ኤርማሳ ቲንቢቴ 22:24 - ጋሞ ማጻፋ

²⁴ ጎዳይ፥ « ‹ታኒ ታ ዴኦን ጫቃይስ› ዩሁዳ ካዎ ኢዮኣቄሜ ና ኢኮኒያኔ ኔኒ ታስ ኡሻቻ ኩሼ ቃላባቴ ማታሜ ጊዲዳኮካ ታ ኔና ኬሳ ኦላና።

Geeshsha Maxaafa

²⁴ GODAY, « ‹Tani ta de7on caaqqays› Yuhuda kawo Iyo7aaqeme naa Ikoniyaane neni taas ushachcha kushe qalabate maatame gididaakkoka ta nena kessa olana.

ኤርማሳ ቲንቢቴ 22:24 Iomraidhean Croise

2ካዎታ ማጻፋ 24:12

ዩሁዳ ካዎ ኢዮኣኪኔ ኣያ፥ ኢዛ ኣዣባቲ፥ ዳናቲኔ ሹሜቲ ኡባይ ባንታ ኩሼ ባቢሎኔ ካዎስ ኢሚዳ፤ ባቢሎኔ ካዎይ ካዎቲዳ ኦስፑን ላይን ኢዮኣኪኔ ዲኢ ኤኪ ቢዴስ።

2ካዎታ ማጻፋ 24:15

ናቡካዳናጾሬይ ኢዮኣኪኔ ዲኢ ኤኪዲ ባቢሎኔ ኤፊዴስ፤ ሄሳካ ካዎዛ ኣዬዮ፥ ኢዛ ማቼታ፥ ኢዛ ሹሜታኔ ዴሬን ኤሬቲዳ ጊታ ኣሳታ ዬሩሳላሜፔ ባቢሎኔ ኤፊዴስ።

1ታሪኬ ማጻፋ 3:16

ኢዮኣቄሜይ ኢኮኒያኔኔ ሴዴቂያሳ ዬሊዴስ።

2ታሪኬ ማጻፋ 36:9

ኢዮኣኪኔይ ካዎቲዛ ዎዴ ኢዛስ ላይይ ታማኔ ኦስፑና፤ ኢዚ ዬሩሳላሜን ሄ ኣጊናኔ ታሙ ጋላስ ካዎቲዴስ። ኢዚ ጎዳ ሲንን ኢታ ሚሽ ኦዴስ።

Siiqo Saba 8:6

ሜርና ሲቆን ኔ ዎዚናን ታና ዎ፤ ታና ጻላ ኔ ቄሴ ቦላ ማታሜ ማላ ሾጫ፤ ኣይስ ጊኮ ሲቆይ ሃይቆ ማላ ሚኖ፤ ቃናቴይ ዱፎ ማላ ሜንጼ ኢታ፤ ኢዚ ላጮይካ ታማ ላጮ ማላ ፖፖልኡ ጌስ።

ኢሳያሳ ቲንቢቴ 49:16

ሄኮ ታኒ ኔና ታ ኩሼ ቃኣን ጻፋዲስ፤ ኔ ዲርሳ ጊምቤቲካ ኡባቶ ታ ሲንን ዴቴስ።

ኤርማሳ ቲንቢቴ 13:18

ጎዳይ ታና፥ «ካዎዛሲኔ ኢዛ ኣዮ ጎዳቴይስ፥ ‹ኢንቴ ቦንቾ ካላቻይ ኢንቴ ሁኤፔ ዎና ጊሻስ፥ ኢንቴ ካዎቴ ኣራታፔ ዱጌ ዎቴ።

ኤርማሳ ቲንቢቴ 22:28

ሃይሲ ኢኮኒያኔይ ካቲዲ ሜቂዳ ኦቶ ማላ ኦኒካ ኮዮንታ ሚሼ? ኢዚኔ ኢዛ ናይቲ ኣይስ ካሬ ኦሌቲ ኣቲዶ? ኢስቲ ባ ኤሮንታ ኣላጋ ቢታን ኣይስ ዬጌቲ ኣቲዶ?

ኤርማሳ ቲንቢቴ 22:6

ጎዳይ ዩሁዳ ካዎ ኬስ፥ «ኔኒ ታስ ጋላኣዴ ቢታኔ ሊባኖሴ ዙማ ጼራ ማላ ሎኢኮካ ታኒ ኔና ኣዳፌ ባዞኔ ኣሲ ኢዛን ባይንዳ ካታማ ኦና።

ኤርማሳ ቲንቢቴ 24:1

ባቢሎኔ ካዎ ናቡካዳናጾሬይ ኢዮኣቄሜ ና፥ ዩሁዳ ካዎ ኢኮኒያኔኔ ኢዛ ሹሜታ፥ ኣናጼታኔ ዎጋጬታ ዬሩሳላሜፔ ዲኢዲ ባቢሎኔ ኤፊዳፔ ጉዬ ጾሳ ኬፌ ሲን ባጋራ ባላሴ ቴራይ ኢዛን ኩሚ ኡቲዳ ናምኡ ኬሼታ ጎዳይ ኣጁታን ታና ቤሲዴስ።

ኤርማሳ ቲንቢቴ 28:4

ቃሴ ታኒ ዩሁዳ ካዎ ኢዮኣቄሜ ና ኢኮኒያኔኔ ዩሁዳፔ ዲኤቲዲ ባቢሎኔ ቢዳ ኣሳ ኡባ ዛራዳ ሃ ሶሆ ኤሃና። ጋሶይካ ባቢሎኔ ካዎይ ኢንቴና ቶሲዳ ቃምባራ ታ ሜንና› ጌስ» ጊዴስ።

ኤርማሳ ቲንቢቴ 29:2

ሃይሲ ሃኒዳይ ካዎ ኢኮኒያኔይ፥ ጎዳቴያ ኢዛ ኣያ፥ ካዎ ኬ ኦሳንቻቲ፥ ዩሁዳኔ ዬሩሳላሜ ካሌዛይቲ፥ ሂላንቻቲኔ ዎጋጬቲ ዬሩሳላሜፔ ዲኤቲ ቢዳፔ ጉዬና።

ኤርማሳ ቲንቢቴ 37:1

ባቢሎኔ ካዎ ናቡካዳናጾሬይ ኢዮኣቄሜ ና ኢዮኣኪኔ ሶሆን ኢዮሲያሳ ና ሴዴቂያሳ ዩሁዳ ቢታን ካዎዴስ።

ሃጌ ቲንቢቴ 2:23

ሄ ጋላስ ታኒ ታ ኣይሌ ሳላቲያሌ ና ዜሩባቤሌ ታ ኔና ኤካና፤ ታ ኔና ታስ ማታሜ ሾጪዛ ቃላባቴ ሂስታና፤ ታ ኔና ዶራዲስ» ጊዴስ።