ኤርማሳ ቲንቢቴ 3:23 - ጋሞ ማጻፋ

²³ ኑኒ ዙምቡላታ ቦላኔ ዙማታ ቦላ ኤቃ ጾሳታስ ጎይኖይ ቱማፔ ኑስ ባላ፤ ቱማፔ ኑስ ኢስራኤሌታስ ኣቶቴ ጎዳ ኑ ጾሳፌ።

Geeshsha Maxaafa

²³ Nuni zumbullata bollanne zumata bolla eeqa xoossatas goynoy tumappe nuus bala; tumappe nuus Isra7eeletas atoteththi GODAA nu Xoossaafe.

ኤርማሳ ቲንቢቴ 3:23 Iomraidhean Croise

ዬ ማጻፋ 3:8

ማዶይ ጎዳሳ፤ ጎዳዉ ኔ ኣንጆይ ኔ ዴራ ቦላ ጊዶ።

ዬ ማጻፋ 62:7

ታስ ኣቶቴኔ ቦንቾይ ቤቲዳይ ጾሳፌ፤ ኢዚ ታ ቆቴታ ኣቲዛሶኔ ታስ ሚኖ ዛላ።

ሌሚሶ ማጻፋ 21:31

ኦላ ጋላሳስ ፓራ ጊጊሴስ፤ ጊዶ ኣቲን ጾኖይ ጎዳፔ ዬስ።

ኢሳያሳ ቲንቢቴ 10:20

ሄ ዎዴ ኢስራኤሌ ዛሬፔ ጫሻ ኣቲዳይቲ፥ ያቆቤ ኬፌ ኣቲዳይቲ ሃይሳፌ ጉዬ ባንታና ሾጪዳይታ ቦላ ዜምፔቴና፤ ጊዶ ኣቲን ጎዳን ኢስራኤሌ ጌሻን ቱማፔ ኣማኔታና።

ኢሳያሳ ቲንቢቴ 12:2

‹ቤኢቴ፥ ጾሳይ ታ ኣቶቴ፤ ታኒ ኢዛን ኣማኔቲዛ ጊሻስ ባቢኬ፤ ጎዳይ፥ ጾሳይ ታስ ሚኖቴኔ ዬ፤ ታ ኣቶቴይ ኢዛ› ጋንዳሳ።

ኢሳያሳ ቲንቢቴ 43:11

ታና፤ ታኒ ጎዳ፤ ታፔ ኣቲን ሃራ ኣሺዛይ ዴና።

ኢሳያሳ ቲንቢቴ 44:9

ኤቃ ሚስሌታ ሜዛይቲ ኡባቲ ሃዳ፤ ሚስሌታ ኢስታፌ ኦዛ ሚሻቲካ ሃዳ፤ ኢስታስ ዮቲዛይቲካ ቆቄ፤ ኢስታስ ኤራቴ ዴና፤ ኢስቲ ዬላታና።

ኢሳያሳ ቲንቢቴ 45:15

ኣሺዛ ኢስራኤሌ ጾሳዉ፥ ቱማፔ ኔኒ ኔና ጌንዛ ጾሳ።

ኢሳያሳ ቲንቢቴ 45:17

ኢስራኤሌይ ጊዲኮ ጎዳን ሜርና ኣቶቴ ኣታና፤ ኢንቴካ ሜርናስ ዬላቴኬታኔ ካዉዬኬታ።

ኢሳያሳ ቲንቢቴ 45:20

«ኢንቴኖ ካዎቴታፔ ቤቲዳይቶ! ኢሲፌ ሺቂዲ ሃዪቴ፤ ማታ ሺቂቴ። ሚፌ ኦሴቲዳ ኤቃ ጾሳ ቶኪዛይታሲኔ፥ ኣሻናዉ ዳንዳዮንታ ጾሳ ዎሲዛይታስ ኤራቴ ዴና።

ኢሳያሳ ቲንቢቴ 63:1

ኤዶሜ ቢታን ዲዛ ቦጺራ ካታማፔ ዞኦ ሴሎ ማይኦ ማይኢዲ ዪዛይ ሄሲ ኢዚ ኦኔ? ሃይሲ ቦንቾ ማይኢዲ ባ ዎልቃ ጊታቴን ሄሜቲሼ ዪዛይ ኢዚ ኦኔ? «ጺሎ ሃሳይዛይኔ ኣሻናስ ዎልቃይ ዲዛይ ታና ጊዲኪና!» ጌስ ጎዳይ።

