ኤርማሳ ቲንቢቴ 14:12 - ጋሞ ማጻፋ

¹² ኢስቲ ጾሚ ዎሲኮካ ታኒ ኢስታ ዋሶ ሲዪኬ፤ ጹጌቲዛ ያርሾኔ ካ ያርሾዛ ኢስቲ ያርሺኮካ ታኒ ኢስታ ያርሾዛ ኤኪኬ። ታኒ ኢስታ ማሻን፥ ኮሻኒኔ ኢታ ሃርጌን ይሳና» ጊዴስ።

Geeshsha Maxaafa

¹² Istti xoomi woossikokka tani istta waaso siyikke; xuugettiza yarshonne kaththa yarshoza istti yarshikokka tani istta yarshoza ekkike. Tani istta mashshan, koshaninne iita hargen dhayssana» gides.

ኤርማሳ ቲንቢቴ 14:12 Iomraidhean Croise

ኢዮቤ ማጻፋ 27:9

ሜቶይ ኢስታ ቦላ ዪዛ ዎዴ ጾሲ ኢስታ ዋሶዛ ሲያንዴ?

ሌሚሶ ማጻፋ 1:28

«ሄ ዎዴ ኢስቲ ታና ጼይጋና፤ ታ ጊዲኮ ኢስታስ ኮይኬ፤ ኢስቲ ታና ሚን ኮያና፤ ጊዶ ኣቲን ታና ዴሜቴና።

ሌሚሶ ማጻፋ 15:8

ጎዳይ ኢታታ ያርሾ ሻቴቴስ፤ ሱሬታ ዎሳይ ጊዲኮ ኢዛ ኡፋይሴስ።

ሌሚሶ ማጻፋ 21:27

ኢታ ኣሳ ያርሾይ ሃራሴስ፤ ኢታ ቆፋን ሺሺዛ ጊዲኮ ኣይ ማላ ኢታ ጊዳኔ?

ሌሚሶ ማጻፋ 28:9

ዎጋ ሲያናፔ ባ ሃይ ዎራ ዛሪዛ ኣሳ ዎሳይ ጾሳ ሃራሴስ።

ኢሳያሳ ቲንቢቴ 58:3

ኢስቲ ሺቂዲ፥ «ኔ ኤኮንታሺን ኑ ኣዛስ ጾሚዶኒ? ኔ ዉዱ ጎንታሺን ኣይስ ኑና ካዉሺዶኒ?» ጋና። ጎዳይ ዛሪዲ ኢስታስ፥ «ጊዲኮካ ኢንቴ ጾሚዛ ጋላስ ኢንቴ ዎዚና ቆፋ ማላ ኦታ፤ ኢንቴስ ኦዛይታፔ ቦንቄታ።

ኤርማሳ ቲንቢቴ 11:11

ሄሳ ጊሻስ ጎዳይ ኢስታስ፥ ‹ኢስቲ ባቃቲዲ ኣታናስ ዳንዳዮንታ ሜቶ ታ ኢስታ ቦላ ኤሃና። ኢስቲ ታኮ ዋሲኮካ ታ ሲዪኬ።

ኤርማሳ ቲንቢቴ 11:14

«ኤርማሳ፥ ኢስቲ ሜቶቲዲ ታና ዎሲኮ ታ ሲዮንታ ጊሻስ ኔ ኢስታ ጊሻስ ታና ዎሶፋ፤ ኢስታ ጊሻስ ጋናቶፓ ዎይኮ ኦይቾፋ።

ኤርማሳ ቲንቢቴ 15:1

ሄሳፌ ጉዬ ጎዳይ ታስ፥ «ሙሴይኔ ሳሜሊ ታ ሲንን ኤቂዳኮካ ታ ዎዚናይ ሃ ዴራስ ሚሼቴና፤ ኢስታ ታ ሲንፌ ዲጋ፤ ኢስቲ ቤቶ።

ኤርማሳ ቲንቢቴ 16:4

«ኢስቲ ኢታ ሃርጌን ሃይቃና፤ ኢስታስ ዬሆይ ዴና፤ ሞጎካ ሞጌቴቴና፤ ኢስታ ኣሃይ ቢታ ቦላን ቡራ ማላ ዬጌቲ ኣታና፤ ኢስቲ ማሻኒኔ ኮሻን ዉራና፤ ኢስታ ኣሃይ ሳሎ ካፎታሲኔ ዎራ ዶኣታስ ቁማ ጊዳና» ጊዴስ።

ኤርማሳ ቲንቢቴ 21:6

ታኒ ሃ ካታማይን ዲዛ ኣሳኔ ሜሃ ሾጫና፤ ኢስቲካ ኢታ ሃርጌን ዉራና።

ኤርማሳ ቲንቢቴ 24:10

ታኒ ኢስታሲኔ ኢስታ ኣዋታስ ኢሚዳ ቢታፌ ኢስቲ ሙሌራ ያና ጋካናስ፥ ማሻ፥ ኮሻኔ ኢታ ሃርጌ ኢስታ ቦላ ዬዳና› ጌስ» ጊዴስ።

ኤርማሳ ቲንቢቴ 32:24

«ሄኮ ባቢሎኔቲ ካታማዮ ኦይካናስ ጊምቤ ዩሾን ቢታ ዶሪዲ ጊዶዳ፤ ኦላፔ፥ ኮሻፔኔ ኢታ ሃርጌፌ ዴንዲዳይሳን ካታማያ ኢስታራ ኦሌቲዛ ባቢሎኔታ ኩሼን ኣ ኢሜታና ሃናዉስ፤ ኔኒ ሃኢ ቤኢዛይሳ ማላ ኔ ዮቲዳ ኡባይ ፖሌቲሼ ዴስ።

