ኤርማሳ ቲንቢቴ 10:13 - ጋሞ ማጻፋ

¹³ ኢዚ ጉሚዛ ዎዴ፥ ሳሎን ዲዛ ኡባይ ቃጼስ። ኢዚ ሻራ ሳኣ ጋጻፔ ፑዴ ዴንስ። ኢዚ ኢራራ ዳዳ ዬዴስ፤ ጫርኮካ ባ ሚንጃሶፔ ኬሴስ።

Geeshsha Maxaafa

¹³ Izi guummiza wode, salon diza ubbay qaaxxees. Izi shaara sa7a gaxappe pude denththees. Izi irara dada yeddees; carkoka ba minjjasoppe kessees.

ኤርማሳ ቲንቢቴ 10:13 Iomraidhean Croise

ሜቴ ማጻፋ 2:5

ሳኣ ቦላን ማታይ፥ ሚ፥ ኣይ ሚሺካ ሞኪቤና፤ ኣይስ ጊኮ ጎዳይ ኢራ ቡኪሲቤና፤ ቃሴ ቢታ ኦዛ ኣሲካ ሜቲቤና።

1ካዎታ ማጻፋ 18:41

ኤላሲ ኣካቤስ፥ «ዎልቃማ ኢራ ጉንይ ሲዬቲዛ ጊሻስ ኬዛ ባዳ ማ፥ ኡያ» ጊዴስ።

ኢዮቤ ማጻፋ 38:22

ሻቺ ዎዛ ኬን ጌላዲዬ? ዎይኮ ኡቲዳ ሻቻ ዶሬ ቤያዲ?

ዬ ማጻፋ 104:13

ኔኒ ጊታ ዙማታ ቦላን ሳሎፔ ኢራ ቡኪሳሳ፤ ቢታካ ኔ ኩሼ ኦሶ ኣይፌን ኩንዳሳ።

ዬ ማጻፋ 135:17

ሃይ ዴስ ሺን ሲዬቴና፤ ኢስታ ሲን ፔኖይካ ዴና።

ዬ ማጻፋ 135:7

ካሬ ሻራ ሳኣ ጋጻፔ ኢዚ ዴንስ፤ ኢዚ ኢራራ ዎልቃን ኪቴስ፤ ባ ሚንጂ ዎዳሶፔ ጫርኮ ኬሲ ዬዴስ።

ዬ ማጻፋ 147:8

ኢዚ ሳሎ ሻራ ማይዜስ፤ ሳኣስ ኢራ ቡኪሴስ፤ ዙማታ ቦላካ ማታ ሞኪሴስ።

ዬ ማጻፋ 18:13

ጎዳይ ዳዳ ማላ ሳሎፔ ጉሚዴስ፤ ኡባፌ ቃ ጾሳይ ባ ጬንጉርሳ ሲሲዴስ፤ ዎልቃንኒኔ ታማ ላጮን ቆንጪዴስ።

ዬ ማጻፋ 68:33

ቤኒሶፔ ዶሚዲ ዲዛ ሳሎታፔ ቦላራ ቢዛይሳስ ዬጺቴ፤ ኢዚ ባ ዎልቃማ ጬንጉርሳ ጉንን ዮቲሺን ኤዝጊ ሲዪቴ።

ኬሳ ማጻፋ 9:23

ሙሴይ ባ ጉፌ ፑዴ ሳሎ ዴንዳ ማላ፥ ጎዳይ ዳዳኔ ሻች ዬዲዴስ፤ ዎልቃንካ ዱጌ ቢታ ቦላ ዎልቃሚዴስ። ጎዳይ ጊብጼ ቢታን ሻች ቡኪሲዴስ።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ኤርማሳ ቲንቢቴ 19:12

ታኒ ሃ ሶሆዛኒኔ ኢዛን ዲዛ ኣሳ ቦላ ሄሳ ኦና፤ ታኒ ሃ ካታማዮ ቶፌቴ ማላ ኦና።

ኤርማሳ ቲንቢቴ 5:24

ኢስቲ ባንታ ዎዚናን፥ ‹ኑስ ሲላ ኢራኔ ጋባ ኢራ ዎዴን ዎዴን ቡኪሲዛ፥ ካ ሺሾ ዎዴ ኑስ ዎዴራ ኤሂዛ ጎዳ ኑ ጾሳስ ኣኔ ያዮስ› ጊቤቴና።

ኤርማሳ ቲንቢቴ 51:16

ኢዚ ባ ጬንጉርሳ ሲሲዛ ዎዴ ሳሎን ዲዛ ሃቲ ጉሜቴስ፤ ሻራታ ኢዚ ሳኣ ጋጻፔ ኤሄስ፤ ኢራራ ዎልቃን ኪቴስ፤ ባ ሚንጃሶሆፔካ ጫርኮ ኪቴስ።

ኣሞጼ ቲንቢቴ 4:13

ዙማታ ኦዳዴይ ጫርኮታ ሜዳዴይ ባ ቆፒዳይሳ ኣሳስ ቆንጪሲዛይ ጋላሳ ፖኦ ጌዴ ማን ላሚዛይ ቢታ ቦላ ቃሶሆን ሄሜቲዛይሳ ሱንይ ጎዳ ሳሎ ጾሳ።

ዛካራሳ ቲንቢቴ 10:1

ጎዳይ ኢንቴስ ኣሱራ ኢራ ኢማና ማላ ዎሲቴ። ኢራ ሻራ ኪቲዛይ ጎዳ፤ ኢዚ ኡባ ኣሳስ ጊዲዛ ኢራ ኢሜስ፤ ኢሳስ ኢሳስ ቶካናስ ዶዛ ኢሜስ።