ኤርማሳ ቲንቢቴ 11:20 - ጋሞ ማጻፋ

²⁰ ዎዚናኔ ኪላሆ ፓጫ ጼሊዛ ኡባፌ ዎልቃማ ጎዳዉ! ታ ዮኦታ ኔስ ኢማዲስ፤ ኔኒ ኢስታ ቦላ ሃሎ ኬሲሺን ታ ቤያና።

Geeshsha Maxaafa

²⁰ Wozinanne kilaho paacca xeelliza Ubbaafe Wolqqama GODAWU! Ta yo7ota nees immadis; neni istta bolla halo kessishin ta beyana.

ኤርማሳ ቲንቢቴ 11:20 Iomraidhean Croise

ሜቴ ማጻፋ 18:25

ጺሎታ ዎርዶታራ ጋ ዎዛይሲኔ ጺሎታኔ ዎርዶታ ኢሲ ኣይፌን ጼሊዛይሲ ሄሲ ኔፔ ሃኮ፤ ሃ ቢታ ኡባ ቦላ ፒርዲዛ ኔኒ ጺሎ ፒርዲኪ?» ጊዴስ።

2ካዎታ ማጻፋ 19:14

ሂዝቂያሲ ዳብዳቤዛ ቃስታኔታ ኩሼፔ ኤኪ ናባቢዴስ፤ ሄሳፌ ጉዬ ፑዴ ጎዳ ኬ ኬዚዲ ዳብዳቤዛ ጎዳ ሲንን ሚጪዴስ።

1ታሪኬ ማጻፋ 28:9

«ታ ና ሶሎሞኔ፥ ኔ ኣዋ ጾሳ ኤራ! ኔኒ ኩሜ ዎዚናኒኔ ሎኦ ቆፋን ኢዛስ ኦ፤ ጎዳይ ዎዚና ኡባ ፒልጊ ጼሌስ፤ ጊዶ ቆፋ ኡባ ኢዚ ኤሬስ፤ ኔኒ ኢዛ ኮይኮ ኢዚ ኔስ ቤታና፤ ጊዶ ኣቲን ኔ ኢዛ ኣጊዛ ጊዲኮ ኢዚካ ኔና ሜርናስ ኣጋጋና።

1ታሪኬ ማጻፋ 29:17

«ታ ጾሳዉ! ኔኒ ዎዚና ፒልጋ ጼሊዛይሳኔ ሱሬቴ ዶሲዛይሳ ታኒ ኤራይስ፤ ታኒ ታ ሱሬ ዎዚናኒኔ ሎኦ ሼኔን ሃይሳ ኡባ ኢማዲስ፤ ሃይሳን ዲዛ ኔ ኣሳይካ ኔስ ባ ሎኦ ሼኔን ኢሚዲ ኡፋዬቲዳይሳ ታኒ ቤኣዲስ።