ኤርማሳ ቲንቢቴ 6:20

ኤጻኔይ ሳባ ቢታፌ ሳዊዛ ቂማሜይ ሃኮ ቢታፌ ዪኮ ታና ኣይ ጋኔ? ጹጌቲዛ ኢንቴ ያርሾዛካ ታ ኤኪኬ፤ ኢንቴ ሺሺዛ ሃራ ያርሾይካ ታና ኡፋይሴና» ጌስ።

ኤርማሳ ቲንቢቴ 8:13

ጎዳይ፥ «ኢስቲ ጎዪ ኬሲዳ ካ ኡባ ታ ኢስታፌ ኤካይቻና፤ ኢስታ ዎይኔ ቱራን ኣይፌይ ያና፤ ባላሴ ሚካ ኣይፌ ኢሜና፤ ኢስታ ቦንጮቲካ ቆካና፤ ታኒ ኢስታስ ኢሚዳይሲ ኢስታፌ ኤኬቲቻና» ጌስ።

ኤርማሳ ቲንቢቴ 9:16

ኢስታ ዎይኮ ኢስታ ኣዋቲ ኤሮንታ ካዎቴታ ጊዶን ታኒ ኢስታ ላላና። ታኒ ኢስታ ይሳና ጋካናስ ማሻን ዬዴና» ጌስ።

ሂዚቄላ ቲንቢቴ 14:19

«ዎይኮ ታኒ ቢታይ ቦላ ኢታ ሃርጌ ዬዳዳ፥ ታ ሃንቆን ኣሳይ ሱ ጉሳና ማላ ኦዳ ኣሳኔ ሜሃ ዎ ዉርሲኮ፥

ሂዚቄላ ቲንቢቴ 14:21

«ኡባ ሃሪዛ ጎዳይ፡ ታኒ ኣሳኔ ሜሄ ዎናስ ዬሩሳላሜ ቦላ ታ ኦይዱ ፒርዳታ፥ ማሻ፥ ኮሻ፥ ዎራ ዶኣታኔ ኢታ ሃርጌ ዬዲዛ ዎዴ ኢዚ ኣይ ኬና ኣ ኢታ ሚሽ ጊዳንዴ!

ሂዚቄላ ቲንቢቴ 8:18

ሄሳ ጊሻስ ታኒ ኢስታ ቦላ ሃንቆን ያና፤ ታኒ ኢስታስ ቃቲኬኔ ኢስታ ቦላ ያና ሃኖታፔ ታ ኢስታ ኣሺኬ፤ ኢስቲ ታኮ ዋሲኮካ ታ ሲዪኬ» ጊዴስ።

ሆሴኤ ቲንቢቴ 5:6

ኢስቲ ጎዳ ኮያናስ ባንታ ዉዴ ሜሄታኔ ሚዛታካ ላጊ ኤፋና፤ ጊዶ ኣቲን ኢዚ ኢስታፌ ሻኬቲዳ ጊሻስ ኢስቲ ኢዛ ዴሜቴና።

ኣሞጼ ቲንቢቴ 5:21

«ታኒ ኢንቴ ላይን ላይን ቦንቺዛ ባኣሌዛ ካይሲኔ ኢጻይስ፤ ኢንቴ ጎይኖስ ሺቂዛ ሺቆይካ ታና ኡፋይሴና።

ሚኪያሳ ቲንቢቴ 3:4

ኢስቲካ ፑዴ ጾሳኮ ዋሳና ሺን ጾሲ ኢስታ ዋሶ ሲዬና፤ ኢታቴ ጊሻስ ሄ ዎዴ ጾሳይ ባ ኣይፌሶ ኢስታፌ ሃራሶ ዛራና።

ዛካራሳ ቲንቢቴ 7:13

‹ታ ኢስታ ጼይጊሺን ኢስታ ሲዪቤቴና፤ ሄሳ ጊሻስ ኢስቲ ታና ጼይጊሺን ታኒካ ሲዪኬ› ጌስ ኡባፌ ዎልቃማ ጎዳይ።

ሚልካሳ ቲንቢቴ 1:10

«ታስ ያርሾ ያርሺዛሶን ጎኣይ ባይንዳ ታማ ኢንቴ ኤንታ ማላ ኢንቴፌ ኢሳዴይካ ጾሳ ኬ ፔንጌ ጎርዲዛኮ ኣዜ ዲዛይ! ታ ኢንቴናን ኡፋዬቲኬኔ ኢንቴ ኩሼፔ ኣይ ያርሾካ ኤኪኬ» ጌስ ኡባፌ ዎልቃማ ጎዳ ጾሳይ።

ሚልካሳ ቲንቢቴ 2:13

ቃሴ ኢንቴ ኦና ሃራ ሚሽ ጎዳስ ያርሾ ሺሺዛሶዛ ኢንቴ ኣይፉንን ሜሻና፤ ሄሳፌ ጉዬ ኢንቴ ያርሾኮ ጼሎንታ ጊሻሲኔ ኡፋይሳን ኤኮንታ ጊሻስ ኢንቴ ዬካናኔ ዋሳና።

ዮሃኒሳ ኣጁታ 6:8

ቃሴካ ጮሎሎ ፓራ ቤያዲስ፤ ፓራ ቶጊዳይሳ ሱን ሃይቆ ጌቴቴስ፤ ኢዛ ቃሴ ዱፎይ ካሌስ፤ ሃይቆይኔ ዱፎይ ቢታፌ ሳይሶ ኦላን፥ ጋፋን፥ ቦሻኒኔ ባዞ ዶኣን ዎና ማላ ጎዳቴ ኢስታስ ኢሜቲዴስ።