ኤርማሳ ቲንቢቴ 20:12 - ጋሞ ማጻፋ

¹² ኣቤት ኡባፌ ዎልቃማ ጎዳዉ! ጺሎዛ ፓጪዛይሶ! ዎዚናኔ ካሃ ፒልጋ ጼሊዛይሶ! ታኒ ታ ሞቶ ኔስ ኣ ኢሚዳ ጊሻስ ኔኒ ኢስታ ቦላ ሃሎ ኬሲሺን ታ ኣይፌን ቤኣናስ ታና ጋ።

Geeshsha Maxaafa

¹² Abeet Ubbaafe Wolqqama GODAWU! xilloza paaccizayssoo! wozinanne kaha pilgga xeellizayssoo! tani ta mooto nees aaththa immida gishshas neni istta bolla halo kessishin ta ayfen be7anaas tana gaththa.

ኤርማሳ ቲንቢቴ 20:12 Iomraidhean Croise

2ታሪኬ ማጻፋ 24:22

ካዎ ኢዮኣሲ ዛካራሳ ኣዋይ ዮዳሄይ ባስ ኦዳ ኪያቴ ሃሳኦንታ ኣጊዲ ኢዛ ና ዛካራሳ ዎሲዴስ፤ ዛካራሲ ሃይቂሼ፥ «ጎዳይ ሃይሳ ቤኢዲ ሃሎ ኬሶ» ጊዴስ።

ዬ ማጻፋ 11:5

ጎዳይ ጺሎታኔ ናጋራንቻታ ፒልጊ ጼሌስ። ጊዶ ኣቲን ጌላቴኔ ማካላቴ ሲቂዛይታ ኢዚ ኬሂፔ ኢጼስ።

ዬ ማጻፋ 139:23

ኣቤት ጾሳዉ! ታ ዎዚና ፒልጋዳ ኤራ፤ ታና ፓጫዳ ታ ጬጬ ቆፋካ ሻካ ኤራ።

ዬ ማጻፋ 17:3

ኔኒ ቃማን ታና ጾሞሳዳሳ፤ ታ ዎዚና ፓጫዳሳ፤ ኔ ፓጪዳ ጊዲኮካ ታ ቦላ ኣይኮካ ዴማቤካ። ታ ኢንጻርሳይ ኢታ ሃሳይቤና።

ዬ ማጻፋ 54:7

ኣይስ ጊኮ ኔኒ ታና ታ ሜቶ ኡባፌ ኣሻዳሳ፤ ታ ሞርኬቲ ኩንዲሺን ታ ኣይፌን ቤያዲስ።

ዬ ማጻፋ 58:10

ናጋራንቻታ ቦላ ሃሎ ኬሲዛይሳ ቤኢዲ ጺሎቲ ኡፋዬታና። ኢታታ ሱን ባ ቶሆ ሜጬታና።

ዬ ማጻፋ 59:10

ታ ጾሳይ ባ ሜርና ሲቆን ታናራ ጋይታና፤ ታ ሞርኬታ ኩንዴ ኢዚ ታና ቤሳና።

ዬ ማጻፋ 62:8

ኣሶ! ኡባ ዎዴ ጾሳን ኣማኔቲቴ፤ ኢዚ ኑስ ቆቴቲ ኣቲዛሶ ጊዲዳ ጊሻስ ኢንቴ ዎዚና ቆፋ ኢዛስ ዮቲቴ።

ዬ ማጻፋ 7:9

ቆፋኔ ዎዚና ፒልጋ ኤሪዛ ጺሎ ጾሳዉ! ኢታታ ጌኔዛ ኔኒ ይሳ፤ ጊዶ ኣቲን ጺሎታ ሳሮን ናጋ።

ዬ ማጻፋ 86:4

ኣቤት ጎዳዉ! ታኒ ዎዚናፔ ኔና ዎሲዛ ጊሻስ ታና ኔ ኣይሌዛ ኡፋይሳ።

ኢሳያሳ ቲንቢቴ 37:14

ሂዝቂያሲ ዳብዳቤዛ ኪቴቲዳ ኣሳታፔ ኤኪዲ ናባቢዴስ። ጎዳ ኬ ኤኪ ኤፊዲ ጎዳ ሲንን ሚጪዴስ።

ኢሳያሳ ቲንቢቴ 38:14

ታኒ ጪራሻኔ ሃ ካፎ ማላ ዋሳዲስ፤ ሃራጴ ማላካ ጉጉማዲስ። ታ ኣይፌቲ ፑዴ ሳሎ ጼሊዲ ዳቡርዳ። ኣቤት ጎዳዉ፥ ታኒ ኡንኤታዲስ፤ ኔኒ ታና ሃኒፌ ኬሳ!» ጋዲስ።

