ኢሳያሳ ቲንቢቴ 24:3 - ጋሞ ማጻፋ

³ ቢታይ ሙሌራ ቡላ ጊዳና፤ ሙሌራ ቦንቄታና፤ ሃ ቃላ ጎዳይ ሃሳይዴስ።

Geeshsha Maxaafa

³ Biittay mulera bula gidana; mulera bonqqettana; ha qaalaa GODAY haasaydes.

ኢሳያሳ ቲንቢቴ 24:3 Iomraidhean Croise

2ታሪኬ ማጻፋ 36:21

ሄሳን ጎዳይ ናቤ ኤርማሳ ባጋራ ዮቲዳ ቃላይ ፖሌታና ማላ ቢታይ 70 ላይ ኩሜ ኣሲ ባይንዳ ሶሆ ጊዲዳ ጊሻስ ሼምፒዴስ፤ ሂስቲን ቢታይ ሳምባታ ሼምፖ ዴሚዴስ።

ኢሳያሳ ቲንቢቴ 21:17

ቄዳሬ ቢታን ዎንዳፌን ዱኪዛ ዎልቃማ ኦላንቻታፔ ጉቲ ኣታና፤ ሄሳ ጎዳ ኢስራኤሌ ጾሳይ ዮቲዴስ» ጊዴስ።

ኢሳያሳ ቲንቢቴ 22:25

ጎዳይ ኡባፌ ዎልቃማ ጾሳይ፥ «ሄ ጋላስ ኣማንዛሶን ኤቂዳ ሽኬይ ሾዴታና፤ ሜቂ ዎና፤ ኢዛ ቦላ ካቄቲዳ ኡባይ ኩንዲዲ ሜቄሬታና» ጊዴስ፤ ሃይሳ ጎዳይ ዮቲዴስ።

ኢሳያሳ ቲንቢቴ 24:1

ቤኢቴ! ጎዳይ ቢታ ቡላ ኬሳና፤ ሙሌራ ይሳና፤ ቡ ዶሬ ሂስታና፤ ኢዚን ዲዛ ኣሳ ላላና።

ኢሳያሳ ቲንቢቴ 24:2

ኡባ ሚሺካ ኢሲ ማላ ጊዳና፤ ዴሬዛ ቦላ ሃንዛይሲ ቄሴዛ ቦላ ሃናና፤ ኣይሌ ቦላ ሃንዛይሲ ጎዳ ቦላ ሃናና፤ ኣሽካራይ ቦላ ሃንዛይሲ ጎዳቴይ ቦላ ሃናና፤ ሻሚዛይሳ ቦላ ሃንዛይሲ ባይዚዛይሳ ቦላ ሃናና፤ ታልኤ ኤኪዛይሳ ቦላ ሃንዛይሲ ታልኤ ኢሚዛይሳ ቦላ ሃናና፤ ኣጮ ጪጊዛይሳ ቦላ ሃንዛይሲ ኣጮ ጪጊሲዛይሳ ቦላ ሃናና።

ኢሳያሳ ቲንቢቴ 24:4

ቢታያ ሜላና፤ ኢዚን ዲዛ ኡባይ ቆካና፤ ኣላሜይ ዳቡራና፤ ቢታ ቦላ ኤሬቲዳ ጊታ ኣሳቲ ዳቡራና።

ኢሳያሳ ቲንቢቴ 42:22

ሃ ዴሬይ ቦጌቲዳኔ ቦንቄቲዳ፥ ኦላ ጊዶን ዎዳ፥ ዎይኔ ኬይ ኢዛ ቦላ ጎርዴቲዳ ዴሬ፤ ኢስቲ ቦጌቲዳ፤ ኢስታ ኣሺዛዴይ ዴና፤ ኢስቲ ዲኤቲዳ፤ «ኢስታ ዛሪቴ» ጊዛይካ ባዋ።

