ኤርማሳ ቲንቢቴ 2:19 - ጋሞ ማጻፋ

¹⁹ ኔ ኢታቴ ኔ ቦላ ቂጻቴ ጋና፤ ኔ ታና ካዶይሲ ኔ ቦላ ሃንቆ ኤሃና። ጎዳ ኔ ጾሳ ኔ ኣጊሺን፥ ታስ ያሻቴ ኔ ዉዱ ጎንታ ኢጺሺን ኣይ ማላ ኢታይኔ ጫሞ ሚሺ ኔ ቦላ ጋካናኮ ቆፓ፤ ኣኔ ኣኬካ» ጌስ።

Geeshsha Maxaafa

¹⁹ Ne iitateththi ne bolla qixaate gaththana; ne tana kaddoyssi ne bolla hanqo ehana. GODAA ne Xoossaa ne aggishin, taas yashshateth ne wudu gontta ixxishin ay mala iitaynne camo miishshi ne bolla gakkanaakko qoppa; ane akeeka» gees.

ኤርማሳ ቲንቢቴ 2:19 Iomraidhean Croise

1ካዎታ ማጻፋ 18:18

ኤላሲ ኣካቤስ፥ «ጎዳ ኣዛዞ ኣጊዲ ባኣሌ ኤቃታስ ጎይኒዲ ቢታ ቡልኣኪዛይ ኔናኔ ኔ ኣዋ ሶ ኣሳ ኣቲን ኢስራኤሌ ቢታ ቡልኣኪዛይ ታና ጊዲኬ።

2ታሪኬ ማጻፋ 12:5

ሄሳፌ ጉዬ ናቤ ሻማኤይ ሺሻቄስ ባቢዲ ዬሩሳላሜን ሺቂ ኡቲዳ ዩሁዳ ካሌዛይታኮኔ ኤሮቢኣሜኮ ዪዲ፥ «ጎዳይ፥ ‹ኢንቴ ታና ኣጊዴታ፤ ሄሳ ጊሻስ ታኒካ ኢንቴና ሺሻቄ ኩሼን ኣ ኢማዲስ› ጌስ» ጊዴስ።

2ታሪኬ ማጻፋ 21:10

ሄ ዎዴፔ ዶሚዲ ሃች ጋካናስ ኤዶሜ ኣሳይ ዩሁዳ ኣሳስ ሃሬቲቤና። ኢዮራሜይ ባ ኣዋታ ጎዳ ኣጊዳ ጊሻስ ሊቢና ኣሳይ ቃሴ ሄ ዎዴ ዩሁዳ ካዎ ቦላ ማካሊዴስ።

2ታሪኬ ማጻፋ 25:16

ናቤዚ ዮቶ ቦላ ዲሺን ካዎዚ፥ «ኔኒ ካዎ ዞራና ማላ ኑኒ ኔና ዶሪዶኒ? ጮኡ ጊኪ! ሃይቃና ኮያይ?» ጊዴስ። ሂስቲን ናቤዚ ጮኡ ጊ ኤኪዲ፥ «ኔኒ ሃይሳ ኦዳ ጊሻሲኔ ታኒ ኔና ዞሪዳይሳ ኔ ሲዮንታ ጊሻስ ጾሲ ኔና ይሳና ቃቺዳይሳ ታኒ ኤራይስ» ጊዴስ።

ዬ ማጻፋ 36:1

ኢታ ኣሲ ባ ዎዚናን ጌኔ ቆፔስ፤ ኢዛ ጊዶን ጾሳስ ያሻቴ ዴና።

ኬሳ ማጻፋ 33:6

ኢስራኤሌ ኣሳይ ሲና ዙማፔ ዶሚዲ ባ ኣሌቆ ሚሻ ኬሲ ዎዴስ።

ሌሚሶ ማጻፋ 1:31

ሄሳ ጊሻስ ኢስቲ ባንቲ ኦዳ ኦሶ ኣይፌዛ ማና፤ ባንቲ ቆፒዳ ቆፋ ኣይፌካ ካላና።

ሌሚሶ ማጻፋ 1:32

ዎዚናይ ፓጪዳይታ ኣ ኤራቴፌ ሃኮይ ኢስታ ዎና፤ ባላታ ዉዳ ዮይ ኢስታ ይሳና።

ሌሚሶ ማጻፋ 5:22

ናጋራንቻ ኢዚ ኦዳ ናጋራይ ዛሪ ኦይኬስ። ኢዛ ናጋራ ጊቴይ ኢዛ ቃቼስ።

ኢሳያሳ ቲንቢቴ 3:9

ኢስታ ኣይፌሶይ ኢስታ ቦላ ማርካቴስ፤ ኢስቲ ሶዶሜ ኣሳ ማላ ባንታ ናጋራ ቆቶንታ ቆንጬን ሃሳዬቴስ፤ ኢስቲ ባንታ ቦላ ኢታ ሚሽ ኤሂዛ ጊሻስ ኢስታስ ኣዬ ኣና!

