ኤርማሳ ቲንቢቴ 10:10 - ጋሞ ማጻፋ

¹⁰ ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።

Geeshsha Maxaafa

¹⁰ Gido attiin GODAY tumu Xoossa; izi de7o Xoossanne mernaa Kawo. Izi hanqettiza wode biittay qaaxxees; kawoteththatikka iza yiillo dandayettenna.

ኤርማሳ ቲንቢቴ 10:10 Iomraidhean Croise

ሜቴ ማጻፋ 21:33

ኣብራሃሜይ ቤርሳቤሄን ታማርሲኬ ጌቴቲዛ ሚ ቶኪዲ ሄን ጎዳ ሜርና ጾሳ ጼይጊዲ ጎይኒዴስ።

1ካዎታ ማጻፋ 18:39

ኣሳይ ኡባይ ሄሳ ቤኢዳ ዎዴ ጉፋኒዲ፥ «ጎዳይ ጾሳ! ጎዳይ ኢዚ ጻላ ቱሙ ጾሳ!» ጊዳ።

1ካዎታ ማጻፋ 8:60

ሄሲካ ሳኣን ዴኢዛ ኣሳይ ኡባይ ጾሲ ጻላ ጎዳ ጊዲዳይሳኔ ኢዛፔ ኣቲን ሃራ ጾሲ ባይንዳይሳ ኢስቲ ኤራና ማላሳ።

1ታሪኬ ማጻፋ 29:11

ኣቤት ጎዳዉ! ሳሎኒኔ ሳኣን ዲዛ ኡባይ ኔሳ፤ ጊታቴ፥ ዎልቃይ፥ ቦንቾይ፥ ቴማይኔ ፑላቴ ኔሳ።

2ታሪኬ ማጻፋ 15:3

ኢስራኤሌ ኣሳይ ቱሙ ጾሲ፥ ታማርሲ ቄሴይኔ ዎጋይ ባይንዳ ዳሮ ዎዴ ዴኢዴስ።

ኢዮቤ ማጻፋ 9:6

ጾሲ ቢታ ዲዛሶፔ ኮኮርሳና፤ ቢታ ቱሳታካ ቃሴና።

ዬ ማጻፋ 10:16

ጎዳይ ሜሪፔ ሜርናስ ካዎቲዲ ዴስ፤ ሃራ ካዎቴቲ ኢዛ ቢታፌ ያና።

ዬ ማጻፋ 100:3

ጎዳይ ጾሳ ጊዲዳይሳ ኤሪቴ፤ ኑና ሜዳይ ኢዛ፤ ኑኒ ኢዛይታ፤ ኑኒ ኢዛ ኣሳቲ ኢዚ ሄሚዛ ዶርሳ ዉዴታ።

ዬ ማጻፋ 100:5

ኣይስ ጊኮ ጎዳይ ኪያ፤ ኢዛ ሲቆይ ሜርናሳ፤ ኢዛ ኣማኔቴይ ዬሌታፔ ዬሌታ ጋካናሳ።

ዬ ማጻፋ 104:32

ኢዚ ቢታ ጼሊን ቢታይ ቃጼስ፤ ቃሴ ኢዚ ዙማታ ቦቺን ዙማቲ ጩዋቴቴስ።

ዬ ማጻፋ 114:7

ሃኔ ቢታዬ! ጎዳ ሲንን ያቆቤ ጾሳ ሲንን ኮኮራ።

ዬ ማጻፋ 145:13

ዬሌታፔ ዬሌታ ጋካናስ ኔ ሃራና፤ ኔ ካዎቴይ ሜርናሳ። ጎዳይ ባ ጊዳ ቃላን ኣማኔቲዛይሳ፤ ኢዚ ባ ኦሶ ኡባን ኪያ።

