ኤርማሳ ቲንቢቴ 14:22 - ጋሞ ማጻፋ

²² ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

Geeshsha Maxaafa

²² Kawoteththata eeqa xoossati ira bukisana dandayzoo? Saloti ba shenen puuse duge yeddanaas dandayzoo? Dandayettenna; Abeet nu GODAWU! Hessa ubbaa ooththana dandayzay nena; hessa gishshas nuni nenan hidota ooththoos.

ኤርማሳ ቲንቢቴ 14:22 Iomraidhean Croise

1ካዎታ ማጻፋ 17:1

ጋላኣዴን ቴሲቤ ጌቴቲዛሶፔ ዪዳ ናቤ ኤላሲ ካዎ ኣካቤስ፥ «ታኒ ኢዛስ ኦዛ ጎዳ ኢስራኤሌ ጾሳይ ቤዪን ሃይሳፌ ያና ላይታን ታኒ ዮቶንታ ዲሺን ሳኣን ኢራይ ቡኬና ዎይኮ ጻዛይካ ጻዛቴና» ጊዴስ።

1ካዎታ ማጻፋ 17:14

ጋሶይካ ጎዳ ኢስራኤሌ ጾሳይ፥ ‹ሳኣ ቦላን ጎዳይ ኢራ ቡኪሳና ጋካናስ ሌዚ ኦቶፔ ዉሬና፤ ዛይቴዚካ ጻሮፔ ሙሌካ ዉሬና› ጌስ» ጊዴስ።

1ካዎታ ማጻፋ 18:1

ኢራይ ዮሶፌ ሄን ላይን፥ ዳሮ ዎዴፔ ጉዬን ጎዳይ ኤላሳ፥ «ባዳ ካዎ ኣካቤስ ቆንጫ። ታኒ ሃ ቢታ ቦላ ኢራ ቡኪሳና» ጊዴስ።

1ካዎታ ማጻፋ 8:36

ሂስታዳ ኔ ኣሽካራ ኢስራኤሌ ዴራ ናጋራ ኣቶ ጋ፤ ኢስቲ ሄሜታናስ ቤሲዛ ሎኦ ኦጌ ኢስታ ታማርሳ፤ ሄሳፌ ጉዬ ኔኒ ኔ ዴራ ላቲሲዳ ቢታን ኢራ ቡኪሳ።

