ኤርማሳ ቲንቢቴ 16:19 - ጋሞ ማጻፋ

¹⁹ ታስ ሚኖቴኔ ሚጻ ጊዳዳ ሜቶ ጋላስ ታ ሺቃ ኣቲዛሶ ጊዲዳ ጎዳዉ! ካዎቴቲ ሳኣ ጋጻፔ ኔኮ ዪዲ፥ «ካሴ ኑ ኣዋቲ ባና ኣይኮካ ማዶንታ ኤቃ ጾሳታስ ጎይኒዳ።

Geeshsha Maxaafa

¹⁹ Taas minoteththinne miixa gidada meto gallas ta shiiqa attizaso gidida GODAWU! Kawoteththati sa7a gaxaappe neekko yiidi, «Kase nu aawati bana aykkoka maaddontta eeqa xoossatas goynnida.

ኤርማሳ ቲንቢቴ 16:19 Iomraidhean Croise

1ካዎታ ማጻፋ 20:23

ሄ ዎዴ ኣራሜ ካዎ ዞሪዛ ሹሜቲ፥ «ኢስታ ጾሳቲ ዙማ ጾሳታ፤ ኢስቲ ኑስ ዎልቃሚዳይካ ሄሳሳ። ኑኒ ኢስታራ ዴምባን ኦላ ጋይቲዛኮ ሲይ ባይንዳ ኢስታ ጾናና።

ዬ ማጻፋ 18:3

ጋላታይ ቤሲዛ ጎዳ ታኒ ጼይጋይስ፤ ኢዚ ታ ሞርኬታፔ ታና ኣሼስ።

ዬ ማጻፋ 19:14

ኣቤት ጎዳዉ! ታ ዜምፒዛ ዎጋ ዛላዉ! ታና ዎዚዳ ታ ጎዳዉ! ታ ዶናፔ ኬኢዛ ቃላይኔ ታ ዎዚና ቆፋይ ኔና ኡፋይሲዛይሳ ጊዶ።

ዬ ማጻፋ 27:5

ሄሳ ጊሻስ ሜቶ ጋላስ ኢዚ ታና ባ ዲዛሶን ጌንና፤ ባ ዱንካኔን ታና ቆቲ ኣሻና፤ ቃ ዛላ ቦላካ ኢዚ ታና ኤሳና።

ዬ ማጻፋ 46:1

ጾሲ ኑኒ ሺቂ ኣቲዛሶኔ ኑስ ዎልቃ፤ ኑና ሜቶይ ጋኪዛ ዎዴ ማዳናስ ኢዚ ኡባቶ ማታን ዴስ።

ዬ ማጻፋ 46:11

ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

ዬ ማጻፋ 46:7

ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

ዬ ማጻፋ 62:2

ኢዚ ጻላ ታስ ዛላኔ ታና ኣሺዛይሳ፤ ታ ቆቴታ ኣቲዛሶ ጊዲዳ ጊሻስ ሙሌካ ሂርጊኬ።

ዬ ማጻፋ 62:7

ታስ ኣቶቴኔ ቦንቾይ ቤቲዳይ ጾሳፌ፤ ኢዚ ታ ቆቴታ ኣቲዛሶኔ ታስ ሚኖ ዛላ።

ዬ ማጻፋ 65:3

ኑ ናጋራይ ኑና ሚቲዴስ፤ ኔኒ ጊዲኮ ኑ ባላ ኣቶ ጋ ዉርሳዳሳ።

ዬ ማጻፋ 68:31

ጊታ ኣሳቲ ጊብጼፔ ያና፤ ቶጵያይ ባ ኩሼ ጾሳኮ ሚጫና።

ዬ ማጻፋ 86:9

ኣቤት ጎዳዉ! ኔኒ ሜዳ ካዎቴይ ኡባይ ኔኮ ዪዲ ኔስ ጎይናና፤ ኔ ሱንካ ቦንቻና።

ሌሚሶ ማጻፋ 18:10

ጎዳ ሱን ሚኖ ጊምቤ ማላ፤ ጺሎ ኣሲ ሄ ዎጺዲ ኢታፔ ኣቴስ።

ኢሳያሳ ቲንቢቴ 25:4

ኔኒ ሂዬሳታስ ዜምፖ፤ ሜቶታንቻታስ ሜቶ ዎዴ ኔኒ ዜምፖ፤ ጎቴ ጫርኮፌ ጌሚ ኣቲዛሶ፤ ኣዋ ሴላፔ ኩዋቲዛሶ ጊዳዳሳ። ጋሶይካ ሜንጼ ኢታታ ፔኖይ ኬ ጎዳራ ኢጬቲዛ ጎቴ ጫርኮ ማላ።

ኢሳያሳ ቲንቢቴ 32:2

ኣሲ ሁኤን ሁኤን ጫርኮፌ ጌሚዛሶሆ፥ ጎቴፔካ ባቃቲ ኣቲዛሶሆ ጊዳና፤ ባዞ ቢታን ሃ ፑልቶ ማላ፥ ሳሜቲዳ ቢታን ዎጋ ዛላ ኩዋ ማላ ጊዳና።

ኢሳያሳ ቲንቢቴ 44:10

ኣይኮካ ጎኦንታ ኤቃ ጾሳ ማሲ ጊግሲዛይ ኦኔ?