ዬ ማጻፋ 146:6

ጎዳይ ሳሎኔ ሳኣ፥ ጊታ ኣባኔ ኢስታ ጊዶን ዲዛ ኡባ ሜዳይሳ፤ ኢዚ ባ ኣማኔቴ ሜርናስ ናጊዛይሳ።

ዬ ማጻፋ 18:7

ጾሲ ሃንቄቲዳ ጊሻስ ቢታይ ቃጺዴስ፤ ዙማታ ጻጶይ ኮኮሪዴስ።

ዬ ማጻፋ 29:10

ጎዳይ ዲኦ ሃ ቦላ ባ ኣራታ ዎዲ ኡቲዴስ፤ ጎዳይ ባ ካዎቴ ኣልጋን ኡቲዲ ሜርናስ ሃሬስ።

ዬ ማጻፋ 31:5

ኣቤት ጎዳዉ ቱሙ ጾሳዉ! ታኒ ታ ሼምፖ ኔ ኩሼን ሃዳራ ኢማይስ፤ ኔኒ ታና ዎዛ።

ዬ ማጻፋ 42:2

«ታ ሼምፖያ ታኒ ባዳ ጾሳ ሲን ቤያናይ ኣዉዴሻ?» ጋዳ ጾሳ፥ ዴኦ ጾሳ ሳሜታዱስ።

ዬ ማጻፋ 68:11

ጎዳይ ቃላ ዬዲዴስ፤ ሄ ኪታ ዳሮ ማጫሳቲ ዴራስ ኣዋጂዳ።

ዬ ማጻፋ 68:8

ሲና ጾሳ ሲንን፥ ኢስራኤሌ ጾሳ ሲንን ቢታይ ቃጺዴስ፤ ሳሎቲ ኢራ ዱጌ ቲጊዳ።

ዬ ማጻፋ 74:12

ኣቤት ጾሳዉ! ቤኒፔካ ታ ካዎይ ኔና፤ ኔኒ ቢታ ቦላ ኣቶቴ ኤሃዳሳ።

ዬ ማጻፋ 76:7

ኣቤት ጾሳዉ! ኔኒ ያሻሳ! ኔ ሃንቆይ ሱሊዳ ዎዴ ኔ ሲንን ኦኔ ኤቃናይ?

ዬ ማጻፋ 76:8

ኔኒ ሳሎፔ ፒርዳ ሲሳዳሳ፤ ቢታይ ያያዳ ሲርጲ ጋዱስ።

ዬ ማጻፋ 77:18

ኔ ዳዳ ጉንይ ጎቴ ጫርኮ ጊዶን ኮሺሚዴስ፤ ኔ ዎልቃን ጶሌ ሳኣ ፖኢሲዴስ፤ ቢታይካ ቃጺ ኮኮሪዴስ።

ዬ ማጻፋ 84:2

ታኒ ጎዳ ኬ ዛጎ ላሞታይስ፤ ታኒ ኩሜ ዎዚናፔ ዴኦ ጾሳስ ኡፋይሳን ዬጻይስ።

ዬ ማጻፋ 9:8

ኢዚ ሃ ኣላሜዛ ጺሎቴን ፒርዳና፤ ካዎቴታ ቦላካ ቱማቴን ፒርዳና።

ዬ ማጻፋ 90:11

ኔ ሃንቆዛ ዎልቃ ኦኔ ኤሪዛይ? ኔ ሃንቆ ሴላይ ያሼስ።

ዬ ማጻፋ 90:2

ዙማቲ ሜታናፔ ካሴ፥ ዎይኮ ኔኒ ሳኣ ኦናፔ ካሴ ሜርናፔ ሜርና ጋካናሲ ኔኒ ጾሳ።

ዬ ማጻፋ 93:2

ኔ ካዎቴ ኣራታይ ቤኒሶፌ ሚኒ ኤቂዴስ፤ ኔኒ ሜርናስ ዳሳ።

ዬ ማጻፋ 97:4

ኢዛ ዎልቃን ሳኣ ፖኢሴስ፤ ቢታይ ሄሳ ቤኢዲ ቃጼስ።

ኢሳያሳ ቲንቢቴ 37:17

ኣቤት ጎዳዉ፥ ኔ ሃይ ሃ ዬጋዳ ኤዝጋ። ኣቤት ጎዳዉ፥ ኔ ኣይፌ ፖጋዳ ሃ ጼላ። ኔና ዴኦ ጾሳ ጫያናስ ሴናኪሬሜይ ኪቲዳ ቃላ ሲያ።