ኢሳያሳ ቲንቢቴ 5:6

ታኒ ሄ ሶሆዛ ማጎ ቢታ ኦና። ሄ ቱራይ ጹንቄቴናኔ ቡልኤቴና፤ ሂስቲን ኪንዲቾይኔ ኣጉን ኢዛን ሞካና። ኢራይ ኢዛን ቡኮንታ ማላ፥ ታኒ ሻራታ ኣዛዛና» ጊዴስ።

ኢሳያሳ ቲንቢቴ 6:11

ታኒካ፥ «ኣቤት ጎዳዉ! ሃይሲ ኣይዴ ጋካናስ ሃናኔ?» ጋዲስ። ኢዚካ ዛሪዲ ታስ፥ «ካታማቲ ኢስታን ዴኢዛ ኣሲ ዪን ኢስቲ ላሌታና ጋካናስ፥ ኬቲካ ኡባይ ካይዛና ጋካናሲኔ ቢታይካ ሙሌራ ኣይኮይ ባይንዳ ቡላ ጊዳና ጋካናሳ።

ኤርማሳ ቲንቢቴ 13:15

ጎዳይ ዮቲዴስ፤ ዎዚናን ዎ ሲዪቴ፤ ኣጊቴ ኦቶራንቻ ጊዶፒቴ።

ሂዚቄላ ቲንቢቴ 36:4

ሄሳ ጊሻስ ኢስራኤሌ ዙማቶ! ኡባ ሃሪዛ ጎዳ ቃላ ሲዪቴ! ኡባ ሃሪዛ ጎዳይ ዙማታሲኔ ዙምቡላታስ፥ ዙሌታሲኔ ሃ ዛራታስ፥ ላሌቲዲ ቡላቲዳሶታሲኔ ኢንቴ ዩሾን ዲዛ ሃራ ካዎቴታን ቦንቄቲዲኔ ቂቲዲ ሜላ ኣቲዳ ካታማታስ፥

ሚኪያሳ ቲንቢቴ 2:4

ሄ ዎዴ ዴሬይ ኢንቴ ቦላ ሚጪ ካኣና፤ ኢንቴና ቂሼ፥ « ‹ኑ ሙሌራ ይዶስ፤ ታ ዳቦ ጋዴይ ሃራስ ጊሼቲዴስ፤ ታፔ ቦንቂ ኤኪዲ ኑ ቢታ ኑና ጾኒዳይታስ ጊሺዴስ› ጊ ዚላላና» ጊዴስ።

ሚኪያሳ ቲንቢቴ 4:4

ኢሲ ኣሲ ባ ዎይኔ ሚ ጋርሳንካ ባ ባላሴ ሚ ጋርሳን ኡታና፤ ኢስታ ባቢሲዛ ሚሺ ዴና፤ ኡባፌ ዎልቃማ ጎዳ ዶናይ ሃይሳ ዮቲዴስ።

ዛሬ ማጻፋ 29:23

ሄ ቢታያ ሙሌራ ጹጌቲዳ ማጺኔኔ ዲኔ ጌቴቲዛ ቢዲን ጊዳና፤ ኢሲ ሚሺካ ኢዚን ቶኬቴና፤ ኣይ ሚሺካ ኢዚን ሞኬና፤ ኢዚን ፑዴ ዲጪዛ ሚሺ ቤቴና፤ ኢዚ ቦላ ጋካና ኩንዴ ጎዳይ ኬሂ ሼኔቲዲ ሙሌራ ይሲዳ ሶዶሜ ማላኔ ጋሞራ ማላ፥ ኣዳማ ማላኔ ጻቦይሜ ማላ ጊዳና።

ዛሬ ማጻፋ 29:28

ጎዳይ ዎልቃማ ሃንቆኒኔ ኢታ ቦሻን ኢስታ ኢስታ ዴሬፔ ሾዲዴስ፤ ሄሳ ጊሻስ ኢስቲ ሃች ጋካናስ ሄን ዴቴስ» ጋና።