ኢዮቤ ማጻፋ 28:26

ኢራሲኔ ዎልቃንራ ዲዛ ዳዳስ ዎጋ ዎዳ ዎዴ፥

ኢዮቤ ማጻፋ 5:10

ቢታ ቦላ ኢራ ቡኪሴስ፤ ጎሻታካ ሃን ሹጊሴስ።

ዬ ማጻፋ 130:5

ታኒ ጎዳ ላሞታን ናጋይስ፤ ታ ሼምፖያ ዳንዳያን ናጋዉስ፤ ኢዛ ቃላካ ሂዶታ ኦዉስ።

ዬ ማጻፋ 135:7

ካሬ ሻራ ሳኣ ጋጻፔ ኢዚ ዴንስ፤ ኢዚ ኢራራ ዎልቃን ኪቴስ፤ ባ ሚንጂ ዎዳሶፔ ጫርኮ ኬሲ ዬዴስ።

ዬ ማጻፋ 147:8

ኢዚ ሳሎ ሻራ ማይዜስ፤ ሳኣስ ኢራ ቡኪሴስ፤ ዙማታ ቦላካ ማታ ሞኪሴስ።

ዬ ማጻፋ 25:21

ኔ ታስ ሂዶታ ጊዲዳ ጊሻስ ሱሬቴይኔ ቱማቴይ ታና ናጎ።

ዬ ማጻፋ 25:3

ኔና ሂዶታ ኦዛይቲ ዬላቴቴና፤ ጊዶ ኣቲን ጌኔ ኦዛይቲ ዬላታና።

ዬ ማጻፋ 27:14

ጎዳን ኣማኔታ፤ ሚና፥ ሂዶታ ቃንጾፋ፥ ጎዳን ኣማኔታ።

ኢሳያሳ ቲንቢቴ 30:18

ጊዶ ኣቲን ጎዳይ ኢንቴስ ኪያ ኦናስ ናጌስ፤ ኢንቴና ባ ቃቴ ቤሳናስ ዴንዴስ፤ ጎዳይ ቱሙ ፒርዲዛ ጾሳ ጊዲዳ ጊሻስ ኣማኔቲዲ ኢዛ ናጊዛይቲ ኣንጄቲዳይታ።

ኢሳያሳ ቲንቢቴ 30:23

ኔ ዜሪዳ ካስ ኢዚ ኢራ ኢማና፤ ቢታፌ ሞኪዳ ካይ ሙሩታኔ ዳሮ ጊዳና። ሄ ዎዴ ኢንቴ ሜሄይ ኣሆ ዴምባን ሄሜታና።

ኢሳያሳ ቲንቢቴ 41:29

ቤኢቴ ኢስቲ ኡባይካ ሃዳ፤ ኢስታ ኦሶስካ ጎኣይ ዴና፤ ኢስታ ሚስሌቲካ ኣይኮይ ባይንዳ ጫርኮ ማላ» ጌስ።

ኤርማሳ ቲንቢቴ 10:12

ባ ዎልቃን ሳኣ ሜዳይ፥ ባ ኣ ኤራቴን ኣላሜ ኤሲዳይ፥ ባ ኣኬካን ሳሎ ሚጪዳይ ጎዳ።

ኤርማሳ ቲንቢቴ 10:13

ኢዚ ጉሚዛ ዎዴ፥ ሳሎን ዲዛ ኡባይ ቃጼስ። ኢዚ ሻራ ሳኣ ጋጻፔ ፑዴ ዴንስ። ኢዚ ኢራራ ዳዳ ዬዴስ፤ ጫርኮካ ባ ሚንጃሶፔ ኬሴስ።

ኤርማሳ ቲንቢቴ 10:15

ኢስቲ ጮ ቂስ ሜቲዳ ሚሻ። ፒርዳይ ኢስታ ቦላ ጋኪዛ ዎዴ ኢስቲ ያና።

ኤርማሳ ቲንቢቴ 10:3

ጋሶይካ ዴሬታ ዎጋይ ሃዳ። ኢስቲ ሚ ዎራፔ ቃንጼቴስ፤ ሂላይ ማሲ ጊጊሴስ።

ኤርማሳ ቲንቢቴ 16:19

ታስ ሚኖቴኔ ሚጻ ጊዳዳ ሜቶ ጋላስ ታ ሺቃ ኣቲዛሶ ጊዲዳ ጎዳዉ! ካዎቴቲ ሳኣ ጋጻፔ ኔኮ ዪዲ፥ «ካሴ ኑ ኣዋቲ ባና ኣይኮካ ማዶንታ ኤቃ ጾሳታስ ጎይኒዳ።

ኤርማሳ ቲንቢቴ 5:12

ኢስቲ ጎዳ ቦላ ዎርዶ ሃሳይዳ፤ «ኢዚ ኑና ኣይኮካ ኦና፤ ኢታ ሚሺካ ኑ ቦላ ጋኬና፤ ኦላኔ ኮሻ ኑኒ ሙሌካ ቤኦኮ።

ኤርማሳ ቲንቢቴ 5:24

ኢስቲ ባንታ ዎዚናን፥ ‹ኑስ ሲላ ኢራኔ ጋባ ኢራ ዎዴን ዎዴን ቡኪሲዛ፥ ካ ሺሾ ዎዴ ኑስ ዎዴራ ኤሂዛ ጎዳ ኑ ጾሳስ ኣኔ ያዮስ› ጊቤቴና።

