ኤርማሳ ቲንቢቴ 15:15 - ጋሞ ማጻፋ

¹⁵ ኣቤት ጎዳዉ! ኔ ኤራሳ። ታና ቆፓ፤ ሞካካ ጼላ፤ ታና ዬዴዛይታ ቦላ ሃሎ ኬሳ፤ ኔ ዳንዳያንቻ ጊዲዳ ጊሻስ ታና ይሶፋ፤ ኔ ጋሶን ታና ጋኪዛ ካዛ ኔ ቆፓ።

Geeshsha Maxaafa

¹⁵ Abeet GODAWU! Ne eraasa. Tana qoppa; mokkaka xeella; tana yedeththizayta bolla halo kessa; ne dandayanchcha gidida gishshas tana dhayssofa; ne gaason tana gakkiza kadheza ne qoppa.

ኤርማሳ ቲንቢቴ 15:15 Iomraidhean Croise

ናሂሚያ ማጻፋ 13:22

ሄሳፌ ጉዬ ሌዌቲ ባንታና ጌሺዲ ሳምባታ ጋላስ ዱማቴን ናጌቲዛይሳ ኤሪሳናስ ጊምባ ፔንጌታ ናጋና ማላ ኢስታ ኣዛዛዲስ። ታ ጾሳዉ! ሃይሳ ኡባ ጊሻስ ታና ቆፓ፤ ቃሴ ኔኒ ኔ ሚኖ ሲቆዛን ታና ማዳና ማላ ታ ኔና ዎሳይስ።

ናሂሚያ ማጻፋ 13:31

ቃሴ ያርሾ ጹጋናስ ኤሶ ሚ ኮሺዛ ዎዴን ኤሃና ማላ ጊጊሳዲስ፤ ኣሳይካ ባ ሺሺዛ ካፌኔ ኣይፊዛ ሚ ኣይፌፔ ኮይሮ ጋኪዳ ጼራ ዎስቲ ሺሻናስ ቤሲዛኮ ማራ ኦይዲስ፤ ታ ጾሳዉ! ኔ ሎኤቴን ሃይሳ ታ ኦዳ ሎኦ ኦሶዛ ጊሻስ ታና ቆፓ።

ናሂሚያ ማጻፋ 5:19

ታ ጎዳዉ! ታኒ ሃ ዴራስ ኦዳ ሎኦ ኦሶ ማላ ኔ ታስ ኪያቴ ኦ።

ናሂሚያ ማጻፋ 6:14

ታኒካ፥ «ጾሳዉ! ጾቢያይኔ ሳንባላጼይ ኦዳይሳ ኔ ቤያ፤ ቃሴ ኢስታ ቦላካ ኔ ፒርዳ፤ ኖኣዶ ጌቴቲዛ ማጫሳ ናቤያኔ ሃራ ዎርዶ ናቤቲ ታና ባቢሳና ጊዲ ኦዳ ኦሶ ኡባ ኔ ቆፓ» ጋዳ ዎሳዲስ።

ኢዮቤ ማጻፋ 10:7

ታኒ ቆሆንታይሳኔ ኔ ኩሼፔ ኦኒካ ታና ኣሾንታይሳ ኔ ኤራሳ።

ዬ ማጻፋ 102:24

ሂስቲን ታኒ፥ «ኣቤት ታ ጾሳዉ! ታኒ ዳና ላይ ቡሮ ባጋሲሺን ኔ ታና ኤኮፋ። ኣቤት ጎዳዉ! ኔኒ ዬሌታፔ ዬሌታ ጋካናስ ዳሳ» ጋይስ።

ዬ ማጻፋ 106:4

ኣቤት ጎዳዉ! ኔኒ ኔ ኣሳ ማዲዛ ዎዴ ታና ቆፓ፤ ኢስታ ኔኒ ኣሺዛ ዎዴ ታናካ ኣላ።

ዬ ማጻፋ 119:84

ታኒ ኔ ኣይሌይ ኣዉዴ ጋካናስ ዳኔ? ታና ዬዴዛይታ ቦላ ኔኒ ኣዉዴ ፒርዳኔ?

