ኢሳያሳ ቲንቢቴ 26:2 - ጋሞ ማጻፋ

² ባ ኣማኖ ናጊዳ፥ ጺሎ ካዎቴቲ ጌላና ማላ ፔንጌታ ዶይቴ።

Geeshsha Maxaafa

² Ba ammano naagida, xillo kawoteththati gelana mala pengeta doyte.

ኢሳያሳ ቲንቢቴ 26:2 Iomraidhean Croise

ዬ ማጻፋ 106:5

ሄሲካ ኔ ዶሪዳ ኣሳስ ሳኣይ ኪዪን ታኒ ቤያና ማላ፥ ኔ ኣሳ ኡፋይሳ ታኒ ኡፋዬታና ማላ፥ ኔ ናይቲ ቦንቼቲዳ ጋሶን ታኒካ ኡፋይሳን ማጉላና ማላሳ።

ዬ ማጻፋ 118:19

ታኒ ጊዶ ጌላዳ ጎዳ ጋላታና ማላ ጺሎቴ ፔንጌታ ኣኔ ታስ ዶይቴ!

ዬ ማጻፋ 118:20

ሃይሲ ጎዳ ፔንጌ፤ ኢዛራ ጺሎቲ ጻላ ጌላና።

ዬ ማጻፋ 24:7

ካሬቲ ዶዬቴቶ፤ ቦንቾ ካዎይ ጌሎ፤ ቤኒ ፔንጌቲ ኢዛ ኡፋይሳን ሞኪቴ!

ኬሳ ማጻፋ 19:6

ኢንቴ ታ ካዎቴስ ዱማ ሻኬቲዳ ቄሴታኔ ዱማ ዴሬ ጊዳና፤› ኔኒ ኢስራኤሌ ናይታስ ዮታና ቃላይ ሃይሳ» ጊዴስ።

ኢሳያሳ ቲንቢቴ 45:25

ጊዶ ኣቲን ኢስራኤሌ ዜሬ ኡባይ ጎዳን ጺላና፤ ቦንቾካ ዴማና።

ኢሳያሳ ቲንቢቴ 54:14

ኔኒ ጺሎቴን ሚና ኤቃና፤ ጌኔ ኦጌራ ኣይሶይ ኔፔ ሃካና። ኔና ባቢሲዛ ሚሺ ዴና፤ ሺሮቴ ኔፔ ሃካና፤ ኔ ማታካ ሺቄና።

ኢሳያሳ ቲንቢቴ 54:17

ኔና ቆሃናስ ኦሴቲዳ ሚሺ ኦና። ኔና ሞቲዛ ኢንጻርስ ኡባ ኔ ላና፤ ሄሳ ጊሻስ ጎዳ ኣይሌታ ጺንጾይ ሃይሳ፤ ኢስቲ ታፔ ዴማና ኣንጆይ ሄሳ» ጌስ።

ኢሳያሳ ቲንቢቴ 58:8

ኔ ሄሳ ኦኮ ኔ ፖኦይ ዎንታ ጻልቄ ማላ ጫራና፤ ፓጻቴ ኔስ ኤሶን ጋካና፤ ጺሎቴ ኔፔ ሲንራ ባና፤ ጾሳ ቦንቾይ ኔና ጋራዳና።

ኢሳያሳ ቲንቢቴ 60:11

ኔ ፔንጌቲ ኡባቶ ዶያ ዴኣና፤ ጋላስ ጊዲን ኦማርስ ሙሌካ ጎርዴቴቴና፤ ሄሲካ ኣሳይ ካዎቴታ ዱሬቴ ኔኮ ኤሃናሳ፤ ኢስታ ካዎቲካ ጾኖን ኔኮ ጌላና ማላሳ።

ኢሳያሳ ቲንቢቴ 60:18

ሃይሳፌ ጉዬ ኔ ቢታን ሺሮይ፥ ኔ ዛዋንካ ላሌቴኔ ባሺ ሲዬቴና። ጊዶ ኣቲን ኔ ዲርሳ ጊምቤ ኣቶቴ፥ ኔ ፔንጌታካ ጋላታ ጋዳ ኔ ጼይጋና።