ኢሳያሳ ቲንቢቴ 5:5

ሃኢ ታኒ ታ ዎይኔ ቶኪዛ ጋዴዛ ቦላ ኦናዝ ኢንቴስ ዮታይስ። ዲርሳ ሾዳና፤ ኢዚካ ያና ማላ ኦና፤ ታኒ ጊምቤዛ ላላና፤ ሄ ሶሆይካ ዱሬታና።

ኢሳያሳ ቲንቢቴ 50:1

ጎዳይ፥ «ታኒ ኢንቴ ኣዮ ኣንጃ ዬዲዳ ዋራቃታይ ኣዋን ዲዜ? ዎይኮ ታ ኢንቴና ኣይ ታልኣ ኤኪዳዴስ ባይዛዲና? ቤኢቴ ኢንቴ ኢንቴ ናጋራ ጊሻስ ባይዜቲዴታ፤ ኢንቴ ሞሮ ጊሻስ ኢንቴ ኣያ ኣንጄታ ባዱስ።

ኤርማሳ ቲንቢቴ 1:16

«ዩሁዳ ኣሳይ ታና ኣጊዲ፥ ሃራ ኤቃ ጾሳታስ ኤጻኔ ጩዋሲዳ ጊሻስ፥ ባ ኩሼን ኦ ኬሲዳይታ ጎይኒዳ ጊሻስ ታ ዴራ ቦላ ፒርዳ ኣዋጃዲስ።

ኤርማሳ ቲንቢቴ 13:22

ኔኒ ኔ ዎዚናን፥ ‹ሃይሲ ኡባይ ታ ቦላ ኣይስ ጋኪዴ?› ጊኮ፥ ኔ ማይኦይ ቃሬቲን ኔ ሱጌቲዳይ፥ ኔ ኣሳ ኩሼን ዋዬ ቤኢዳይ ኔ ናጋራይ ዳሪዳ ጊሻሳ።

ኤርማሳ ቲንቢቴ 2:17

ኦጌ ኔና ካሌዛይሳ ጎዳ ኔ ጾሳ ኣጋዳ ሃይሳ ኔ ቦላ ኤሂዳይ ኔና ጊዲኪ?

ኤርማሳ ቲንቢቴ 3:22

ኢስቲ፥ «ኢንቴኖ ኣማኖይ ባይንዳ ኣሳቶ! ታኮ ሲሚቴ። ኢንቴ ኣማኔታና ማላ፥ ታኒ ኢንቴና ፓና» ጊዴስ። ሂስቲን ኢስታስ፥ «ኤሮ፥ ኑኒ ኔኮ ሲማና። ኣይስ ጊኮ ኔኒ ጎዳ ኑ ጾሳ።

ኤርማሳ ቲንቢቴ 4:18

ኔ ሃኖይኔ ኔ ኦሶይ ሄሳ ኔ ቦላ ኤሂዴስ፤ ሄሲ ኔስ ቂጻቴ፤ ሄሲካ ኣይ ማላ ጫሚዛዜ! ኣይ ማላ ዎዚና ሜንዛዜ!» ጌስ ጎዳይ።

ኤርማሳ ቲንቢቴ 5:22

ኢንቴ ታስ ያያናስ ቤሴኔ? ኢንቴ ታ ሲንን ኮኮራናስ ቤሴኔ? ኣይስ ጊኮ ኢዚ ሜርናስ ካን ቦንታ ማላ፥ ታኒ ኣንጮ ኣባስ ዛዋ ኦዲስ። ዳምባላይ ቡላኬቲኮካ ዛዋፔ ኣና፤ ኢዚ ጉሚኮካ ፒናናስ ዳንዳዬና።

ኤርማሳ ቲንቢቴ 5:24

ኢስቲ ባንታ ዎዚናን፥ ‹ኑስ ሲላ ኢራኔ ጋባ ኢራ ዎዴን ዎዴን ቡኪሲዛ፥ ካ ሺሾ ዎዴ ኑስ ዎዴራ ኤሂዛ ጎዳ ኑ ጾሳስ ኣኔ ያዮስ› ጊቤቴና።

ኤርማሳ ቲንቢቴ 5:6

ሄሳ ጊሻስ ጋሞይ ዎራፔ ኬዚዲ ኢስታ ሜንሬና፤ ኢስታ ፑዜሬና፤ ማሄይ ኢስታ ካታማታ ዩሾ ዛማዲ ናጋና። ሄ ካታማታፔ ኬዚዛ ኡባ ኢዚ ፑዛና። ጋሶይካ ኢስታ ማካላቴኔ ካዶይ ዳሪዴስ።