ኢሳያሳ ቲንቢቴ 37:4

ዴኦ ጾሳ ጫያና ማላ ኢዛ ጎዳ ኣሶሬ ካዎይ ኪቲዳ ኦላ ጋዳዋ ቃላ ጎዳ ኔ ጾሳይ ሲዮንታ ኣጌና። ቃሴ ጎዳ ኔ ጾሳይ ሄ ሲዪዳ ቃላ ጋሶን ኢዛ ቃጻዮንታ ኣጌና። ሄሳ ጊሻስ ኔኒ ሼምፖራ ፓጻ ኣቲዳ ጫሻታ ጊሻስ ዎሳ› ጌስ» ጊዳ።

ኢሳያሳ ቲንቢቴ 40:15

ቤኢቴ ካዎቴቲ ጎምቦ ጊዶን ጾኪዳ ሃ ማላ፤ ኢስቲ ሜዛኔ ቦላ ዲዛ ጉዱላ ማላ ቆዴቴቴስ፤ ሃሩሮታ ሊቆ ቢታ ማላ ጌዳሬስ።

ኢሳያሳ ቲንቢቴ 40:28

ኔ ኤራቤኪ? ኔ ሲያቤኪ? ጎዳይ ሜርና ጾሳ፤ ኢዚ ቢታ ኡባካ ሜዳይሳ። ኢዚ ዳቡሬና፤ ኣዛሌና፤ ኢዛ ኣኬካይካ ኦናንካ ፒልጌቴና።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ኢሳያሳ ቲንቢቴ 65:16

ሄሳ ጊሻስ ቢታይ ቦላ ኣንጆ ኮይዛዴይ ቱማ ጾሳ ሱንን ኣንጄታና፤ ቢታይን ጫቂዛ ኣሲ ቱማ ጾሳ ሱንን ጫቃና፤ ካሴ ኣዳ ሜቶቲ ዶጌቲዳ፤ ታ ኣይፌፔካ ጌሚዳ» ጌስ።

ኤርማሳ ቲንቢቴ 23:36

ሃይሳፌ ጉዬን ጊዲኮ፥ ‹ጎዳ ቶሆ› ጊዲ ኢንቴ ሃሳያናስ ቤሴና። ጋሶይካ ኣስ ኡባስ ኢዚ ሃሳይዳ ቃላይ ኢዛስ ቶሆ ጊዲዛ ጊሻስ ዴኦ ጾሳ፥ ኡባፌ ዎልቃማ ጎዳ ኑ ጾሳ ቃላ ኢንቴ ቦኪሴታ።

ኤርማሳ ቲንቢቴ 4:2

ኢንቴ ቱማን፥ ሱሬቴኒኔ ጺሎቴን፥ ‹ዴኦ ጎዳይ ቤዪን!› ጊዲ ጫቂኮ፥ ሄ ዎዴ ካዎቴቲ ኢዛን ኣንጄታናኔ ቦንቼታና» ጌስ።

ኤርማሳ ቲንቢቴ 4:24

ታኒ ዙማታ ጼላዳ ኢስቲ ኮኮሪሺኒኔ ዙምቡላቲ ኡባይ ዮንኢዮንኢሺን ቤኣዲስ።

ኤርማሳ ቲንቢቴ 50:46

ባቢሎኔ ኩንዴ ጊሪሲ ቢታ ቃና፤ ኢዚ ዋሶይ ካዎቴ ኡባ ጋርሳን ኮሹማና» ጌስ።

ኤርማሳ ቲንቢቴ 51:29

ባቢሎኔ ኦኒካ ዶንታ ባዞ ቢታ ሂስታናስ ጎዳይ ቆፒዳ ቆፋይ ፖሌታና ዎዴይ ጋኪዳ ጊሻስ ቢታይ ኮኮሬስ፤ ሜቶንካ ፖፖርቁ ጌስ።

ዳኔላ ቲንቢቴ 4:3

ጾሲ ቤሲዛ ማላታይ ኣይ ማላ ጊታ! ማላሊሲዛ ኢዛ ኦሶቲ ኣይ ማላ ሚኖ! ጾሲ ሜርናስ ካዎ፤ ኢዛ ካዎቴይ ዬሌታፔ ዬሌታ ጋካናስ ዴኤስ።

