ኢሳያሳ ቲንቢቴ 26:1 - ጋሞ ማጻፋ

¹ ሄ ጋላስ ሃ ዬይ ዩሁዳ ቢታን ዬጼታና። ኑስ ሚኖ ካታማይ ዴስ፤ ጾሲ ኢዛ ጊምቤታኔ ሚጻታ ኣቶቴስ ኦዴስ።

Geeshsha Maxaafa

¹ He gallas ha yeththay Yuhuda biittan yexettana. Nuus mino katamay dees; Xoossi iza gimbetanne miixata atoteththas ooththides.

ኢሳያሳ ቲንቢቴ 26:1 Iomraidhean Croise

ኢዝራ ማጻፋ 3:11

ኣሳይካ ዉሪ፥ «ጾሳይ ኪያ ጾሳ፤ ኢዚ ኢስራኤሌ ኣሳ ሲቂዛ ሲቆይ ሜርናሳ» ጊዛ ማዛሙሬ ጾሳ ቦንቾስ ዬጺዳ፤ ጾሳ ኬ ዮች ዬስ ዶሚሺን ኣሳይ ዉሪ ባ ቃላ ቁ ሂስቲዲ ኢሊሊሼ ጾሳ ጋላቲዴስ።

ዬ ማጻፋ 31:21

ታኒ ሞርኬይ ዶዲ ኦይኪዳ ካታማ ጊዶን ዲዛ ዎዴ ኢዚ ማላሊሲዛ ባ ማሮቴ ታና ቤሲዳ ጊሻስ ጎዳይ ጋላቴቶ።

ዬ ማጻፋ 48:12

ጺዮኔ ዩሾን ሄሜቲቴ፤ ኢዚ ጊምቤታ ዩሾን ያኔ ሃ ሲሜሬቲቴ፤ ኢዚ ሻኮታ ቆዲቴ።

ዬ ማጻፋ 48:4

ካዎቲ ባንታ ቶራንቻታራ ኢሲፌ ሺቂዳ፤ ሂስቲዲ ጺዮኖ ኦላናዉ ዪዳ።

ኢሳያሳ ቲንቢቴ 12:1

ሄ ዎዴ ኔኒ፥ «ኣቤት ጎዳዉ፥ ካሴ ኔ ታ ቦላ ሃንቄታዳሳ፤ ሃኢ ጊዲኮ ኔኒ ኔ ሃንቆዛፔ ሲማዳ ታና ሚንዳ ጊሻስ ታ ኔና ሳባይስ።

ኢሳያሳ ቲንቢቴ 14:31

«ኔኖ ፔንጌዞ! ዉ! ዉይ ጋ፤ ኔኖ ካታማዞ! ዋሳ፤ ኢንቴኖ ፊሊስጼሜ ኣሳቶ! ኢንቴ ኡባይካ ሂርጋን ሴሪቴ! ጋሶይካ ፑዴሃ ባጋፌ ጩዋይ ኢንቴ ቦላ ዪዴስ፤ ሄ ጪፍራፔ ዱጺ ኣታናይ ዴና።

ኢሳያሳ ቲንቢቴ 2:11

ኦቶራንቻ ኣይፌይ ጉካና፤ ሞቲዛይቲ ካዉያና፤ ሄ ዎዴ ጎዳይ ጻላ ቁ ቁ ጋና።

ኢሳያሳ ቲንቢቴ 2:20

ሄ ጋላስ ኣሳይ ጎይናናስ ሜዳ ባንታ ቢራ፥ ዎርቃ ሚስሌታ ጊሮሲኔ ካፎታስ ኦላና።

ኢሳያሳ ቲንቢቴ 25:9

ሄ ጋላስ ኢስታስ፥ «ቤኢቴ ኑ ጾሳይ ሃይሳ፤ ኑኒ ኢዛን ኣማኔቲዶስ፤ ኢዚካ ኑና ኣሺዴስ፤ ሃይሲ ጎዳ፤ ኑኒ ኢዛን ኣማኔቲዶስ፤ ኢዚ ኣሺዳይሳን ኡፋዬቶስ፤ ኡፋይሳን ሆምቦጮስ» ጋና።

ኢሳያሳ ቲንቢቴ 31:5

ካፎይ ቦላራ ኣላንዛ ማላ ኡባፌ ዎልቃማ ጎዳይ ዬሩሳላሜ ካማና፥ ናጋናኔ ኣሻና፤ ኢዚ ቦላራ ኣዲ ኢዞ ኣሻና» ጌስ።

ኢሳያሳ ቲንቢቴ 31:9

ሚኖ ሚጻይ ሺሮ ጋሶን ኩንዳና፤ ኦላ ጋዳዋቲካ ኦላ ባንዲራ ቤኢዲ ዳጋማን ኩማና» ጌስ ታማይ ጺዮኔን፥ ታማ ጮጬይ ዬሩሳላሜን ዲዛ ጎዳይ።

