11 ኦቶራንቻ ኣይፌይ ጉካና፤ ሞቲዛይቲ ካዉያና፤ ሄ ዎዴ ጎዳይ ጻላ ቁ ቁ ጋና።
11 Otoranchcha ayfey gukkana; moodhettizayti kawuyana; he wode GODAY xalla dhoqqu dhoqqu gaana.
ኔኒ ቆሄቲዳ ዴራ ኣሻሳ፤ ጊዶ ኣቲን ኔ ኣይፌይ ካዉሻናስ ኦቶራንቻታ ጼሌስ።
ኣሽኬታ ኔ ኣሻሳ፤ ጊዶ ኣቲን ኦቶራንቻታ ካዉሻሳ።
ኣቤት ጎዳዉ! ኔ ታስ ጾምፓሳ፤ ጾሳይ ኔኒ ታስ ማ ፖኢሳሳ።
ኢስቲ ጴቲዲ ኩንዳና፤ ኑኒ ጊዲኮ ዴንዲዲ ሚኒ ኤቃና።
ሼምፒ ኡቲቴ፤ ታኒ ጾስ ጊዲዳይሳ ኤሪቴ፤ ካዎቴታ ቦላ ታ ቁ ቁ ጋና፤ ቢታ ቦላካ ታ ቁ ቁ ጋና።
ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።
ኣቤት ሳኣ ፒርዲዛይሶ! ዴንዳ! ኦቶራንቻታስ ቤሲዛ ቂጻቴ ኢማ።
ጎዳይ ኦቶሬቲዛ ኡባ ሻቴቴስ፤ ኢስቲ ቃጻዬቶንታ ኣቴቴና።
ኦቶሮን ኩሚዳ ኣሳቲኔ ኣስ ካዲ ጼሊዛ ኣሳቲ ዴቴስ።
ጎዳይ ጺዮኔ ዙማ ቦላኔ ዬሩሳላሜ ቦላ ባ ኦና ኦሶ ኡባ ፖሊዳፔ ጉዬ፥ «ኣሶሬ ካዎ ኢዛ ዎዚና ኦቶሬቴ ጊሻሲኔ ኢዚ ካ ኣይፌን ጼሊዛ ጊሻስ ታ ኢዛ ቃጻያና» ጌስ።
ሄ ዎዴ ኔኒ፥ «ኣቤት ጎዳዉ፥ ካሴ ኔ ታ ቦላ ሃንቄታዳሳ፤ ሃኢ ጊዲኮ ኔኒ ኔ ሃንቆዛፔ ሲማዳ ታና ሚንዳ ጊሻስ ታ ኔና ሳባይስ።
ሄ ዎዴ ኢንቴ ጎዳ ጋላቲቴ! ኢዛ ሱንካ ጼይጊቴ። ኢዚ ኦዳይሳ ካዎቴታ ጊዶን ኤሪሲቴ። ኢዛ ሱንይ ቁ ቁ ጊዳይሳ ኣዋጂቴ።
ጎዳይ፥ «ታኒ ኣላሜ ኢዚ ኢታቴ ጊሻስ ቃጻያና፤ ኢታታካ ኢስታ ናጋራ ጊሻስ ቃጻያና። ታኒ ኦቶራንቻታ ኦቶሬቴ ሻራና፤ ሜንጼ ኢታታ ኦቶሬቴ ታ ካዉሻና።
ጊዶ ኣቲን ኔኒ ሲኦሌን ዱጌ ጪማ ኦላን ዬጌታዳሳ።
ሞቲዛዴይ ካዉያና፤ ኦቶራንቻይ ኩንዳና፤ ሄ ጋላስ ጎዳይ ጻላ ቁ ቁ ጋና፤
ኦቶሬቲዛይታ ኡባ ቦንቾ ካዉሻናስ ቃሴ ቢታ ቦላ ቁ ቁ ጊዳይታ ዚቂ ሂስታናስ ጎዳይ ኡባፌ ዎልቃማ ጾሳይ ሃልቺዴስ።