ዳኔላ ቲንቢቴ 4:34

ካዎ ናቡካዳናጾሬይ፥ «ላፑን ላይቲ ኣዳፔ ጉዬ ታኒ ታ ኣይፌታ ፑዴ ሳሎ ዴንዲስ፤ ታስ ዎዚና ካሃይ ሲሚዴስ፤ ኡባፌ ቃ ጾሳ ጋላታዲስ፤ ሜርናስ ዲዛ ጾሳ ሳባዲስ፤ ቦንቾካ ኢዛስ ኢማዲስ፤ ኢዛ ካዎቴይ ሜርናሳ፤ ኢዛ ካዎቴይ ዬሌታፔ ዬሌታ ጋካናስ ዳና።

ዳኔላ ቲንቢቴ 6:26

ታ ካዎቴን ዲዛ ዴሬይ ዉሪካ ዳኔላ ጾሳስ ያያና ማላኔ ኢዛ ቦንቻና ማላ ታኒ ኣዋጃ ኬሳዲስ፤ ኢዚ ሜርናስ ዴኢዛ ዴኦ ጾሳ፤ ኢዛ ካዎቴ ዮንታ ካዎቴ፤ ኢዛ ካዎቴስካ ዉርሴ ዴና።

ዳኔላ ቲንቢቴ 6:27

ኢዚ ኣሼሲኔ ማዴስ፤ ኢዚ ሳሎኒኔ ሳኣን ማላታታኔ ማላሊሲዛ ሚሻታ ኦስ፤ ኢዚ ዳኔላ ጋሞታ ዶናፔ ኣሺዴስ» ጊዴስ።

ዳኔላ ቲንቢቴ 7:14

ኣላሜ ቦላ ዲዛ ኣስ ኡባይ፥ ካዎቴቲ ኡባይኔ ዱማ ዱማ ቃላን ሃሳይዛ ዛሬቲ ኡባይ ኢዛስ ሃጋዛና ማላ ጎዳቴ፥ ቦንቾይኔ ካዎቴ ኢዛስ ኢሜቲዴስ፤ ኢዚ ሜርናስ ሃራና፤ ኢዛ ካዎቴስካ ዉርሴ ዴና።

ኢዩኤሌ ቲንቢቴ 2:11

ጎዳይ ባ ኦላንቻታ ሲንን ዳዳ ማላ ጉማና፤ ኢዛ ኦላንቻቲ ኣይ ማላ ዳሮ! ኢዛ ኣዛዞ ኦዛይቲ ኣይ ማላ ዎልቃማ! ቱማፔካ ጎዳ ጋላሳይ ኬሂ ዎልቃማ፤ ኬሂ ባቢሲዛ ሄ ጋላሳ ዳንዳይ ኤቃናይ ኦኔ?

ሚኪያሳ ቲንቢቴ 1:4

ሙቃዳይ ታማ ቤኢዲ ሴሪዛ ማላኔ ሃ ኣፎራ ዱጌ ጎጊዛ ማላ ሄ ዎዴ ዙማቲ ኢዛ ቶሆ ጋርሳን ሴራና፤ ሾባቲካ ጳልቄቲ ዎና።

ናሆሜ ቲንቢቴ 1:5

ዙማቲ ኢዛ ሲንን ኮኮሪዳ፤ ዙምቡላቲካ ሴሪዳ። ኢዛ ሲንን ቢታይ፥ ኣላሜይኔ ኢዚን ዲዛ ኡባቲ ቃጺዳ።

ናሆሜ ቲንቢቴ 1:6

ኢዛ ሃንቆራ ኤቄታና ዳንዳይዛይ ኦኔ? ኢዛ ሃንቆ ሚኖዛ ቶካና ዳንዳይዛይ ኦኔ? ኢዛ ሃንቆይ ታማ ማላ ኤጺዴስ፤ ዛላቲካ ኢዛ ሲንፌ ዛኢዳ።