ኤርማሳ ቲንቢቴ 51:16

ኢዚ ባ ጬንጉርሳ ሲሲዛ ዎዴ ሳሎን ዲዛ ሃቲ ጉሜቴስ፤ ሻራታ ኢዚ ሳኣ ጋጻፔ ኤሄስ፤ ኢራራ ዎልቃን ኪቴስ፤ ባ ሚንጃሶሆፔካ ጫርኮ ኪቴስ።

ሆሴኤ ቲንቢቴ 2:7

ኢዛ ባ ላጌታ ዴማናስ ዎጻና ሺን ኢስታኮ ጋካናስ ዳንዳዩኩ። ኢዛ ኢስታ ዳሮ ኮያና ሺን ዴሙኩ፤ ሃይሳፌ ጉዬ፥ ‹ሃይሳ ሃ ዱሳፌ ታስ ካሴ ዱሳይ ሎኦ፤ ሄሳ ጊሻስ ቤኒ ታ ኣዚናኮ ታ ሲማ ባና› ጋና።

ኢዩኤሌ ቲንቢቴ 2:23

ኢንቴኖ ጺዮኔ ዴሬቶ፥ ጎዳን ኢንቴ ጾሳን ኡፋይሲ ኦቴ፤ ኢዚ ቱሙ ፒርዲዲ ባሳ ኢራኔ ኦፊን ኢራ ዎጋራ ኢሚዴስ።

ኣሞጼ ቲንቢቴ 4:7

ኢንቴ ካይ ጋካናፔ ቡሮ ሄ ኣጊናይ ዲሺን ሲንታ ታ ኢንቴስ ኢራይ ቡኮንታ ማላ ዲጋዲስ፤ ኢሲ ካታማን ቡኪሺን ሃራ ካታማን ቡኮንታ ማላ ዲጋዲስ፤ ኢሲ ጋዴን ቡኪሺን ሃንኮ ኢሳ ጋዴን ኢራይ ዪን ሜሊዴስ።

ሚኪያሳ ቲንቢቴ 5:6

ኣሶሬ ዴሬይ ማሻን ናሙሩዴ ዴሬይ ኮሆፔ ሾዴቲዳ ጊ ማሻን ሃሬታና፤ ኣሶሬ ኣሳይ ኑ ቢታ ዎራጂሺኒኔ ኑ ስ ቦቺሺን ኢዚ ኑና ኣሻና።

ሚኪያሳ ቲንቢቴ 7:7

ታኒ ጊዲኮ ጾሳ ሂዶታ ኦይስ፤ ታና ኣሺዳ ታ ጾሳ ናጋይስ፤ ታ ጎዳይካ ታስ ሲያና።

Maatosa 5:45

ኢንቴ ሄሳ ኦኮ ኢንቴ ሳሎ ኣዋስ ናይታ ጊዳና። ኢዚ ኣርሼ ኢታታሲኔ ሎኦታስ ኢሲ ቦላ ጋ ኢሜስ። ኢራካ ጺሎታሲኔ ናጋራንቻታስ ኢሲ ቦላ ቡኪሴስ።

ዛሬ ማጻፋ 28:12

ኔ ኩሼ ኦሶ ኡባ ኣንጃናሲኔ ጎዳይ ኔ ቢታስ ኢራ ዎዴራ ቡኪሳናስ ባ ሚንጃ ኬ፥ ሳሎ ፔንጌ ኔስ ዶያና፤ ቃሴ ኔኒ ዳሮ ካዎቴታስ ታልኣናፔ ኣቲን ኦፔካ ሃ ታልኤ ኤካካ።

ዛሬ ማጻፋ 32:21

ቱሙ ጊዶንታ ጾሳታን ታና ሚሺሲዳ፤ ጎኣይ ባይንዳ ባ ኤቃ ጾሳታን ታና ሃንቄዳ። ታኒካ ኢስታ ካቲዳ ካዎቴታ ኢስቲ ሚጌታና ማላ ኦና። ታ ኢስታ ኣኬኮንታ ዴሬታን ሃንቄና።