ኤርማሳ ቲንቢቴ 16:16 - ጋሞ ማጻፋ

¹⁶ ጎዳይ፥ «ሃኢ ጊዲኮ ታኒ ሞሌ ኦይኪዛ ዳሮ ኣሳታ ኪታና፤ ኢስቲካ ኦይካና። ሄሳፌ ጉዬ ታኒ ዳሮ ሻንካቲዛ ኣሳታ ዬዳና፤ ኢስቲካ ዙማቲ ዲዛሶፔ፥ ዙምቡላቲ ዲዛሶፔኔ፥ ዛላታ ጎንጎሎፔ ሻንካቲዲ ኦይካና።

Geeshsha Maxaafa

¹⁶ GODAY, «Ha7i gidikko tani mole oykkiza daro asata kiittana; isttika oykkana. Hessafe guye tani daro shankkatiza asata yeddana; isttika zumati dizasoppe, zumbullati dizasoppenne, zaallata gongoloppe shankkatidi oykkana.

ኤርማሳ ቲንቢቴ 16:16 Iomraidhean Croise

ሜቴ ማጻፋ 10:9

ጎዳ ሲንንካ ኢዚ ዎልቃማ ሻንካንቻ ጊዲዴስ፤ ሄሳ ጊሻስ፥ «ናሙሩዴ ማላ ጎዳ ሲንን ዎልቃማ ሻንካንቻ ጊዳ» ጌቴቴስ።

ኢሳያሳ ቲንቢቴ 2:21

ጎዳይ ሃ ቢታ ቃናስ ዴንዲዛ ዎዴ ኢዛ ያሺሴፌኔ ኢዛ ቴማፔ ዴንዲዳይሳን ሹቻ ጎንጎሎይኔ ዛላ ዛኣይ ዲዛሶ ባቃታና።

ኢሳያሳ ቲንቢቴ 7:19

ኢስቲ ኡባይካ ዪዲ ባዞ ሾባን፥ ሹቻ ጎንጎሎን፥ ኣጉን ቱሻኒኔ ሃ ኦላታን ጋዉኣና።

ኤርማሳ ቲንቢቴ 25:9

ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና።

ኤርማሳ ቲንቢቴ 4:29

ፓራ ኣሳታኔ ዎንዳፌ ኣሳታ ካቻ ጋሶን ኣሳይ ካታማ ኡባፌ ባቃታና። ባጋይ ዎጺዲ ዎራ ጋርስ ጌላና፤ ባጋይ ቃሴ ዛላ ቦላ ኬዛና፤ ካታማይ ኡባይ ኣሲ ባይንዳ ካይዚ ኣታና።

ኤርማሳ ቲንቢቴ 49:5

ታኒ ኔ ዩሾን ዲዛይታፔ ኔ ቦላ ሺሮ ኤሃና፤ ኢንቴ ኡባይካ ጎዴታና፤ ባቃታ ቦላ ዲዛይታ ሺሻና ኣሲ ቤቴና።

ኤርማሳ ቲንቢቴ 6:9

ኡባፌ ዎልቃማ ጎዳይ፥ «ዎይኔ ቴራ ኢሲኖካ ኣሾንታ ማጺዛ ማላ ኢስራኤሌ ኣሳፔ ኣቲዳይታ ሄሳካ ማጺ ሺሺቴ። ዎይኔ ቴራ ማጺዛ ኣሳ ማላ ኢንቴ ኩሼ ሃጋታ ጊዶ ናምኣንካ ዬዲቴ» ጌስ።

ኤርማሳ ዚላስ 4:18

ኣሳይ ኑ ጌዶን ኤቂዛ ጊሻስ ኑ ኦጌራ ሄሜታናስ ዳንዳይቤኮ፤ ኑስ ዉርሴ ማቲዴስ፤ ኑ ላይ ዉሪዴስ፤ ኑ ይዛ ዎዴይ ጋኪዴስ።

ኤርማሳ ዚላስ 4:19

ኑና ጎዲዛይቲ ሳሎራ ፓሊዛ ጎሌፌ ኣ ኤሶቴቴስ፤ ኢስቲ ኑና ዙማ ቦላራ ጎዲዳ፤ ባዞን ኑና ዙጊ ናጊዳ።

ሆሴኤ ቲንቢቴ 10:10

ታኒ ኮይዛ ዎዴ ኢስታ ቃጻያና፤ ኢስቲ ኦዳ ዳኮ ናጋራ ጊሻስ ቂጻቴይ ኢስታ ቦላ ጋካና፤ ካዎቴቲ ኢስታ ቦላ ዴንዳና።

ኣሞጼ ቲንቢቴ 4:2

ሄሳ ጊሻስ ጎዳይ ባ ጌሻቴን፥ «ኢንቴስ ሲን ዳፎይ ኣን ኢንቴ ባና ዎዴይ ያና፤ ኢንቴፌ ሄን ቢታ ቦላ ኣቲዳይቲ ቃሴ ማንጻኮን ኦይኬቲ ቢዛ ሞሌ ማላ ኦይኬቲ ባና።

ኣሞጼ ቲንቢቴ 5:19

ሄ ጋላሳይ ኣሲ ጋሞፌ ኣታናስ ቆቴቲሼ ዛርዶራ ጋጊዛ ማላ ዎይኮ ኬሲ ኤኪ ባሶ ጌሊዲ ባ ኩሼን ኬ ጎዳ ኦይኪን ሾሺ ዱኪዳ ማላ ሃናና።

ሚኪያሳ ቲንቢቴ 7:2

ጾሳስ ባቢዛ ኣሲ ቢታ ቦላፌ ይዴስ፤ ሱሬ ኣሲ ኢሳዴይካ ባዋ፤ ኣሲ ዉሪካ ሱ ጉሳናስ ዙጌስ፤ ኢሲ ኢሲ ኣሲ ባ ኢሻ ያርዴን ኦይኬስ።

ሶፎናሳ ቲንቢቴ 1:12

ሄ ዎዴ ታ ዬሩሳላሜ ጊዶዛ ጾምፔራ ኮያና፤ ኣይኮ ሂርጋይ ባይንዳ ባ ጊ ኡቲዳይታ፥ ዎይኔ ኡሹ ጋጪ ኤኪቺን ኦርጮ ቦላ ኣቲዳ ዎይኔ ኡሻ ማላ ጊዲዳይታ፥ ‹ኢታ ጊዲን ዎይኮ ሎኦ ጊዲን ጎዳይ ኣይኮካ ኦና› ጊዛይታ ታ ቃጻያና።

1ሳሜላ ማጻፋ 24:11

ታ ኣዋዉ ኔ ማይኦዛ ጼራፔ ቃንጼቲዳይሳ ሃይሳ ታ ኩሼን ቤኣ! ኔስ ማይኦ ጼራፔ ቃንጻ ኤካዲስ ኣቲን ኔና ዎቤኬ። ሃኢካ ታኒ ኢታቴ ዎይኮ ማካላቴ ኦንታይሳ ኔ ኤራ፤ ሄሳ ኔ ዎዚናን ዎ፤ ታ ኔ ቦላ ኢታ ኦቤኬ፤ ኔኒ ጊዲኮ ታ ሼምፖ ይሳናስ ጎዳሳ።

1ሳሜላ ማጻፋ 26:20

ኣሲ ዙማ ቦላ ኩራቾ ጎዲዛ ማላ ኢስራኤሌ ካዎይ ካስቶሌ ኮያና ኬዚዳ ጊሻስ ታ ሱይ ጎዳ ሲንፌ ሃኪዲ ቢታ ቦላ ጉካና ማላ ኦፋ» ጊዴስ።