ኤርማሳ ቲንቢቴ 11:20

ዎዚናኔ ኪላሆ ፓጫ ጼሊዛ ኡባፌ ዎልቃማ ጎዳዉ! ታ ዮኦታ ኔስ ኢማዲስ፤ ኔኒ ኢስታ ቦላ ሃሎ ኬሲሺን ታ ቤያና።

ኤርማሳ ቲንቢቴ 12:8

ታ ጺንጾያ ዎራ ጊዶን ዲዛ ጋሞ ማላ ታ ቦላ ዴንዳዱስ፤ ታ ቦላካ ጻጋዱስ፤ ሄሳ ጊሻስ ታኒ ኢዞ ኢጻዲስ።

ኤርማሳ ቲንቢቴ 17:10

ታኒ ጎዳይ ኣስ ኡባስ ኢዛ ኦጌ ማላኔ ኢዛ ኦሶ ማላ ኢማናስ ኣሳ ዎዚና ፒልጋይሲኔ ኢዛ ካሃ ፓጫይስ» ጌስ።

ኤርማሳ ቲንቢቴ 17:18

ታና ዬዴዛይቲ ዬላቴቶ፤ ታና ዬላሶፓ፤ ኢስቲ ዳጋሜቶ፤ ጊዶ ኣቲን ታና ዳጋማፔ ቆታ፤ ኢስታ ቦላ ኢታ ጋላስ ኤሃ፤ ኢስታ ቦላ ዳኮ ባሽ ኤሃ።

1ጴጽሮሳ ኪታ 2:23

ኣሳይ ኢዛ ጫዪሺን ኢዚ ዛሪ ጫዪቤና። ዋዬቲሼ ባና ቱሙ ፒርዲዛ ጎዳስ ሃዳራ ኣ ኢሚዴስ ኣቲን ሃሎ ኬሳና ማንዲቤና።

1ጴጽሮሳ ኪታ 4:19

ሄሳ ጊሻስ ጾሳ ሼኔ ማላ ዋዬቲዛ ኣሳቲ ባናቴ ኡባ ኣማኔቲዳ ባና ሜዳይሳስ ሃዳራ ኢሚዲ ሎኦ ኦሶ ኦንታ ኣጎፌቶ።

ዮሃኒሳ ኣጁታ 18:20

ሳሎዞ! ኢዚ ጋሶን ኔ ኡፋዬታ፤ ጾሲ ኢንቴ ጊሻስ ኢዚ ቦላ ፒርዲዳ ጊሻስ ኢንቴ ጌሻቲ፥ ሃዋሬቲኔ ናቤቲካ ኡፋዬቲቴ።

ዮሃኒሳ ኣጁታ 2:23

ታኒ ኢዚ ናይታ ሃይቆን ቃጻያና፤ ኣሳ ቆፋኔ ኣሳ ኣሞ ሻካ ኤሪዛይ ታና ጊዲዳይሳ ዎሳ ኬቲ ዉሪ ኤራና፤ ታኒ ኢንቴስ ኢሳስ ኢሳስ ኢዛዴ ኦሶ ማላ ኢማና።

ዮሃኒሳ ኣጁታ 6:10

ኢስቲ ቃ ቃላን፥ «ጌሻኔ ቱማንቻ ጎዳዉ! ኔኒ ቢታ ቦላ ዲዛ ኣሳ ቦላ ፒርዶንታይኔ ኑ ሱ ጊሻስ ኔ ሃሎ ኬሶንታይ ኣዪዴ ጋካናሴ?» ጊ ዋሲዳ።

1ሳሜላ ማጻፋ 1:15

ሃናይካ ኢዛስ፥ «ታ ጎዳዉ ታ ማታቤኬ፤ ታኒ ኬሂፔ ዎዚናይ ሜቂዳ ማጫሳ፤ ሄሳ ጊሻስ ታኒ ታ ዎዚና ጎዳ ሲንን ሚጫይሲፌ ኣቲን ዎይኔ ኡሹ ጊዲን ዎይኮ ሃራ ማሲዛ ኡሹ ታ ኡያቤኬ።