ኢሳያሳ ቲንቢቴ 60:21

ኔ ኣሳይ ኡባይ ጺሎ ጊዳና፤ ቢታዮካ ሜርናስ ላታና፤ ኢስቲ ታ ቦንቾ ቆንጪሳናስ ታኒ ቶኪዳ ፑቴታኔ ታ ኩሼ ኦሶታ።

ኢሳያሳ ቲንቢቴ 61:3

ቃሴካ ጺዮኔን ካዮቲዛይታ ዶሺሳና ማላ፥ ቢዲን ጊሻስ ፑላቴ ካላቻ፤ ዬሆ ጊሻስ ኡፋይሳ ዛይቴ ኢስታ ሁኤን ታ ጉሳና ማላ፥ ጬጬ ኣያና ጊሻስ ጋላታ ሴሎ ታ ኢስታ ቦላ ጎጳና ማላ ታና ኪቲዴስ፤ ኢስቲካ ኢዛ ቦንቾ ቆንጪሳና ማላ ጎዳይ ቶኪዳ ጺሎ ሚ ጌቴቲ ጼይጌታና።

ኢሳያሳ ቲንቢቴ 62:1

ኢዚ ጺሎቴ ማላዶ ፖኦ ማላ ጶላናሼ ጋካናስ፥ ኢዚ ኣቶቴ ጾምፔ ማላ ፖኣናሼ ጋካናስ ታ ጺዮኒ ጊሻስ ጮኡ ጊኬ፤ ዬሩሳላሜ ጊሻሲካ ሲርጲ ጊኬ።

ኢሳያሳ ቲንቢቴ 62:10

ኣቴ! ኢዛ ፔንጌታ ባጋራ ካን ቢቴ፤ ዴራስ ኦጌ ባሲቴ፤ ጊግሲቴ፤ ሹቻታ ዲጊቴ፤ ካዎቴታስ ማላታ ኤሲቴ።

ኢሳያሳ ቲንቢቴ 62:2

ካዎቴቲ ኔ ጺሎቴ፥ ካዎቲካ ኔ ቦንቾ ቤኣና፤ ጎዳይ ባ ዶናን ሱንዳ ኦራ ሱንን ኔ ጼይጌታና።

ዛካራሳ ቲንቢቴ 8:20

ኡባፌ ዎልቃማ ጎዳይ፥ «ዳሮ ካታማታን ዲዛ ዴሬይ ዬሩሳላሜ ጎጋና ዎዴይ ያና።

ሃዋሬታ ኦሶ 2:47

ኢስቲ ጾሳ ጋላቲሼ ዴሬ ሲንን ቦንቼቲዳ። ጎዳይካ ኢስታ ቦላ ጋላስ ጋላስ ኦራ ኣማኒዛይታ ጉጂዴስ።

1ጴጽሮሳ ኪታ 2:9

ኢንቴ ጊዲኮ ማፔ ጌዴ ዳሮ ማላሊሲዛ ኢዛ ፖኦኮ ጼይጊዳ ማላሊሲዛ ጾሳ ኦሶ ኣዋጃናስ ዶሬቲዳ ዬሌታታ፥ ካዎ ቄሴታ፥ ጾሲ ኢንቴና ባስ ሂስቲዳ ኢንቴ ዱማ ዴሬታ።

2ጴጽሮሳ ኪታ 3:13

ጊዶ ኣቲን ኑኒ ኢዚ ኑስ ኢሚዳ ሂዶታ ማላ ጺሎቴ ኦሶይ ኦሴቲዛሶ ኦራ ሳሎኔ ኦራ ቢታ ናጎስ።

ዩሁዳ ኪታ 1:3

ታ ሲቆቶ! ኑ ኢሲፌ ኣቲዳ ኣቶቴ ጊሻስ ታ ኢንቴስ ጻፋናስ ዳሮ ኮያዲሲሺን ሃኢ ቃሴ ናምኣንንታ ኢሲቶ ጾሲ ኣሳስ ኢሚዳ ኣማኖ ጊሻስ ኢንቴ ዳሮ ባጼታና ማላ ታ ኢንቴና ዞራይስ። ታ ኢንቴስ ጻፋናስ ታስ ቶሆ ጊዲዴስ።

ዮሃኒሳ ኣጁታ 21:24

ዴሬቲ ኢዚ ፖኦዛን ሲሜሬታና፤ ቢታ ካዎቲ ዉሪካ ባ ቦንቾ ኢዚስ ኤሃና።

ዮሃኒሳ ኣጁታ 5:9

ኦራ ማዛሙሬ ሂዝጊ ዬጺዳ፤ «ኔኒ ኣስ ዱማ ዱማ ኮቻፌ፥ ዱማ ዱማ ቃላን ሃሳይዛይታፔ፥ ዱማ ዱማ ቆሞፌኔ ዱማ ዱማ ዴሬፔ ጾሳስ ዎዛናስ ሹኬቲዳ ጊሻስ ሄ ጻ ማጻፋዛ ኤካናሲኔ ማታሜታካ ዶያናስ ቤሲዛዴ ጊዳዳሳ።