ኢምባቆ ቲንቢቴ 3:10

ዙማቲ ኔና ቤኢዲ ማኒዳ፤ ሃ ዳምባላይ ኣ ቢዴስ፤ ኣባይ ጬቄቲዴስ፤ ኣባ ዳምባላካ ፑዴ ዴንዴስ።

ኢምባቆ ቲንቢቴ 3:6

ኢዚ ኤቂን ቢታይ ቃጺዴስ፤ ኢዚ ጼሊዲ ኣሳ ኮኮሪሲዴስ፤ ሜርናስ ዲዛ ዙማቲ ላሌቴ ፒስኪ ጊዳ፤ ቤኒሶፌ ዲዛ ዙማቲካ ዎዲዳ፤ ኢዛ ኦጌይ ሜርናሳ።

ሚልካሳ ቲንቢቴ 3:2

ኢዚ ያና ጋላሳ ቴቃና ዳንዳይዛይ ኦኔ? ኢዚ ቆንጪዛ ጋላስ ኢዛ ሲንን ኤቃናስ ዳንዳያናይ ኦኔ? ኢዚ ጮጬ ታማ ማላ ዎይኮ ማይኦ ሜጪዛ ሳሙና ማላ፤

Maatosa 16:16

ሲሞና ጌቴቲዛ ጴጽሮሲ፥ «ኔኒ ኪርስቶሳ ዴኦ ጾሳ ና ጊዲኪ?» ጊዲ ዛሪዴስ።

Maatosa 26:63

ዬሱሲካ ጮኡ ጊዴስ። ቄሴታ ሃላቃይ፥ «ታ ኔና ዴኦ ጾሳ ሱንን ኦይቻይስ! ኔኒ ጾሳ ና ኪርስቶሳ ጊዲኮ ታስ ዮታ!» ጊዴስ።

ዮሃኒሳ ሚሺራቾ 17:3

ሜርና ዴኦይካ ኔ ጻላ ቱሙ ጾሳኔ ኔ ኪቲዳ ዬሱስ ኪርስቶሳ ኤሮ ጉሳ።

ሃዋሬታ ኦሶ 14:15

«ሃይቶ ኣሳቶ! ሃይሳ ኣዛስ ኦቲ? ኑኒካ ኢንቴ ማላ ኣሳኮ! ኢንቴካ ቃሴ ሃይሳ ሜላ ሃዳ ዮኦፔ ሃኪዲ ሳሎኔ ሳኣ፥ ኣባካ፥ ኣባታ ጊዶን ዲዛይታ ኡባ ሜዳ ዴኦ ጾሳኮ ኢንቴ ሲማና ማላ ኢንቴስ ሚሺራቾ ቃላ ሳባኮስ።

ዛሬ ማጻፋ 32:4

«ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

ዛሬ ማጻፋ 5:26

ዴኦ ጾሳይ ታማ ጊዶን ዲሼ ዮቲን ኑ ሲዪዳ ማላ ኢዛ ጬንጉርሳ ሲዪዲ ሃይቆንታ ሼምፖራ ፓጻ ኣቲዳ ኣሲ ዳኔ?