ኤርማሳ ቲንቢቴ 7:19

ኢስቲ ሃይሳ ኡባ ኦዛይ ታና ቆሃናሴ? ሃይሳን ቆሄቲዲ ዬላታናይ ባንታ ሁኤስ ኢስታ ጊዴቴኔ?» ጊዴስ።

ኤርማሳ ቲንቢቴ 8:5

ሂስቲን ሃይሲ ዴሬዚ ኣይስ ጉዬ ሲሚ ቢዜ? ዬሩሳላሜይ ኣይስ ኡባቶ ጉዬ ሲማዜ? ኢስቲ ጌኔ ኦሶ ሚን ኦይኪዳ፤ ሲማናስካ ኮዬቴና።

ሂዚቄላ ቲንቢቴ 23:30

ጋሶይካ ኔኒ ካዎቴታራ ላይማታናስ ኣሞታዳ ኢስታ ኤቃ ጾሳታን ቱናዳሳ።

ሂዚቄላ ቲንቢቴ 39:24

ኢስታ ቱናቴ ማላኔ ኢስታ ቆሆዛ ማላ ታ ኢስታ ቦላ ፒርዳዲስ፤ ታ ኣይፌሶካ ታ ኢስታፌ ጌንዲስ።

ሆሴኤ ቲንቢቴ 11:7

ታ ዴሬይ ታፔ ሃካናስ ኮዪዴስ፤ ጊዲኮካ ኢስቲ ታኮ ኡባፌ ዎልቃማ ጾሳኮ ዋሲኮ ታ ኢስታ ኣሺኬ።

ሆሴኤ ቲንቢቴ 13:9

«ኢስራኤሌ ዴሬዞ! ኔ ታ ቦላ ዴንዲዳ ጊሻሲኔ ኔና ማዲዛ ታናራ ኔ ኤቄቲዳ ጊሻስ ኔ ያና፤

ሆሴኤ ቲንቢቴ 14:1

ኢስራኤሌ ዴሬዞ! ኢንቴ ኢንቴ ናጋራ ጋሶን ኩንዲዳ ጊሻስ ጎዳ ኢንቴ ጾሳኮ ሲሚቴ።

ሆሴኤ ቲንቢቴ 4:16

ኢስራኤሌ ዴሬይ ማካላንቻ ኡሳ ማላ ማካሊዴስ፤ ሂስቲን ጎዳይ ኢስታ ዶርሳ ላቃታ ማላ ሎኦሶን ዎስቲ ሄማኔ?

ሆሴኤ ቲንቢቴ 5:5

ኢስራኤሌ ኣሳ ኦቶሮይ ኢስታ ቦላ ሲሚ ማርካቴስ። ኢስቲ ባንታ ናጋራን ጴታና። ዩሁዳይካ ኢስታራ ኢሲፌ ጴቲ ኩንዳና።

ሆሴኤ ቲንቢቴ 7:2

ጊዶ ኣቲን ታኒ ሃይሳ ኢስታ ኢታቴ ዉርሳ ኤሪዛይሳ ኢስቲ ኣኬኪቤቴና። ሄሳ ጊሻስ ኢስታ ኢስታ ናጋራይ ጊዶ ዎዴስ፤ ኢስታ ኢታ ኦሶይ ታፔ ጌሚቤና» ጌስ።

ሆሴኤ ቲንቢቴ 9:1

ኢስራኤሌ ኣሳዉ! ኡፋዬቶፍቴ! ሃራ ካዎቴታ ማላ ኡፋይስ ኖጮጩ ጎፒቴ! ኣይስ ጊኮ ኢንቴ ኢንቴ ጾሳስ ኣማኔቲቤኬታ ካ ባሌ ኡባን ላይማቴስ ኢሚዛ ዋጋ ዶሲዴታ።

ኣሞጼ ቲንቢቴ 8:10

ኢንቴ ላይን ላይን ቦንቺዛ ባኣሌዛ ዬሆን ላማና፤ ኢንቴ ዬጺዛ ዬካ ዋሶን ላማና፤ ዲዛ ፔጺ ኢሲ ናይ ሃይቂን ጫሞ ዬሆ ዬኪዛ ኣሳ ማላ ኢንቴ ኢንቴ ሁኤ ቢናና ቡጪዲ ማቃ ማይኣና ማላ ታኒ ኢንቴና ኦና፤ ሄ ዉርሴ ጋላሳይ ጫሞ ጋላስ ጊዳና።

ሚኪያሳ ቲንቢቴ 1:5

ሄሲ ዉሪ ሃናናይ ያቆቤይ ኦዳ ሞሮ ጊሻሲኔ ኢስራኤሌ ናይታ ናጋራ ጊሻሳ፤ ኢስራኤሌ ኣሳይ ኢታ ኦናስ ጋሶ ጊዲዳይ ኦኔ? ኢዚስ ዋና ካታማዮ ሳማሪያ ጊዴኬ? ዩሁዳ ኣሳይ ኤቃ ጎይኒዲ ናጋራ ኦና ማላ ጋዳይ ኦኔ? ዬሩሳላሜ ጊዴኬ?

ዛካራሳ ቲንቢቴ 7:11

«ኢስቲ ቃሴ ሲያና ኮዪቤቴና፤ ዞኮ ዛሪዲ ባ ሃይ ቱጪዳ።

ኦሮሜ ኣሳስ 3:18

ኢስታ ኣይፌሶን ጾሳስ ያሻቴ ባ» ጌቴቲ ጻፌቲዳ ማላ።

ዳናታ ማጻፋ 10:13

ጊዶ ኣቲን ኢንቴ ታና ኣጊዲ ሃራ ጾሳታስ ጎይኒዴታ፤ ሄሳ ጊሻስ ታኒ ኢንቴና ሙሌካ ኣሺኬ።