ኢሳያሳ ቲንቢቴ 44:20

ኤያ ዎዚናይ ኢዛ ባሌን ኢዚ ቢዲን ቃምኤስ፤ ባና ኣሻና ዳንዳዬና፤ «ሃይሲ ታስ ኡሻቻ ኩሼን ዲዛይ ዎርዶ ጊዴኔ? ጋናስ ዳንዳይቤና።»

ኢሳያሳ ቲንቢቴ 45:14

ጎዳይ፥ «ጊብጼ ዱሬቴኔ ቶጵያ ዛልኤይ፥ ቃሴ ጌሳን ኣዱስ ጊዲዳ ሳባ ኣሳቲካ ኔኮ ያና፤ ኔይታ ጊዳና። ኢስቲ ኔና ካላና፤ ሳንሳላታን ቃሼቲ ኔኮ ዪዲ ኔስ ጎይናና፤ ኢስታስ፥ ‹ቱማፔ ጎዳይ ኔናራ ዴስ፤ ኢዛፔ ኣቲን ሃራ ጾሲ ዴና› ጊዲ ዎሳና» ጌስ።

ኢሳያሳ ቲንቢቴ 49:6

«ኔኒ ታስ ኦሳንቻ ጊዴ፥ ያቆቤ ቆሞታ ኔ ዛራናይሲኔ ታ ናጊዳ ኢስራኤሌ ዛራዳ ኔ ኤሃናይሲ ሄሲ ኔና ዴጼና፤ ቃሴካ ታ ኣቶቴ ቢታ ጋጻ ኔ ጋና ማላ፥ ታኒ ኔና ካዎቴታስ ፖኦ ሂስታና» ጌስ።

ኢሳያሳ ቲንቢቴ 62:2

ካዎቴቲ ኔ ጺሎቴ፥ ካዎቲካ ኔ ቦንቾ ቤኣና፤ ጎዳይ ባ ዶናን ሱንዳ ኦራ ሱንን ኔ ጼይጌታና።

ኤርማሳ ቲንቢቴ 10:3

ጋሶይካ ዴሬታ ዎጋይ ሃዳ። ኢስቲ ሚ ዎራፔ ቃንጼቴስ፤ ሂላይ ማሲ ጊጊሴስ።

ኤርማሳ ቲንቢቴ 10:5

ኢስታ ኤቃ ጾሳቲ ኢስታ ካ ጊዶን ዶኣ ዳጋንናስ ኤሲዛ ሚስሌ ማላ። ሃሳያናስ ዳንዳዬቴና። ሄሜታናስ ኢስቲ ዳንዳዮንታ ጊሻስ ኣሳይ ኢስታ ቶኬስ። ኢስቲ ኢታ ጊዲን ዎይኮ ሎኦ ሚሽ ኢንቴ ቦላ ኦናስ ዳንዳዮንታ ጊሻስ ኢስታስ ሙሌካ ያዮፍቴ» ጌስ።

ኤርማሳ ቲንቢቴ 12:16

ካሴ ታ ኣሳ ባኣሌ ሱንን ጫቃና ማላ ታማርሶይሳካ፥ ‹ጎዳይ ቤኢን!› ጊዲ ታ ሱንን ጫቂኮ ኢስቲ ታ ኣሳ ጊዶን ጻጵዲ ዳና።

ኤርማሳ ቲንቢቴ 14:8

ኣቤት ኢስራኤሌ ሂዶታዉ! ሜቶ ዎዴ ኣሺዛይሶ! ኔኒ ቢታን ኢማ ማላ፥ ኢሲ ኦማርስ ኣቂዲ ቢዛ ኦጌ ኣሳ ማላ ኣይስ ሃናይ?

ኤርማሳ ቲንቢቴ 17:17

ታና ዳጋንዛዴ ጊዶፓ፤ ኔኒ ታስ ሜቶ ጋላስ ታ ባቃታ ኣቲዛሶሆ።

ኤርማሳ ቲንቢቴ 2:11

ኢስቲ ቱሙ ጾሳታ ጊዶንታ ኣጊኮካ ባ ኤቃ ጾሳታ ላሚዳ ካዎቴ ዲዜ? ታ ዴሬይ ጊዲኮ ኢስታስ ቦንቾ ጊዲዳይሳ ላሚዴስ» ጌስ።

ኤርማሳ ቲንቢቴ 2:8

ቄሴቲካ፥ ‹ጎዳይ ኣዋን ዲዜ?› ጊ ኦይቺቤቴና፤ ታ ዎጋይ ኢስታ ኩሼን ዲዛ ኣሳቲካ ታና ኤሪቤቴና። ዴሬ ካሌዛይቲካ ታ ቦላ ማካሊዳ። ናቤቲ ባኣሌ ሱንን ቲንቢቴ ዮቲዳ፤ ጎኦንታ ሚሻታካ ካሊዳ» ጊዴስ።

