ኤርማሳ ቲንቢቴ 27:15 - ጋሞ ማጻፋ

¹⁵ ‹ታኒ ኢስታ ኪታቤኬ፤ ኢስቲ ታ ሱንን ዎርዶ ቲንቢቴ ዮቴቴስ፤ ሄሳ ጊሻስ ታኒ ኢንቴናኔ ኢንቴስ ናቤታ ጎዳ ኬሳና፤ ኢንቴካ ያና› ጌስ ጎዳይ።»

Geeshsha Maxaafa

¹⁵ ‹Tani istta kiittabeekke; istti ta sunththan wordo tinbite yooteettes; hessa gishshas tani inttenanne inttes nabeta goodda kessana; intteka dhayana› gees GODAY.»

ኤርማሳ ቲንቢቴ 27:15 Iomraidhean Croise

2ታሪኬ ማጻፋ 25:16

ናቤዚ ዮቶ ቦላ ዲሺን ካዎዚ፥ «ኔኒ ካዎ ዞራና ማላ ኑኒ ኔና ዶሪዶኒ? ጮኡ ጊኪ! ሃይቃና ኮያይ?» ጊዴስ። ሂስቲን ናቤዚ ጮኡ ጊ ኤኪዲ፥ «ኔኒ ሃይሳ ኦዳ ጊሻሲኔ ታኒ ኔና ዞሪዳይሳ ኔ ሲዮንታ ጊሻስ ጾሲ ኔና ይሳና ቃቺዳይሳ ታኒ ኤራይስ» ጊዴስ።

ኤርማሳ ቲንቢቴ 14:14

ሂስቲን ጎዳይ ታስ፥ «ናቤቲ ታ ሱንን ዎርዶ ዮቴቴስ። ታኒ ኢስታ ኪታቤኬ፥ ኣዛዛቤኬ፥ ኢስታስካ ዮታቤኬ። ኢስቲ ኢንቴስ ዎርዶ ኣጁታ፥ ሙሬኖ ዮኦ፥ ሃዳ ዮኦኔ ባንታ ዎዚናን ዲዛ ባሌ ዮኦ ዮቴቴስ።

ኤርማሳ ቲንቢቴ 20:6

ፓሽኩሬ! ኔኒኔ ኔ ሶሆን ዲዛ ኡባይካ ዲኤቲዲ ባቢሎኔ ባና። ኔኒኔ ኔ ኢስታስ ዎርዶ ቲንቢቴ ዮቲዳ ኔ ላጌቲ ኡባይ ሄን ሃይቃናኔ ሞጌታና› ጌስ» ጊዴስ።

ኤርማሳ ቲንቢቴ 23:15

ሄሳ ጊሻስ ኡባፌ ዎልቃማ ጎዳይ ሃይታ ናቤታ ጊሻስ፥ «ዬሩሳላሜን ዲዛ ናቤታፔ ቱና ሚሺ ኬዚዲ ቢታ ኡባን ላሌቲዳ ጊሻስ ታ ኢስታ ጫሞ ካ ሚዛና፤ ቃሴ ማርዜቲዳ ሃ ኡሻና» ጌስ።

ኤርማሳ ቲንቢቴ 23:21

ሃይታ ሃ ናቤታ ታ ኪታቤኬ፤ ጊዶ ኣቲን ኢስቲ ባንታ ኪታ ኤኪ ዎጼቴስ፤ ታ ኢስታስ ዮቶንታ ቲንቢቴ ዮቴቴስ።

ኤርማሳ ቲንቢቴ 23:25

ጎዳይ፥ «ታኒ ኣጉሜታዲስ፤ ታኒ ኣጉሜታዲስ» ጊሼ ታ ሱንን ዎርዶ ቲንቢቴ ሃሳይዛ ናቤታ ቃላ ሲያዲስ።

ኤርማሳ ቲንቢቴ 27:10

ጋሶይካ ኢንቴ ኢንቴ ቢታፌ ሾዴታና ማላ፥ ታ ኢንቴና ጎዳና ማላኔ ይሳና ማላ ኢስቲ ኢንቴስ ዎርዶ ቲንቢቴ ዮቴቴስ።

ኤርማሳ ቲንቢቴ 29:8

ቱሙካ ኡባፌ ዎልቃማ ጎዳ ኢስራኤሌ ጾሳይ፥ ‹ኢንቴ ጊዶን ዲዛ ናቤቲኔ ማሮቲ ኢንቴና ባሌፌቶ፤ ኢስቲ ኢንቴ ጊሻስ ኣጉሜቲዛ ኣጉሞ ሲዮፒቴ።

ኤርማሳ ቲንቢቴ 29:9

ኢስቲ ታ ሱንን ዎርዶ ቲንቢቴ ዮቴቴስ ታ ኢስታ ኪታቤኬ› ጌስ።

ኤርማሳ ቲንቢቴ 38:22

ዩሁዳ ካዎቴ ኬን ኣቲዳ ማጫሳቲ ኡባይ ዲኤቲዲ ባቢሎኔ ሹሜታስ ኣ ኢሜታና፤ ሄ ማጫሳቲ፥ « ‹ኔኒ ኢስታን ኣማኔቲዳ ኔ ሲቆቲ ኔና ባሌዳኔ ጾኒዳ፤ ኔ ቶሆይ ኡርቃን ሚቴቲዴስ፤ ኔ ሲቆቲካ ኔና ዬጊ ቢዳ› ጋና።

Maatosa 15:14

ኢስታ ኣጋጊቴ፤ ኢስቲ ቆቄቲ ካሌዛ ቆቄታ ጊዲዳ ጊሻስ፥ ቆቄቲ ቆቄ ካሌኮ ናምኣይ ኢሶይ ኢሳራ ኦይኬቲዲ ኣፎን ዉላና» ጊዴስ።

Maatosa 24:24

ዎርዶ ኪርስቶሲኔ ዎርዶ ናቤቲ ቡሮ ዴንዲዲ ኢስታስ ዳንዳዬቲኮ ዶሬቲዳይታ ባሌናስ ጊዲ ዎልቃማ ማላታታኔ ካሴ ኦሴቲ ኤሮንታ ሚሽ ኦና።

ዮሃኒሳ ኣጁታ 19:20

ጊዶ ኣቲን ሄ ዶኣዚ ኦይኬቲዴስ፤ ካሴ ኢዛራ ዳሮ ማላታ ኦዳ ዎርዶ ናቤዚካ ኢዛራ ኦይኬቲዴስ፤ ኢዚ ሄ ዶኣዛ ማላታይ ኢስታ ቦላ ዲዛይታኔ ሄ ዶኣዛ ሚስሌዛስ ጎይኒዳይታኔ ጊታ ማላታታ ኦ ኦዲ ኢስታ ባሌሼ ጋምኢዴስ፤ ሄይቲ ናምኣቲ ዲኔ ጌቴቲዛ ኤጺዛ ታማ ኣባን ሃይቆንታ ፓጻ ዲሼ ዬጌቲዳ።