ኢዮቤ ማጻፋ 5:8

«ታኒ ኔና ጊዲዳኮ ጾሳ ዎሳና፤ ታ ሜቶ ኡባ ኢዛስ ቆንጪሳና።

ዬ ማጻፋ 139:23

ኣቤት ጾሳዉ! ታ ዎዚና ፒልጋዳ ኤራ፤ ታና ፓጫዳ ታ ጬጬ ቆፋካ ሻካ ኤራ።

ዬ ማጻፋ 35:2

ጎንዳሌኔ ጹሩሬ ኦይካዳ፥ ታና ማዳናስ ዴንዳ።

ዬ ማጻፋ 43:1

ኣቤት ጾሳዉ! ኔ ታስ ፒርዳ፤ ጾሳ ኤሮንታ ካዎቴታራ ኔ ታ ጊሻስ ሞቴታ፤ ጪሚዛ ኣሳታፔኔ ኢታ ኣሳታፔ ታና ኣሻ።

ዬ ማጻፋ 57:1

ኣቤት ጾሳዉ! ኔ ታስ ቃታ፤ ታና ማራ፤ ታ ሼምፖያ ኔናን ዜምፓዱስ፤ ባሻይ ኣና ጋካናስ ታኒ ኔ ቄፌታ ጋርሳን ቆቴታና።

ዬ ማጻፋ 58:10

ናጋራንቻታ ቦላ ሃሎ ኬሲዛይሳ ቤኢዲ ጺሎቲ ኡፋዬታና። ኢታታ ሱን ባ ቶሆ ሜጬታና።

ዬ ማጻፋ 7:10

ጾሲ ታስ ጎንዳሌ፤ ዎዚና ጺሎታ ኢዚ ኣሺዛ ጾሳ።

ዬ ማጻፋ 7:8

ጎዳይ ካዎቴታ ቦላ ፒርዴስ። ኣቤት ጎዳዉ! ታስ ታ ጺሎቴ ማላኔ ታ ሱሬቴ ማላ ፒርዳ።

ዬ ማጻፋ 7:9

ቆፋኔ ዎዚና ፒልጋ ኤሪዛ ጺሎ ጾሳዉ! ኢታታ ጌኔዛ ኔኒ ይሳ፤ ጊዶ ኣቲን ጺሎታ ሳሮን ናጋ።

ዬ ማጻፋ 98:9

ጎዳይ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን ኣሳ ቦላካ ሱሬቴን ፒርዳና።

ኤርማሳ ቲንቢቴ 12:1

ኣቤት ጎዳዉ! ታኒ ኔናራ ፓላሜቲዛ ዎዴ ኡባንካ ኔ ጺሎ። ኢታ ኣሳቲ ኦዛይሲ ኢስታስ ኣይስ ኢንጄቲዜ? ኣማኔቶንታይቲ ኣይስ ኢሻሎ ዱስ ዲዞ?

ኤርማሳ ቲንቢቴ 12:3

ጊዶ ኣቲን ኣቤት ጎዳዉ! ኔኒ ታና ኤራሳ። ታና ቤኣሳ፤ ታኒ ኔስ ኣይ ቆፒዛኮ ፓጫሳ። ሹኬታና ቢዛ ዶርሳታ ማላ ኔኒ ኢስታ ላጋ! ሹካ ጋላሳስ ኢስታ ዱማ ሻካ ዎ!

ኤርማሳ ቲንቢቴ 15:15

ኣቤት ጎዳዉ! ኔ ኤራሳ። ታና ቆፓ፤ ሞካካ ጼላ፤ ታና ዬዴዛይታ ቦላ ሃሎ ኬሳ፤ ኔ ዳንዳያንቻ ጊዲዳ ጊሻስ ታና ይሶፋ፤ ኔ ጋሶን ታና ጋኪዛ ካዛ ኔ ቆፓ።

ኤርማሳ ቲንቢቴ 17:10

ታኒ ጎዳይ ኣስ ኡባስ ኢዛ ኦጌ ማላኔ ኢዛ ኦሶ ማላ ኢማናስ ኣሳ ዎዚና ፒልጋይሲኔ ኢዛ ካሃ ፓጫይስ» ጌስ።

ኤርማሳ ቲንቢቴ 17:18

ታና ዬዴዛይቲ ዬላቴቶ፤ ታና ዬላሶፓ፤ ኢስቲ ዳጋሜቶ፤ ጊዶ ኣቲን ታና ዳጋማፔ ቆታ፤ ኢስታ ቦላ ኢታ ጋላስ ኤሃ፤ ኢስታ ቦላ ዳኮ ባሽ ኤሃ።

ኤርማሳ ቲንቢቴ 20:12

ኣቤት ኡባፌ ዎልቃማ ጎዳዉ! ጺሎዛ ፓጪዛይሶ! ዎዚናኔ ካሃ ፒልጋ ጼሊዛይሶ! ታኒ ታ ሞቶ ኔስ ኣ ኢሚዳ ጊሻስ ኔኒ ኢስታ ቦላ ሃሎ ኬሲሺን ታ ኣይፌን ቤኣናስ ታና ጋ።