ኢሳያሳ ቲንቢቴ 63:16

ኣብራሃሜይ ኑና ኤሮንታ ኣጊኮ፥ ኢስራኤሌይካ ኑና ኣኬኮንታ ኣጊኮካ ኔኒ ኑስ ኣዋ። ኣቤት ጎዳዉ፥ ኔኒ ኑስ ኣዋ፤ ቤኒሶፌካ ዶሚዲ ኔ ሱንይ ኑና ዎዚዛይሳ።

ኤርማሳ ቲንቢቴ 14:8

ኣቤት ኢስራኤሌ ሂዶታዉ! ሜቶ ዎዴ ኣሺዛይሶ! ኔኒ ቢታን ኢማ ማላ፥ ኢሲ ኦማርስ ኣቂዲ ቢዛ ኦጌ ኣሳ ማላ ኣይስ ሃናይ?

ኤርማሳ ቲንቢቴ 17:14

ኣቤት ጎዳዉ! ታና ፓ፤ ታኒካ ፓጻና፤ ታና ኣሻ፤ ታኒካ ኣታና፤ ጋሶይካ ታ ጋላታይ ኔና።

ኤርማሳ ቲንቢቴ 17:2

ኢስታስ ናይቲካ ኣቶንታ ጪሊላ ሚታ ጋርሳኒኔ ቃ ዙምቡላታ ቦላ ዲዛ ያርሾሶታኔ ኣሼሮ ጌቴቲዛ ኤቃ ሚስሌዮ ቆፔቴስ።

ኤርማሳ ቲንቢቴ 3:6

ካዎ ኢዮሲያሲ ካዎቲዳ ላይ ጎዳይ ታስ፥ «ሃና ኣማኖይ ባይንዳ ኢስራኤሌይ ኦዳይሳ ኔኒ ቤኣዲ? ኢዛ ቃ ዙምቡላታ ቦላ ኬዛዳ ዳሻ ሚታ ጋርሳን ላይማታዱስ።

ኤርማሳ ቲንቢቴ 31:7

ጎዳይ፥ «ያቆቤ ዴራስ ኡፋይሳን ዬጺቴ፤ ካዎቴታ ሃላቃስ ኢሊሊ ጊቴ፤ ኢንቴ ጋላታካ ሲሲቴ፤ ‹ጎዳዉ ኢስራኤሌፔ ጫሻ ኣቲዳ ኔ ዴራ ኣሻ› ጊቴ።

ሂዚቄላ ቲንቢቴ 20:28

ታኒ ኢስታስ ኢማና ጫቂዳ ቢታ ኢስታ ኤሃ ጌልዳ ዎዴ ቁ ጊዳ ዙምቡላታ ኡባኔ ጪሊሎ ሚ ኡባታ ቤኢዳ፤ ሄን ባንታ ያርሾ ያርሺዳ፤ ባንታ ካ ያርሾ ሺሺዲ፥ ሳዎ ቱኑ ጊዛ ኤጻኔ ጩዋሲዲ፥ ኡሻ ያርሾካ ሺሺዲ ታ ሃንቆ ዴንዳ› ጌስ።

ሆሴኤ ቲንቢቴ 1:7

ዩሁዳ ኣሳስ ጊዲኮ ታኒ ታ ሲቆ ቤሳና። ታኒ ጎዳይ ኢስታ ጾሳይ ኣሻና፤ ታ ኢስታ ኣሻናይሲ ኦላ ዎልቃን ጊዴና፤ ማሻን፥ ቶራን ዎይኮ ፓራኒኔ ፓራን ኦሊዛይታን ጊዴና» ጊዴስ።

ዮሃኒሳ ሚሺራቾ 4:22

ኢንቴ ኢንቴ ኤሮንታ ጾሳስ ጎይኔታ፤ ኑ ጊዲኮ ኣሳስ ኣቶቴ ኣይሁዳፔ ጊዲዳ ጊሻስ ኑኒ ኑ ኤሪዛ ጾሳስ ጎይኖስ።