ኤርማሳ ቲንቢቴ 2:17 - ጋሞ ማጻፋ

¹⁷ ኦጌ ኔና ካሌዛይሳ ጎዳ ኔ ጾሳ ኣጋዳ ሃይሳ ኔ ቦላ ኤሂዳይ ኔና ጊዲኪ?

Geeshsha Maxaafa

¹⁷ Oge nena kaaleththizayssa GODAA ne Xoossa aggada hayssa ne bolla ehiday nena gidikkii?

ኤርማሳ ቲንቢቴ 2:17 Iomraidhean Croise

1ታሪኬ ማጻፋ 28:9

«ታ ና ሶሎሞኔ፥ ኔ ኣዋ ጾሳ ኤራ! ኔኒ ኩሜ ዎዚናኒኔ ሎኦ ቆፋን ኢዛስ ኦ፤ ጎዳይ ዎዚና ኡባ ፒልጊ ጼሌስ፤ ጊዶ ቆፋ ኡባ ኢዚ ኤሬስ፤ ኔኒ ኢዛ ኮይኮ ኢዚ ኔስ ቤታና፤ ጊዶ ኣቲን ኔ ኢዛ ኣጊዛ ጊዲኮ ኢዚካ ኔና ሜርናስ ኣጋጋና።

2ታሪኬ ማጻፋ 15:2

ኢዚካ ኣሳራ ጋይታናስ ቢዲ፥ «ኣሳ፥ ዩሁዳ ኣሳዉ! ቢኒያሜ ኣሳዉ ኢንቴ ኡባይካ ሲዪቴ! ኢንቴ ጎዳራ ኢሲፌ ዴኢኮ ኢዚካ ኢንቴናራ ዴኣና። ኢንቴ ኢዛ ኮይኮ ኢዚ ኢንቴስ ቤታና፤ ኢንቴ ኢዛ ኣጊኮ ኢዚካ ኢንቴና ኣጋና።

ኢዮቤ ማጻፋ 34:27

ኢዚ ኢስታ ቃጻዪዛይሲ ኢስቲ ኢዛ ካሊዛይሳ ኣጊዳ ጊሻሳ፤ ኢዛ ኣዛዞታካ ኢስቲ ካዳ ጊሻሳ።

ኢዮቤ ማጻፋ 4:8

ታኒ ኣኬኪዳ ማላ፥ ኢታቴ ጎዪዲ ሜቶ ዜሪዛይቲ ሄይታንቲ ባ ኦሮ ሺሻና።

ዬ ማጻፋ 107:7

ኢስቲ ዴኣና ካታማ ጋካናስ፥ ኢዚ ኢስታ ሲታ ኦጌራ ካሌዴስ።

ዬ ማጻፋ 136:16

ኢዚ ባ ኣሳ ባዞራ ካሌዴስ፤ ኢዛ ሲቆይ ሜርናሳ።

ዬ ማጻፋ 77:20

ሙሴኔ ኣሮኔ ኩሼን ኔኒ ኔ ዴሬዛ ዶርሳ ዉዴ ማላ ካሌዳሳ።

ሌሚሶ ማጻፋ 15:10

ሱሬ ኦጌ ኣጊዲ ካሬ ኬኢዳዴ ሃንቆይ ናጌስ፤ ሴራ ኢጺዛ ኣሲ ሃይቄስ።

ኢሳያሳ ቲንቢቴ 1:4

ኢንቴኖ ናጋራንቻ ካዎቴቶ! ቆሆን ኩሚዳይቶ! ኢታ ኦዛ ዜሬቶ! ኢንቴ ኣዋታ ቱናቴ ካሊዛ ናይቶ! ኢንቴና ኣዬ ኣና! ጎዳ ኣጋጊዴታ፤ ኢስራኤሌ ጌሻዛ ዬጊ ኣጊዴታ፤ ዞኮካ ኢዛስ ዛሪዴታ።

ኢሳያሳ ቲንቢቴ 59:13

ኑኒ ጎዳ ቦላ ማካሊዲ ዎርዶ ሃሳይዶስ፤ ኑ ጾሳ ካሎ ኣጊዲ ሼርኢ ጊዶስ፤ ማካላቴኔ ጌኔ ዮኦ ሃሳይዶስ። ኑ ዎዚናይ ሻሪ ኡቲዳ ዎርዶ ሃሳይዶስ።

ኤርማሳ ቲንቢቴ 13:22

ኔኒ ኔ ዎዚናን፥ ‹ሃይሲ ኡባይ ታ ቦላ ኣይስ ጋኪዴ?› ጊኮ፥ ኔ ማይኦይ ቃሬቲን ኔ ሱጌቲዳይ፥ ኔ ኣሳ ኩሼን ዋዬ ቤኢዳይ ኔ ናጋራይ ዳሪዳ ጊሻሳ።