ዬ ማጻፋ 17:3

ኔኒ ቃማን ታና ጾሞሳዳሳ፤ ታ ዎዚና ፓጫዳሳ፤ ኔ ፓጪዳ ጊዲኮካ ታ ቦላ ኣይኮካ ዴማቤካ። ታ ኢንጻርሳይ ኢታ ሃሳይቤና።

ዬ ማጻፋ 39:13

ታኒ ጉዬ ሲማ ያናስ ዳንዳዮንታሶ ባናፔ ካሴ ጉ ዎዴ ኡፋዬታና ማላ ታና ኣጋሻርኪ!» ጋዲስ።

ዬ ማጻፋ 44:22

ጊዶ ኣቲን ኡባ ጋላስ ኔ ጊሻስ ሃይቆስ ኣ ኢሜቲዶስ፤ ሹካስ ኤፊዛ ዶርሳታ ማላካ ቆዴቲዶስ።

ኢሳያሳ ቲንቢቴ 38:3

ዎሲሼ፥ «ኣቤት ጎዳዉ፥ ታኒ ኔ ሲንን ኣማኔቴኒኔ ኩሜ ዎዚናፔ ኔና ኡፋይሲዛ ሚሽ ኦሼ ታ ዋና ዴኢዳኮ ኔኒ ኣኬካና ማላ ታኒ ኔና ዎሳይስ» ጊ ዎሲዴስ፤ ሂዝቂያሲካ ኬሂ ጫሞ ዬሆ ዬኪዴስ።

ኤርማሳ ቲንቢቴ 12:3

ጊዶ ኣቲን ኣቤት ጎዳዉ! ኔኒ ታና ኤራሳ። ታና ቤኣሳ፤ ታኒ ኔስ ኣይ ቆፒዛኮ ፓጫሳ። ሹኬታና ቢዛ ዶርሳታ ማላ ኔኒ ኢስታ ላጋ! ሹካ ጋላሳስ ኢስታ ዱማ ሻካ ዎ!

ኤርማሳ ቲንቢቴ 15:10

ታ ኣዬ! ሃኖ ፖራ! ታኒ ኣስ ኡባስ ኦሻሲኔ ፓላማስ ጊዳና ማላ ኣይስ ታና ዬላዲ? ታኒ ኦናስካ ታልኤ ኢማቤኬ፤ ኦናፔካ ታልኤ ኤካቤኬ፤ ጊዶ ኣቲን ኣሲ ኡባይ ታና ቃንጌስ።

ኤርማሳ ቲንቢቴ 15:20

ታ ኔና ሃ ዴራስ ጊምቤ ኦና፤ ጻርቂማላፔ ኦሴቲዳ ጊምቤ ማላ ሂስታና፤ ታኒ ኔና ኣሻናሲኔ ዎ ኤካናስ ኔናራ ዲዛ ጊሻስ ኢስቲ ኔናራ ኦሌታና ሺን ኔና ጾኔቴና።

ኤርማሳ ቲንቢቴ 17:16

ሄንንቻ ጊዳዳ ኔስ ኦናፔ ጉዬ ጋቤኬ፤ ታ ኢስታስ ኢታ ጋላስ ኣሞቶንታይሳ ኔ ኤራሳ፤ ታ ዶናፔ ኬዚዛይሲ ኔ ሲንን ቆንጬ።

ኤርማሳ ቲንቢቴ 18:23

ጊዶ ኣቲን ኣቤት ጎዳዉ! ኢስቲ ታና ዎናስ ማቄቲዳይሳ ኡባ ኔኒ ኤራሳ፤ ኔኒ ኢስታ ኢታቴ ኣቶ ጎፓ፥ ዎይኮ ኢስታ ናጋራ ኔ ሲንፌ ቁጮፋ፤ ኢስቲ ኔ ሲንን ጾኔቲዲ ኩንዴቶ፤ ኔ ሃንቆ ጋላስ ኔ ኢስታ ማሮፓ።

ኤርማሳ ቲንቢቴ 20:11

ጊዶ ኣቲን ጎዳይ ያሺሲዛ ቶራ ቃራ ማላ ታናራ ዴስ፤ ሄሳ ጊሻስ ታና ዬዴዛይቲ ጴታና ኣቲን ታና ጾኔቴና፤ ኢስቲ ኢታ ካዉሽ ካዉያና ኣቲን ኢስታስ ጊጌና፤ ኢስታ ካዉሻቴይ ሙሌካ ዶጌቴና።

ኤርማሳ ቲንቢቴ 20:12

ኣቤት ኡባፌ ዎልቃማ ጎዳዉ! ጺሎዛ ፓጪዛይሶ! ዎዚናኔ ካሃ ፒልጋ ጼሊዛይሶ! ታኒ ታ ሞቶ ኔስ ኣ ኢሚዳ ጊሻስ ኔኒ ኢስታ ቦላ ሃሎ ኬሲሺን ታ ኣይፌን ቤኣናስ ታና ጋ።