1ታሶሎንቄ ኣሳስ 1:9

ኢንቴ ኑና ዎስቲ ሞኪ ኤኪዳኮኔ ዴኦን ዲዛ ቱሙ ጾሳስ ኦናስ ኢንቴ ኤቃታፔ ጾሳኮ ዋኒ ሲሚዳኮ ኣሳይ ኢንቴ ጊሻስ ሃሳዬስ።

1ጺምቶሳስ 1:17

ሄሳ ጊሻስ ሜርናስ ሃይቂ ኤሮንታ፥ ኣይፌን ቤቲ ኤሮንታ ባርካ ጻላ ጾስ ጊዲዳ ካዎስ ሜርናፔ ሜርና ጋካናስ ኢዛስ ቦንቾይኔ ጋላታይ ጊዶ። ኣሚን።

1ጺምቶሳስ 6:17

ሃይሳ ሃ ኣላሜዛን ዱሬቲዳይቲ ኦቶሬቶንታ ማላ ኣዛዛ፤ ኑ ኡፋዬታና ማላ ዉርሲካ ዳርሲ ቲርፊሲዲ ኑስ ኢሚዛ ጾሳን ኣቲን ኣማንንታ ሚሻን ኣማኔቶንታ ማላ ኣሳስ ዮታ።

Ibirawe 10:31

ዴኦ ጾሳ ኩሼን ኩንዴ ዳሮ ባቢሴስ።

ኢያሶ ማጻፋ 3:10

ዴኦ ጾሲ ኢንቴ ጊዶን ዲዛይሳኔ ኢዚ ቱማፔ ካናኔታ፥ ሂቴታ፥ ሂዌታ፥ ፓሪዜታ፥ ጌርጌሴታ፥ ኣሞሬታኔ ያቡሴታ ኢንቴ ሲንፌ ኬሳናይሳ ኢንቴ ሄሳን ኤራና።

1ዮሃኒሳ ኪታ 5:20

ጾሳ ናይ ዪዳይሳኔ ኑኒ ቱማ ጾሳ ኤራና ማላ ኣኬካ ኢዚ ኑስ ኢሚዳይሳ ኑ ኤሮስ፤ ኑኒካ ቱሙ ጊዲዳ ኢዛ ናዛ ዬሱስ ኪርስቶሳን ዶስ፤ ኢዚካ ቱሙ ጾሳኔ ሜርና ዴኦ።

ዮሃኒሳ ኣጁታ 20:11

ሄሳፌ ጉዬ ኢሲ ጊታ ቦ ኣልጋኔ ሄ ኣልጋ ቦላ ኡቲዳይሳ ቤያዲስ፤ ቢታይኔ ሳሎይ ኢዛ ሲንፌ ባቃቲዳ ሺን ኢስቲ ቢዲ ጌላናሶይ ቤቲቤና።

ዳናታ ማጻፋ 5:4

«ኣቤት ጎዳዉ! ኔኒ ሴይሬ ዴሬፔ ዴንዲዳ ዎዴ፥ ኔኒ ኤዶሜ ቢታፌ ኬዚዳ ዎዴ፥ ቢታይ ቃጺዴስ። ሳሎፔ ኢራይ ቡኪዴስ፤ ኤ፥ ኢራይ ሻራታፔ ዱጌ ቡኪዴስ።

1ሳሜላ ማጻፋ 17:26

ዳዊቲ ባ ኣቻን ኤቂዳ ኣሳታ፥ «ኣኔ ሃይሳ ፊሊስጼሜ ኣዴዛ ዎዲ ሃይሳ ሃ ካዉሻቴ ኢስራኤሌ ቦላፌ ዲጊዳዴስ ኣዚ ኦሴታኔ? ቃሴካ ዴኦ ጎዳ ኦላንቻታራ ኤቄታናስ ሃይሲ ቃጻራ ቃንጼቶንታ ፊሊስጼሜዚ ኢዚ ኦኔ?» ጊ ኦይቺዴስ።

1ሳሜላ ማጻፋ 17:36

ታኒ ኔ ኣይሌይ ጋሞኔ ዛርዶ ዎዲስ፤ ሃይሲ ቃጻራ ቃንጼቶንታ ፊሊስጼሜዚ ዴኦ ጾሳ ኦላንቻታራ ኤቄቲዳ ጊሻስ ኢዛ ዉርሴ ኢስታፌ ኢሳ ማላ ጊዳና።