ኤርማሳ ዚላስ 3:58

ጎዶ! ኔ ታስ ሞቴታዳ ታና ኣሻዳሳ።

ኤርማሳ ዚላስ 3:59

ጎዳዉ! ኔ ታ ቦላ ጋኪዳ ቆሆዛ ቤያዳሳ፤ ኔ ታስ ፒርዳ።

ኤርማሳ ዚላስ 3:64

ታ ጎዳዉ! ኔ ኢስታስ ኢስታ ኦሶ ማላ ኢማ።

ሂዚቄላ ቲንቢቴ 11:5

ሄሳፌ ጉዬ ጎዳ ኣያናይ ታ ቦላ ዎዲ ታስ፥ «ጎዳይ፡ ኢስራኤሌ ኣሳዉ! ኢንቴ ሄሳ ማላ ጌታ፤ ታኒ ኢንቴ ኣይ ቆፒዛኮ ኤራይስ።

ሃዋሬታ ኦሶ 17:31

ኢዚ ባ ዶሲዳዴ ባጋራ ቢታ ቦላ ጺሎቴን ፒርዳና ጋላስ ባሬ ዎዴስ። ኢዛካ ሃይቆፔ ዴንዲ ኣስ ኡባስ ሃይሳ ቱማቴ ኤሪሲዴስ።

ፒሊጲሲዮሴ ኣሳስ 4:6

ሃኒዛ ዮኦን ኡባን ጋላታን፥ ዎሳኒኔ ጋናቴን ጾሳ ሲን ሺቂቴ ኣቲን ኣይ ሚሻንካ ሂርጎፍቴ።

2ጺምቶሳስ 4:14

ጻርቂማላ ቆጺዛ ኢስኪንዲሮሲ ታ ቦላ ዳሮ ቆሆ ጋዴስ ሺን ጎዳይ ኢዛስ ኢዛ ኦሶ ማላ ኢማና።

1ጴጽሮሳ ኪታ 2:23

ኣሳይ ኢዛ ጫዪሺን ኢዚ ዛሪ ጫዪቤና። ዋዬቲሼ ባና ቱሙ ፒርዲዛ ጎዳስ ሃዳራ ኣ ኢሚዴስ ኣቲን ሃሎ ኬሳና ማንዲቤና።

ዮሃኒሳ ኣጁታ 18:20

ሳሎዞ! ኢዚ ጋሶን ኔ ኡፋዬታ፤ ጾሲ ኢንቴ ጊሻስ ኢዚ ቦላ ፒርዲዳ ጊሻስ ኢንቴ ጌሻቲ፥ ሃዋሬቲኔ ናቤቲካ ኡፋዬቲቴ።

ዮሃኒሳ ኣጁታ 2:23

ታኒ ኢዚ ናይታ ሃይቆን ቃጻያና፤ ኣሳ ቆፋኔ ኣሳ ኣሞ ሻካ ኤሪዛይ ታና ጊዲዳይሳ ዎሳ ኬቲ ዉሪ ኤራና፤ ታኒ ኢንቴስ ኢሳስ ኢሳስ ኢዛዴ ኦሶ ማላ ኢማና።

1ሳሜላ ማጻፋ 16:7

ጊዶ ኣቲን ጎዳይ ሳሜላ፥ «ታኒ ሃይሳ ካዳ ጊሻስ ኔ ኢዛስ ማላ ዎይኮ ጌሳ ጼሎፋ፤ ጎዳይ ኣሲ ጼሊዛ ማላ ጼሌና፤ ኣሲ ካሬ ባጋ ሃኖታ ቤኤስ፤ ጎዳይ ጊዲኮ ዎዚና ጼሌስ» ጊዴስ።

1ሳሜላ ማጻፋ 24:15

ሃኢካ ኑ ጊዶን ጎዳይ ዳና ጊዲ ፒርዶ። ታ ዮኦዛ ጼሊዲ ታ ጊሻስ ኢዚ ሞቴቶ። ታናካ ኔ ኩሼፔ ኬሲ ኤኪዲ ታ ቱማቴ ኢዚ ቆንጪሶ» ጊዴስ።