ኤርማሳ ቲንቢቴ 20:8

ታኒ ሃሳይዛ ዎዴ ኡባን ዋሳይስ፤ «ሺሮኔ ባሽ» ጋ ኣዋጃይስ፤ ሄሳ ጊሻስ ጎዳ ቃላይ ታስ ኩሜ ጋላስ ታ ቦላ ጫሼኔ ቂ ኤሂዴስ።

ኤርማሳ ዚላስ 3:64

ታ ጎዳዉ! ኔ ኢስታስ ኢስታ ኦሶ ማላ ኢማ።

ኤርማሳ ዚላስ 3:66

ኣቤት ጎዳዉ! ኔ ኢስታ ኔ ሃንቆን ጎዳ፤ ሳሎ ጋርሳፌ ይሳ።

Maatosa 10:22

ታ ጊሻስ ኣሲ ዉሪካ ኢንቴና ኢጻና። ጊዶ ኣቲን ዉርሴ ጋካናስ ሚኒ ኤቂዳይ ኢዚ ኣታና።

Maatosa 19:29

ታ ሱን ጊሻስ ጊዲ ባ ኬ፥ ባ ኢሻታ፥ ባ ሚቼታ፥ ባ ኣዋ፥ ባ ኣዮኔ ባ ናይታ፥ ዎይኮ ባ ቢታ ኣጊዛ ኣሲ ዉሪ ጼቱ ኩሼ ዳኮ ኤካና፤ ሜርና ዴኦካ ላታና።

ሉቃሳ ሚሺራቾ 21:17

ታ ሱን ጊሻስ ኡባ ኣሳ ኣቻን ኢንቴ ኢጼታና።

ኦሮሜ ኣሳስ 12:19

ታ ሲቆቶ! ኢንቴ ሃሎ ጾሲ ኬሶ ኣቲን ኢንቴርካ ሃሎ ኬሶፍቴ። «ሃሎ ኬሳናይ ታና ጌስ ጎዳይ» ጌቴቲ ጌሻ ማጻፋን ጻፌቲዴስ።

ኦሮሜ ኣሳስ 8:35

ኑና ኪርስቶሳ ሲቆፔ ሻካናይ ኦኔ? ሜቶዬ? ዋዬ? ዎይኮ ጎዴቴ? ዎይኮ ጋፋ? ዎይኮ ካሎቴ? ዎይኮ ቆፖንታ ጋኪዛ ሜቶዬ? ማሻ?

2ቆሮንቶሴ ኣሳስ 5:11

ሄሳ ጊሻስ ጎዳስ ያሻ ጉሲ ኣይ ጉሳኮኔ ኑ ኤሪዛ ጊሻስ ኣሳይ ኑ ዮቲዛይሳ ኤሮ ጊ ኤካና ማላ ኦናስ ዳቡሮስ፤ ኑኒ ኦናንታኮ ጾሳ ኣቻን ቆንጬ፤ ቃሴካ ኢንቴ ዎዚናንካ ቆንጬ ጊዲዳይሳ ታ ኣማናይስ።

2ጺምቶሳስ 4:14

ጻርቂማላ ቆጺዛ ኢስኪንዲሮሲ ታ ቦላ ዳሮ ቆሆ ጋዴስ ሺን ጎዳይ ኢዛስ ኢዛ ኦሶ ማላ ኢማና።

ዮሃኒሳ ኣጁታ 18:20

ሳሎዞ! ኢዚ ጋሶን ኔ ኡፋዬታ፤ ጾሲ ኢንቴ ጊሻስ ኢዚ ቦላ ፒርዲዳ ጊሻስ ኢንቴ ጌሻቲ፥ ሃዋሬቲኔ ናቤቲካ ኡፋዬቲቴ።

ዮሃኒሳ ኣጁታ 6:10

ኢስቲ ቃ ቃላን፥ «ጌሻኔ ቱማንቻ ጎዳዉ! ኔኒ ቢታ ቦላ ዲዛ ኣሳ ቦላ ፒርዶንታይኔ ኑ ሱ ጊሻስ ኔ ሃሎ ኬሶንታይ ኣዪዴ ጋካናሴ?» ጊ ዋሲዳ።

ዳናታ ማጻፋ 16:28

ሄ ዎዴ ሳምሶኔይ ጎዳ ዎሲዲ፥ «ኣቤት ኡባ ሃሪዛ ጎዳዉ! ሃኢ ታና ቆፓርኪ! ኣቤት ጾሳዉ፥ ፊሊስጼሜቲ ታ ኣይፌ ናምኣታ ዎጪ ኬሲዳይሳ ሃሎ ታኒ ኬሳና ማላ ሃኢ ታና ኢሲቶ ሚንርኪ!» ጊዴስ።