ኤርማሳ ቲንቢቴ 19:4

ጋሶይካ ኣሳይ ታና ኣጊዲ ሃይሳ ሃ ሶሆዛ ኤቃ ጎይኒዛሶሆ ኬሲዴስ፤ ኢስቲ ጊዲን ዎይኮ ካሴ ኢስታ ኣዋቲ፥ ዎይኮ ዩሁዳ ካዎቲ ኤሮንታ ኤቃ ጾሳታስ ያርሺዳ፤ ሃይሳ ሃ ሶሆዛን ጺሎ ሱ ጉሲዳ።

ኤርማሳ ቲንቢቴ 2:13

ታ ዴሬይ ናምኡ ኢታ ሚሻታ ኦዴስ፤ ዴኦ ሃ ፑልቶ ጊዲዳ ታና ኣጊዴስ፤ ሃ ኦይካናስ ዳንዳዮንታ ሉኬቲዳ ኦላታ ባስ ቦኪዳ።

ኤርማሳ ቲንቢቴ 2:19

ኔ ኢታቴ ኔ ቦላ ቂጻቴ ጋና፤ ኔ ታና ካዶይሲ ኔ ቦላ ሃንቆ ኤሃና። ጎዳ ኔ ጾሳ ኔ ኣጊሺን፥ ታስ ያሻቴ ኔ ዉዱ ጎንታ ኢጺሺን ኣይ ማላ ኢታይኔ ጫሞ ሚሺ ኔ ቦላ ጋካናኮ ቆፓ፤ ኣኔ ኣኬካ» ጌስ።

ኤርማሳ ቲንቢቴ 4:18

ኔ ሃኖይኔ ኔ ኦሶይ ሄሳ ኔ ቦላ ኤሂዴስ፤ ሄሲ ኔስ ቂጻቴ፤ ሄሲካ ኣይ ማላ ጫሚዛዜ! ኣይ ማላ ዎዚና ሜንዛዜ!» ጌስ ጎዳይ።

ኤርማሳ ቲንቢቴ 44:3

ሄሲ ሃኒዳይ ኢስቲ ኦዳ ኢታ ኦሶ ጊሻሳ፤ ኢስታ ጊዲን፥ ኢንቴና ዎይኮ ኢንቴ ኣዋታ ጊዲን፥ ባ ኤሮንታ ሃራ ኤቃ ጾሳታስ ኤጻኔ ጩዋሴኒኔ ኢስታስ ጎይኖን ታና ሃንቄዳ።

ኤርማሳ ቲንቢቴ 5:25

‹ኢንቴ ኢታ ኦሶይ ሃይታ ኢንቴና ዲጊዴስ። ኢንቴ ናጋራይ ኢንቴና ሎኦ ሚሻፌ ኣሺዴስ› ጋ» ጌስ።

ሂዚቄላ ቲንቢቴ 39:24

ኢስታ ቱናቴ ማላኔ ኢስታ ቆሆዛ ማላ ታ ኢስታ ቦላ ፒርዳዲስ፤ ታ ኣይፌሶካ ታ ኢስታፌ ጌንዲስ።

ሆሴኤ ቲንቢቴ 13:9

«ኢስራኤሌ ዴሬዞ! ኔ ታ ቦላ ዴንዲዳ ጊሻሲኔ ኔና ማዲዛ ታናራ ኔ ኤቄቲዳ ጊሻስ ኔ ያና፤

ሚኪያሳ ቲንቢቴ 1:5

ሄሲ ዉሪ ሃናናይ ያቆቤይ ኦዳ ሞሮ ጊሻሲኔ ኢስራኤሌ ናይታ ናጋራ ጊሻሳ፤ ኢስራኤሌ ኣሳይ ኢታ ኦናስ ጋሶ ጊዲዳይ ኦኔ? ኢዚስ ዋና ካታማዮ ሳማሪያ ጊዴኬ? ዩሁዳ ኣሳይ ኤቃ ጎይኒዲ ናጋራ ኦና ማላ ጋዳይ ኦኔ? ዬሩሳላሜ ጊዴኬ?

ታይቦ ማጻፋ 32:23

«ኢንቴ ኢንቴ ጊዳ ቃላ ናጎንታ ኣጊኮ ኢንቴ ጎዳ ቆሄታ፤ ኢንቴ ናጋራ ጊሻስ ቂጻቴይ ኢንቴ ቦላ ጋካናይሳ ኤሪቴ።

ዛሬ ማጻፋ 32:10

«ኣይኮይካ ባይንዳ ባዞን ጫርኮይ ፑኒዛ ቢታን ኢዛ ዴሚዴስ፤ ኢዛስ ጎንዳሌ ጊዲዴስ፤ ባ ኣይፌ ጪሮ ማላ ኢዛ ናጊዴስ።

ዛሬ ማጻፋ 32:19

«ጎዳይ ሄሳ ቤኢዲ ኢስታ ቦላ ሃንቄቲዴስ፤ ኢስታ ማጫ ናይታኔ ኢስታ ኣቱማ ናይታ ዲጊዴስ።