ኤርማሳ ቲንቢቴ 3:23

ኑኒ ዙምቡላታ ቦላኔ ዙማታ ቦላ ኤቃ ጾሳታስ ጎይኖይ ቱማፔ ኑስ ባላ፤ ቱማፔ ኑስ ኢስራኤሌታስ ኣቶቴ ጎዳ ኑ ጾሳፌ።

ኤርማሳ ቲንቢቴ 33:9

ሄሳፌ ጉዬ ሃና ሃ ካታማያ ታ ኢዚስ ኦዳ ሎኦ ሚሽ ኡባ ሲዪዛ ካዎቴታ ኡባ ሲንን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴፌኔ ሳሮቴፌ ዴንዲዳይሳን ኣሳይ ኢዚስ ያሻን ኮኮራና» ጌስ።

ኤርማሳ ቲንቢቴ 4:2

ኢንቴ ቱማን፥ ሱሬቴኒኔ ጺሎቴን፥ ‹ዴኦ ጎዳይ ቤዪን!› ጊዲ ጫቂኮ፥ ሄ ዎዴ ካዎቴቲ ኢዛን ኣንጄታናኔ ቦንቼታና» ጌስ።

ሂዚቄላ ቲንቢቴ 11:16

«ሄሳ ጊሻስ ኔኒ፥ ‹ኡባ ሃሪዛ ጎዳይ፡ ታኒ ኢስታ ሃሆን ዲዛ ካዎቴታ ጊዶን ዬዲኮካ፥ ዴሬታ ጊዶን ላሊኮካ፥ ኢስቲ ቢዳ ዴሬ ኡባን ጉ ዎዴ ታኒ ኢስታራ ጊዳና› ጊዴስ።

ኢዩኤሌ ቲንቢቴ 3:16

ጎዳይ ጺዮኔ ዙማ ቦላ ዬሩሳላሜን ዲሼ ባቢሲዛ ባ ቃላ ጊሪስ ሲሳና፤ ሳሎይኔ ሳኣይ ቃጻና፤ ጎዳይ ጊዲኮ ባ ዴሬ ኢስራኤሌስ ሺቂ ኣቲዛሶ ጊዳና።

ኣሞጼ ቲንቢቴ 2:4

ጎዳይ ዩሁዳ፥ «ዩሁዳ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ፤ ኢስቲ ታ ዎጋ ካዳ፤ ታ ኣዛዞታካ ናጎንታ ኢጺዳ፤ ካሴ ኢስታ ኣዋቲ ጎይኒዳ ኤቃ ጾሳታ ካሊዲ ኢስቲ ባሌቲዳ።

ናሆሜ ቲንቢቴ 1:7

ጎዳይ ሎኦ፤ ሜቶ ጋላሲካ ቆቴቲ ኣቲዛሶ። ኢዛን ኣማኔቲዛይታ ናጌስ።

ኢምባቆ ቲንቢቴ 3:19

ጎዳ ታ ጾሳይ ታስ ዎልቃ፤ ታ ቶሆታ ኢዚ ጌኔሳ ቶሆ ማላ ሚን፤ ኢዚ ታና ቃሶሆራ ሄሜና። ዬጺዛይታ ካሌዛዴስ ዬ ሚሻን ዬጼቲዳ ማዛሙሬ።

ዛካራሳ ቲንቢቴ 2:11

ሄ ጋላስ ዳሮ ካዎቴቲ ጎዳኮ ሺቂዲ ኢዛ ዴሬ ጊዳና፤ ኢዚካ ኔ ጊዶን ዴኣና፤ ኡባፌ ዎልቃማ ጎዳይ ታና ኔኮ ኪቲዳይሳ ኔካ ኤራና።

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

ኦሮሜ ኣሳስ 1:25

ኢስቲ ጾሳ ቱማቴ ዎርዶን ላሚዳ፤ ሜዳ ጾሳ ኣጊዲ ሜቴስ ጎይኒዳኔ ኢስታስ ኦዳ፤ ሜዳ ጾሲ ኢዚ ሜርናስ ጋላቴቲዳይሳ። ኣሚን።

1ጴጽሮሳ ኪታ 1:18

ኢንቴ ካሴ ኢንቴ ኣዋታፔ ላቲዳ ሃዳ ዱሳፌ ዎዜቲዳይ ይዛ ቢራን ዎይኮ ዎርቃን ጊዶንታይሳ ኢንቴ ኤሬታ።

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።