ኤርማሳ ቲንቢቴ 16:17 - ጋሞ ማጻፋ

¹⁷ ታ ኣይፌይ ኢስታ ኦጌ ኡባ ቤኤስ፤ ኢስቲ ታፔ ጌሜቴና፤ ኢስታ ናጋራይካ ታ ኣይፌፔ ጌሚቤና።

Geeshsha Maxaafa

¹⁷ Ta ayfey istta oge ubbaa be7ees; istti taappe geemmettenna; istta nagaraykka ta ayfeppe geemmibeenna.

ኤርማሳ ቲንቢቴ 16:17 Iomraidhean Croise

2ታሪኬ ማጻፋ 16:9

ባ ኩሜ ዎዚናፔ ጎዳ ኣማኔቲዛ ኣስ ሚንናስ ጎዳ ኣይፌይ ሳኣ ቦላን ኡባሶ ጼሌስ። ኔኒ ሃ ዮኦዛን ኤያቴ ኦሶ ኦዳ ጊሻስ ሃቺፌ ዶሚን ኔፔ ኦላይ ዱጼና» ጊዴስ።

ኢዮቤ ማጻፋ 10:14

ታ ቆሂዳ ጊዲኮ ኔ ኣይፌቲ ቤያና፤ ታ ናጋራ ጊሻስ ታና ቃጻዮንታ ኣካ።

ኢዮቤ ማጻፋ 31:4

ጾሳይ ታ ኦዛይሳ ኡባ ቤዬኔ? ታ ሄሜታካ ሻኪ ኤሬኔ?

ዬ ማጻፋ 109:15

ኢስታ ናጋራይ ጎዳ ሲንን ኡባቶ ቤቶ፤ ኢስታ ኣኬኪሲዛ ሚሺ ቢታ ቦላ ዶፖ።

ዬ ማጻፋ 139:3

ታኒ ቢዛሶኔ ሼምፒዛሶ ጾሞሳሳ፤ ታ ኦጌታ ኡባ ኔኒ ኤራሳ።

ዬ ማጻፋ 33:15

ኢዚ ኡባ ዎዚና ሜዴስ፤ ኢስቲ ኦዛ ሚሽ ኡባ ኤሬስ።

ዬ ማጻፋ 51:9

ኔ ሲን ታ ናጋራፔ ሃራሶ ዛራ፤ ታ ቆሆ ኡባካ ቁጫ ዲጋ።

ዬ ማጻፋ 90:8

ኔኒ ኑ ኢታ ኦሶ ኔ ሲንን ዎዳሳ፤ ቃሴ ኑ ጌንዳ ናጋራ ኔ ሲን ፖኦኮ ኣዳሳ።

ሌሚሶ ማጻፋ 15:3

ጎዳ ኣይፌቲ ኡባሶ ጼሌቴስ፤ ኢታታኔ ሎኦታ ኡባ ሎኤ ቤኤቴስ።

ሌሚሶ ማጻፋ 5:21

ጋሶይካ ኣሲ ኦዛ ኡባ ጎዳይ ቤዬስ፤ ኢዚ ሄሜቲዛ ሄሜታ ኡባ ፒልጊ ጼሌስ።

ኢሳያሳ ቲንቢቴ 29:15

ባንታ ሃልቾ ጎዳፔ ጌንናስ ዱጌ ጪማ ኦላን ዎዛይታስ ባንታ ኦሶ ማን ኦዛይታስ «ኑና ኦኒ ቤኣኔ? ኑና ኦኒ ኤራኔ?» ጊዛይታስ ኣዬ ኣና!

ኢሳያሳ ቲንቢቴ 66:18

«ታኒ ኢስታ ኦሶኔ ኢስታ ቆፋ ኤሪዛ ጊሻስ፥ ካዎቴታ ኡባኔ ዱማ ዱማ ቃላን ሃሳይዛ ኡባታ ኢሲፌ ሺሻናስ ያና፤ ኢስቲካ ዪዲ ታ ቦንቾ ቤኣና።

ኤርማሳ ቲንቢቴ 2:22

ኔኒ ሃዲንጬን ሜጬቲኮካ፥ ዎይኮ ዳሮ ሳሙናን ሜጬቲኮካ ኔ ሞሮ ቂታይ ሃኢካ ታ ሲንን ዴስ» ጌስ ኡባ ሃሪዛ ጎዳይ።

ኤርማሳ ቲንቢቴ 23:24

ታኒ ቤኦንታ ማላ ጌማሶን ቆቴቲ ኣታና ኣሲ ዲዜ? ሳሎኔ ሳኣ ኩሚዳይ ታና ጊዲኪና!» ጌስ ጎዳይ።

ኤርማሳ ቲንቢቴ 29:23

ኢስቲ ባ ላጌታ ማቼታራ ላይማቴን ታ ኢስታስ ዮቶንታ ቃላ ታ ሱንን ዎርዶ ዮቶን ኢስራኤሌ ቦላ ቆሆ ጋዳ፤ ሄሳ ታኒ ኤራይስ፤ ታኒ ሄሳስ ማርካ» ጌስ ጎዳይ።