ኢሳያሳ ቲንቢቴ 33:5

ጎዳይ ቦላ ሳሎን ዴኢዛ ጊሻስ፥ ቁ ቁ ጊዴስ፤ ኢዚ ጺዮኖ ሱሬ ፒርዳኒኔ ጺሎቴን ኩንና።

ኢሳያሳ ቲንቢቴ 33:6

ኢዚ ኔ ዲዛ ላይ ኡባን ኣማንዛ ዮች፥ ኣቶቴ፥ ኣ ኤራቴኔ ኤራቴ ጊዳና፤ ጎዳስ ያሻቴ ሃይሳ ሃ ኣቆታታስ ቁልፔ ጊዳና።

ኢሳያሳ ቲንቢቴ 4:2

ሄ ዎዴ ጎዳ ሚ ሃጋይ ሎኣናኔ ቦንቼታና፤ ኢስራኤሌ ኣሳፔ ይሼ ኣቲዳይታስ ሄ ቢታ ካይ ጬቆሲኔ ቦንቾስ ጊዳና።

ኢሳያሳ ቲንቢቴ 5:1

ታኒ ታ ሲቆ ላጌዛ ጊሻሲኔ ኢዛ ዎይኔ ቱራ ቶኪዛሶሆ ጊሻስ ሲቆ ማዛሙሬ ዬጻና። ታኒ ሲቂዛ ላጌዛስ ኣራዳ ዙምቡላን ዎይኔ ቱራ ቶኪዛሶሆይ ዴስ።

ኢሳያሳ ቲንቢቴ 56:5

ታ ኬኒኔ ታ ጊምቤታ ጊዶን ኣቱማ ናይታፔኔ ማጫ ናይታፔ ኣዛ ሃሳኢሲዛ ሚሺኔ ሱን ኢስታስ ኢማና፤ ሜርናስ ዮንታ ሱን ታ ኢስታስ ኢማና።

ኢሳያሳ ቲንቢቴ 60:18

ሃይሳፌ ጉዬ ኔ ቢታን ሺሮይ፥ ኔ ዛዋንካ ላሌቴኔ ባሺ ሲዬቴና። ጊዶ ኣቲን ኔ ዲርሳ ጊምቤ ኣቶቴ፥ ኔ ፔንጌታካ ጋላታ ጋዳ ኔ ጼይጋና።

ኢሳያሳ ቲንቢቴ 62:10

ኣቴ! ኢዛ ፔንጌታ ባጋራ ካን ቢቴ፤ ዴራስ ኦጌ ባሲቴ፤ ጊግሲቴ፤ ሹቻታ ዲጊቴ፤ ካዎቴታስ ማላታ ኤሲቴ።

ኢሳያሳ ቲንቢቴ 62:11

ቤኢቴ፥ ጎዳይ ሳኣ ጋጻ ጋካናስ፥ «ጺዮኔ ማጫ ናይስ፥ ‹ሄኮ ኔና ኣሺዛዴይ ዬስ፤ ኔ ዋጋይ ኢዛ ኩሼን ዴስ፤ ኔ ቃዳይ ኢዛኮን ዴስ› ጊቴ» ጊዲ ኣዋጂዴስ።

ኤርማሳ ቲንቢቴ 33:11

ኡፋይሳ ጬንጉርሲ፥ ሚሺራታ ጬንጉርሲ ሄሳካ ቡላቺዛይሳኔ ቡላቼቲዛሪ ቃላይ፥ « ‹ጎዳይ ኪያ፤ ኢዛ ማሮቴይካ ሜርናሳ፤ ጎዳ ኡባፌ ዎልቃማ ጾሳ ጋላቲቴ› ጊዛ ጋላታ ያርሾ ኤኪዲ ጾሳ ኬ ዪዛ ኣሳታ ጬንጉርሲ ሴቴታና፤ ሄ ቢታይፌ ዲኤቲዳ ሚሽ ካሴ ዲዛሶታ ዛራና» ጌስ።

ሂዚቄላ ቲንቢቴ 40:5

ታኒ ጾሳ ኬ ሙሌራ ዩዪ ኣዳ ዲርሳ ጊምቤ ቤኣዲስ። ኣዴዛ ኩሼን ኡሱፑን ዋ ጊዲዛ ዛንጌ ቤኣዲስ፤ ኢሲ ኢሲ ዋ ሚሻይ ዋኔ ታኮ ጊዴስ፤ ኢዚ ጊምቤዛ ዋዴስ፤ ኣኮቴይ ኢሲ ዋ፥ ጌሳይካ ኢሲ ዋ ጊዲዴስ።

ዛካራሳ ቲንቢቴ 2:5

ታኒ ታርካ ኢዚስ ታማ ዲርሳ ጊዳና፤ ኢዚ ጊዶን ታኒ ኢዚስ ቦንቾ ጊዳና› ጌስ ጋዳ ዮታ» ጊዴስ።

ዛካራሳ ቲንቢቴ 2:9

ሄኮ ታኒ ታ ኩሼ ኢስታ ቦላ ዴንና፤ ኢስታ ኣይሌቲ ኢስታ ቦንቃና፤ ሄሳፌ ጉዬ ኡባፌ ዎልቃማ ጎዳይ ታና ኪቲዳይሳ ኢንቴ ኤራና።

ታይቦ ማጻፋ 21:17

ሄ ዎዴ ኢስራኤሌ ኣሳይ ሃይሳ፥ «ሃይሶ ፑልቶዞ ፑልታ፤ ኢንቴካ ኢዛስ ዬጺቴ።

Maatosa 16:18

ኔኒ ዛላ፤ ሃይሳ ዛላ ቦላ ታኒ ታ ዎሳ ኬ ኬጻና፤ ጋናሜ ፔንጌቲካ ኢዞ ጾኔቴና።