ኤርማሳ ቲንቢቴ 16:13 - ጋሞ ማጻፋ

¹³ ሄሳ ጊሻስ ታኒ ኢንቴና ሃ ቢታይፌ ዴንዳ ኢንቴ ዎይኮ ኢንቴ ኣዋቲ ኤሮንታ ቢታ ኤፋ ኦላና፤ ሄን ኢንቴ ኤቃ ጾሳታስ ጋላሲኔ ኦማርስ ጎይናና። ታኒ ሙሌካ ኢንቴስ ቃቲኬ› ጋና» ጊዴስ።

Geeshsha Maxaafa

¹³ Hessa gishshas tani inttena ha biittayfe denththada intte woykko intte aawati erontta biitta efa olana; heen intte eeqa xoossatas gallassinne omars goynnana. Tani mulekka inttes qadhettike› gaana» gides.

ኤርማሳ ቲንቢቴ 16:13 Iomraidhean Croise

2ካዎታ ማጻፋ 25:21

ካዎዚካ ሄ ኣሳ ሃማቴ ቢታን ሄን ኤሬቢላን ዎሲዴስ። ዩሁዳይ ባ ቢታፌ ሄሳ ማላን ዲኤቲ ቢዴስ።

2ታሪኬ ማጻፋ 7:20

ታኒ ካሴ ኢንቴስ ኢሚዳ ቢታፌ ኢንቴና ቃላና፤ ታኒ ታ ሱንስ ዱማሲዳ ኬካ ዬጋ ኣጋና፤ ታኒ ኢዛ ካዎቴታ ኡባ ጊዶን ቂሲኔ ቂልጫስ ኬሳና።

ዬ ማጻፋ 81:12

ሄሳ ጊሻስ ታኒ ኢስቲ ባ ዎዚና ሙሜቴ ባ ዶሶይሳ ሃናና ማላ ኣጋጋዲስ።

ኤርማሳ ቲንቢቴ 10:18

ጋሶይካ ጎዳይ፥ «ታኒ ሃ ሳኣ ቦላ ዲዛ ኣሳ ሃኢ ጌዴ ካሬ ኬሳዳ ጎዳና። ኢስታስ ኤሬታና ማላ ታ ኢስታ ቦላ ሜቶ ኤሃና» ጌስ።

ኤርማሳ ቲንቢቴ 14:8

ኣቤት ኢስራኤሌ ሂዶታዉ! ሜቶ ዎዴ ኣሺዛይሶ! ኔኒ ቢታን ኢማ ማላ፥ ኢሲ ኦማርስ ኣቂዲ ቢዛ ኦጌ ኣሳ ማላ ኣይስ ሃናይ?

ኤርማሳ ቲንቢቴ 15:1

ሄሳፌ ጉዬ ጎዳይ ታስ፥ «ሙሴይኔ ሳሜሊ ታ ሲንን ኤቂዳኮካ ታ ዎዚናይ ሃ ዴራስ ሚሼቴና፤ ኢስታ ታ ሲንፌ ዲጋ፤ ኢስቲ ቤቶ።

ኤርማሳ ቲንቢቴ 15:14

ታ ሃንቆይ ኢንቴ ቦላ ታማ ማላ ኤጻና፤ ሄሳ ጊሻስ ኔኒ ኔ ኤሮንታ ቢታን ኔ ሞርኬታስ ታኒ ኔና ኣይሌሳና» ጊዴስ።

ኤርማሳ ቲንቢቴ 15:4

ሂዝቂያሳ ና፥ ዩሁዳ ካዎ ሚናሴይ ዬሩሳላሜን ኦዳ ፓላ ጊሻስ ታኒ ኢስታ ቦላ ሳኣ ካዎቴታ ኡባስ ዳጋንዛዝ ኦና› ጌስ ጋዳ ዮታ» ጊዴስ።

ኤርማሳ ቲንቢቴ 16:5

ጎዳይ ታስ፥ «ታኒ ታ ኣንጆዛ፥ ታ ሲቆዛኔ ታ ማሮቴ ሃ ዴራ ቦላፌ ዴንዲስ፤ ሄሳ ጊሻስ ዬሆ ኬ ጌሎፓ፤ ዬካናሲኔ ካዮታናስ ሄ ቦፓ።

ኤርማሳ ቲንቢቴ 17:4

ኔ ሞሮ ጋሶን ታ ኔስ ኢሚዳ ጺንጾዛፔ ኔ ሜላ ኣታና፤ ኔና ታኒ ኔ ኤሮንታ ቢታን ኔ ሞርኬታስ ኣይሌሳና። ጋሶይካ ሜርናስ ታማ ማላ ኤጺዛ ታ ሃንቆዛ ኔ ዴንዳሳ» ጌስ።

ኤርማሳ ቲንቢቴ 22:26

ታኒ ኔናካ ኔና ዬሊዳ ኔ ኣዬዮካ ኢንቴ ዬሌቶንታ ኣላጋ ቢታን ኦላ ኣጋና፤ ኢንቴካ ሄን ሃይቃና።

ኤርማሳ ቲንቢቴ 22:28

ሃይሲ ኢኮኒያኔይ ካቲዲ ሜቂዳ ኦቶ ማላ ኦኒካ ኮዮንታ ሚሼ? ኢዚኔ ኢዛ ናይቲ ኣይስ ካሬ ኦሌቲ ኣቲዶ? ኢስቲ ባ ኤሮንታ ኣላጋ ቢታን ኣይስ ዬጌቲ ኣቲዶ?

ኤርማሳ ቲንቢቴ 5:19

ኣሳይ ኔና፥ ‹ኑ ጎዳ ኑ ጾሳይ ኑ ቦላ ሃይሳ ኡባ ኣይስ ኦዴ?› ጊዲ ኦይቺዛ ዎዴ ኔኒ ኢስታስ፥ ‹ኢንቴ ታና ጎዳ ኣጊዲ ኢንቴ ቢታን ኣላጋ ጾሳታስ ኦዳ ማላ፥ ኢንቴካ ኣሳ ቢታን ኣላጋታስ ሄሳ ኦና› ጋ» ጊዴስ።

ኤርማሳ ቲንቢቴ 6:15

ሃ ሃራሲዛ ኦሶዛ ጊሻስ ኢስቲ ዬላቲዶ? ኣካይ ሙሌካ ዬላቲቤቴና፤ ኢስቲ ዬላይ ኣዛኮ ኤሬቴና። ሄሳ ጊሻስ ኢስቲ ኩንዲዛይታራ ኢሲፌ ኩንዳና፤ ታኒ ኢስታ ቃጻዪዛ ዎዴ ኢስቲ ካዉያና» ጌስ።

ዛሬ ማጻፋ 28:36

ጎዳይ ኔናኔ ኔኒ ኔ ቦላ ካዎሳና ካዎዛ ሃ ቢታፌ ዴንዲ ካሴ ኔኒኔ ኔ ኣዋቲ ኤሮንታ ሃራ ካዎቴ ኤፋና፤ ኢንቴ ሄን ሚፌኔ ሹቻፌ ኦሴቲዳ ኤቃ ጾሳታስ ጎይናና።

ዛሬ ማጻፋ 29:28

ጎዳይ ዎልቃማ ሃንቆኒኔ ኢታ ቦሻን ኢስታ ኢስታ ዴሬፔ ሾዲዴስ፤ ሄሳ ጊሻስ ኢስቲ ሃች ጋካናስ ሄን ዴቴስ» ጋና።