ኤርማሳ ቲንቢቴ 32:19

ኔ ሃልቾይ ጊታ፤ ኔኒ ኔ ኦሶን ሚኖ፤ ኔ ኣይፌቲ ኣሳ ኦጌ ኡባ ጼሌቴስ፤ ኢሳስ ኢሳስ ኢዛ ኦጌ ማላኔ ኢዛ ኦሶ ማላ ኔ ኢማና።

ኤርማሳ ቲንቢቴ 7:11

ታ ሱንን ጼይጌቲዳ ሃ ጾሳ ኬይ ኢንቴስ ፓንጋቲ ቆቴቲዛ ጎንጎሎ ጊዲዴ? ኢንቴ ኦዛይሳ ኡባ ታኒ ታ ኣይፌራ ቤኣዲስ» ጌስ።

ሂዚቄላ ቲንቢቴ 8:12

ቃሴ ጾሲ ታና፥ «ሃይሶ ኣሳ ናዉ! ኢስራኤሌ ኬ ጪማቲ ኢሶይ ኢሶይ ቆልኣ ጊዶን ማሶን ባንታ ኤቃ ሚስሌ ኬን ኢስቲ ኦዛይሳ ቤያይ? ጋሶይካ ኢስታ፥ ‹ጎዳይ ኑና ቤዬና፤ ጎዳይ ቢታ ኣጊዴስ› ጌቴስ» ጊዴስ።

ሂዚቄላ ቲንቢቴ 9:9

ኢዚ ዛሪዲ ታስ፥ «ኢስራኤሌ ኬ ናጋራይኔ ዩሁዳ ኬ ናጋራይ ኬሂ ዳሪዴስ፤ ቢታያ ሱ ጻላ ጊዳዱስ፤ ቃሴ ካታማያ ጌላቴን ኩማዱስ፤ ጋሶይካ ኣሳይ፥ ‹ጎዳይ ቢታ ኣጊዴስ፤ ጎዳይ ቤኤና› ጌቴስ።

ሶፎናሳ ቲንቢቴ 1:12

ሄ ዎዴ ታ ዬሩሳላሜ ጊዶዛ ጾምፔራ ኮያና፤ ኣይኮ ሂርጋይ ባይንዳ ባ ጊ ኡቲዳይታ፥ ዎይኔ ኡሹ ጋጪ ኤኪቺን ኦርጮ ቦላ ኣቲዳ ዎይኔ ኡሻ ማላ ጊዲዳይታ፥ ‹ኢታ ጊዲን ዎይኮ ሎኦ ጊዲን ጎዳይ ኣይኮካ ኦና› ጊዛይታ ታ ቃጻያና።

ዛካራሳ ቲንቢቴ 4:10

«ጉ ሚሻቲ ሃኒዛ ጋላሲ ካዳይ ኦኔ? ኣሳይ ዜሩባቤሌ ኩሼን ቱምቤ ቤኢዲ ኡፋዬታና፤ ሄይቲ ላፑን ጾምፔታ ኢስታ ቦላ ዎዛ ላፑን ባላቲ ኣላሜ ቦላ ዩዪ ጼሊዛ ጎዳ ኣይፌታ።»

1ቆሮንቶሴ ኣሳስ 4:5

ሄሳ ጊሻስ ፒርዳና ዎዴይ ጋኮንታ ሃራ ኣይ ዮኦካ ፒርዶፍቴ፤ ጎዳይ ያና ጋካናስ ናጊቴ፤ ኢዚ ማ ጊዶን ቆቴቲዳይሳ ቡሮ ቆንጬ ኬሳና። ኣሳ ዎዚና ጊዶን ዲዛ ቆፋካ ቆንጬ ኬሳና፤ ሄ ዎዴ ኢሲ ኢሲ ኣሲ ባስ ቤሲዛ ጋላታ ጾሳ ኣቻፌ ኤካና።

Ibirawe 4:13

ጾሳ ኣይፌፔ ጌሜቲዳ ሜታይ ሙሌካ ዴና፤ ኑ ኢዛስ ኑ ጊሻስ ዛሮ ኢማናስ ቤሲዛ ኢዛ ሲንን ሃኖይ ዉሪካ ካሎ ቆንጬን ቤታና።