሳ ቲንቢቴ 23:3

ሄሳፌ ጉዬ ታ ዉዴፔ ኣቲዳይታ ካሴ ታ ጎዳ ዬዲዳ ዴሬ ኡባፌ ታኒ ታርካ ሺሻዳ ካሴ ታ ሄሚዛሶሆ ዛራ ኤሃና፤ ኢስቲካ ሄሳን ዬሌቲዲ ጮራታና።

ኤርማሳ ቲንቢቴ 23:4

ታኒ ሎኤ ሄሚዛ ሄንንቻታ ኢስታስ ዴንና፤ ኢስቲ ናምኣን ባቤቴናኔ ዳጋሜቴና፤ ኢስታፌ ኢሳዴይካ ዬና» ጌስ።

ኤርማሳ ቲንቢቴ 23:6

ኢዛ ካዎቴ ላይን ዩሁዳይ ኣታና፤ ኢስራኤሌይካ ሳሮን ዳና፤ ኢዛ ሱን፥ ‹ጎዳይ ኑስ ጺሎቴ› ጌቴታና።

ኤርማሳ ቲንቢቴ 23:8

ጊዶ ኣቲን፥ ‹ኢስራኤሌ ዛሬታ ፑዴሃ ባጋ ቢታፌኔ ኢዚ ኢስታ ላሊዳ ሃራ ዴሬታፔ ኬሲዳ ዴኦ ጎዳይ ቤኢን› ጊ ጫቃና ዎዴይ ያና፤ ሄሳፌ ጉዬ ኢስቲ ባንታ ዴሬን ዳና» ጌስ።

ኤርማሳ ቲንቢቴ 29:11

ታ ኢንቴስ ሃልቺዳ ሃልቾ ኤራይስ፤ ሄ ሃልቾዛስ ፖሎይ ሎኦኔ ሂዶታ ኢሚዛዛ፥ ኢንቴና ጎኢዛዛ ኣቲን ቆሂዛዝ ጊዴና።

ኤርማሳ ቲንቢቴ 29:14

ታኒካ ኢንቴስ ቤታና። ታ ኢንቴ ዲኤቲ ቢዳ ቢታፌ ዛራና፤ ታኒ ኢንቴና ላላ ዬዲዳ ካዎቴፌኔ ሶሆ ኡባፌ ሺሻና፤ ሂስታዳ ታኒ ኢንቴና ዲኦስ ዬዳናፔ ካሴ ኢንቴ ዴኢዳ ሶሆ ጉዬ ዛራዳ ኤሃና› ጌስ።

ኤርማሳ ቲንቢቴ 3:18

ሄ ጋላሳታን ዩሁዳ ኣሳቲ ኢስራኤሌ ኣሳታራ ጋይቲዲ ፑዴሃ ባጋ ቢታፌ ታኒ ካሴ ኢንቴ ኣዋታስ ጺንጾ ሂስታ ኢሚዳ ቢታ ኢሲፌ ያና» ጌስ።

ኤርማሳ ቲንቢቴ 30:3

ታኒ ታ ዴሬ ኢስራኤሌኔ ዩሁዳ ካሴ ኢስታ ኣዋታስ ታ ኢሚዳ ቢታ ኢስታስ ዛራ ኤሃና ዎዴይ ጋኪዴስ፤ ኢስቲካ ላታና» ጌስ።

ኤርማሳ ቲንቢቴ 30:7

ሄ ጋላሳይ ኣይ ማላ ዳጋንዛ ጋላስ ጊዳኔ! ሄሳ ማላ ጋላሲ ዴና፤ ሄ ጋላሳይ ያቆቤ ዜሬታስ ሜቶ ጋላስ ጊዳና፤ ጊዶ ኣቲን ኢስቲ ሄ ሜቶዛፔ ኣታና» ጌስ።

ኤርማሳ ቲንቢቴ 33:16

ሄ ዎዴ ዩሁዳ ኣሳይ ኣታና፤ ዬሩሳላሜ ኣሳይካ ሳሮን ዳና፤ ኢዛካ፥ ‹ጎዳይ ኑስ ጺሎቴ› ጋና።

ሂዚቄላ ቲንቢቴ 16:52

ኔኒ ኔ ሚቼታ ጺሎ ማላ ቆዲዳ ጊሻስ ዬላ ማይኣ፤ ኔ ናጋራይ ኢስታይሳፌ ኬሂ ኢታ ጊዲዳ ጊሻስ ኢስቲ ኔፔ ጺሎ፤ ኔኒ ኔ ሚቼታ ጺሊሲዳ ጊሻስ ዬላ ቁማኣ።

ሂዚቄላ ቲንቢቴ 38:11

ኔኒ ኢስታስ፥ ዲርሳይ ባይንዳ ዴሬታ ቢታ ታ ዎራጃና፤ ኢስቲ ኡባይካ ዲርሳይ ባይንዳ፥ ፔንጌይኔ ቢራታ ኮላታይ ባይንዳ ዲሺን ሳሮኒኔ ሂርጋይ ባይንዳ ኡቲዳ ዴራ ታ ኦላና።

ዳኔላ ቲንቢቴ 12:1

ካሴ ታስ ኣጁታዛ ቢርሺዛ ኪታንቻዚ ታስ፥ «ኔ ዴሬዛ ናጊዛ ጊታ ኪታንቻስ ሃላቃ ሚካኤሌይ ኢዚ ሄ ዎዴ ቆንጫና፤ ኣሳ ዜሬ ሜቶሶፌ ሄ ዎዴ ጋካናስ ሃኒ ኤሮንታ ዎልቃማ ሜቶይ ሃናና፤ ኢስታ ሱንይ ማጻፋን ጻፌቲዳ ኡባ ኣሳይ ኣታና።

ሆሴኤ ቲንቢቴ 2:18

ሄ ዎዴ ዶኣታራ፥ ካፎታራኔ ቢታ ቦላ ጎሼቲዛ ሜቴ ኡባታራ ታ ኢንቴ ጊሻስ ጫቄታና። ኡባይካ ሳሮን ዳና ማላ ኦላ፥ ቶራኔ፥ ማሻ ቢታ ቦላፌ ታ ዲጋና።

ሆሴኤ ቲንቢቴ 2:20

ታኒ ኣማኔታዳ ኔና ታስ ማቾ ጊጊሳና። ኔኒካ ታኒ ጎዳ ጊዲዳይሳ ኤራና።

ሆሴኤ ቲንቢቴ 6:11

«ኢንቴኖ ዩሁዳ ኣሳቶ! ታ ኢንቴና ቃጻያና ጋላስ ባራ ዎዲስ።

ኢዩኤሌ ቲንቢቴ 2:21

ቢታዬ ባቦፋ፤ ጎዳይ ኔስ ኦዳ ጊታ ሚሻ ጊሻስ ኡፋዬታ!

ሚኪያሳ ቲንቢቴ 4:9

ሂስቲን ኔ ሃኢ ኣዛስ ዋሳይ? ኔስ ካዎይ ባዬ? ኔኒ ሚጻይ ኦይኪዳ ማጫሳይ ማላ ኡንኤቲዳይ ኔና ዞሪዛይ ይኔ?

ዛካራሳ ቲንቢቴ 3:10

ኡባፌ ዎልቃማ ጎዳይ፥ «ሄ ዎዴ ኢሶይ ኢሶይ ባ ዎይኔ ሚ ጋርሳኒኔ ባ ባላሴ ሚ ጋርሳን ባ ላጌ ዲጊሳስ ጼይጋና» ጌስ።