ሄ ጋላስ ጎዳይ ቦላ ሳሎን ዲዛ ዎልቃማታ ጋርስ ቢታ ቦላ ዲዛ ካዎታካ ቃጻያና።
ሄ ጋላስ ኢስታስ፥ «ቤኢቴ ኑ ጾሳይ ሃይሳ፤ ኑኒ ኢዛን ኣማኔቲዶስ፤ ኢዚካ ኑና ኣሺዴስ፤ ሃይሲ ጎዳ፤ ኑኒ ኢዛን ኣማኔቲዶስ፤ ኢዚ ኣሺዳይሳን ኡፋዬቶስ፤ ኡፋይሳን ሆምቦጮስ» ጋና።
ሄ ጋላስ ሃ ዬይ ዩሁዳ ቢታን ዬጼታና። ኑስ ሚኖ ካታማይ ዴስ፤ ጾሲ ኢዛ ጊምቤታኔ ሚጻታ ኣቶቴስ ኦዴስ።
ሄ ጋላስ ኡባፌ ዎልቃማ ጎዳይ ባ ኣሳፔ ጫሻ ኣቲዳይታስ ቦንቾ ካላቻኔ ፑላ ኣኪሊሌ ጊዳና።
ሄ ጋላስ ቱሌይ ጻ ማጻፋ ቃላ ሲያና፤ ቆቄ ኣይፌቲካ ሻሩማፔኔ ማፔ ሻኬቲዲ ጼላና።
ጊዶ ኣቲን ጎዳይ ኢንቴስ ኪያ ኦናስ ናጌስ፤ ኢንቴና ባ ቃቴ ቤሳናስ ዴንዴስ፤ ጎዳይ ቱሙ ፒርዲዛ ጾሳ ጊዲዳ ጊሻስ ኣማኔቲዲ ኢዛ ናጊዛይቲ ኣንጄቲዳይታ።
ኔ ዜሪዳ ካስ ኢዚ ኢራ ኢማና፤ ቢታፌ ሞኪዳ ካይ ሙሩታኔ ዳሮ ጊዳና። ሄ ዎዴ ኢንቴ ሜሄይ ኣሆ ዴምባን ሄሜታና።
ኔ ኦና ጫያይኔ ካዉሻይ? ኦና ቦላ ኔ ቃላ ቁ ሂስታ ሃሳያይ? ኦቶሮ ኣይፌን ኦና ጼላይ? ኢስራኤሌ ጌሻ ቦላ ጊዴኔ!
ሄ ዎዴ ላፑን ማጫሳቲ ኢሲ ኣዴ ኦይኪዲ፥ «ማና ካ ጊዲን ማይኣና ማይኦ ኑኒ ኑርካ ኑና ዳንዳያና፤ ኔ ሱንን ጻላ ጼይጌታና ማላ ሂስታዳ ኑ ካዉሻቴ ኑፔ ዲጋርኪ!» ጊ ዎሳና።
ሃላቃታ ሃዳ ሂስታና፤ ሃ ቢታ ኣይሲዛይታካ ፒቲ ይሴስ።
ሄሳ ጊሻስ ታ ዴሬይ ታ ሱን ኤራና፤ ሄ ጋላስ ካሴካ ዮቲዳይ ታና ጊዲዳይሳ ኢስቲ ኤራና። ኤ ሄሲ ታና» ጌስ።
ታ ጺንጾያ ጲርጮቲ ማና ጊዶዳ ካፎ ማላ ጊዳቤኬ? ቢዲ ዎራ ዶኣታ ኡባ ሺሺቴ፤ ኢስቲ ኢዞ ዱ ማና ማላ ጼይጊቴ።
ጊዶ ኣቲን ጬቄቲዛ ኦኒካ ታኒ ጎዳ ጊዲዳይሳ ኤሮኒኔ ቢታ ቦላ ሲቆ፥ ሱሬ ፒርዳኔ ጺሎቴ ኦዛይ ታና ጊዶይሳ ኣኬኮን ጬቄቶ። ታኒ ሃይታን ኡፋዬታይስ» ጌስ።
«ሄሳ ጊሻስ ኣሳ ናዉ፥ ጎጌ ቦላ ቲንቢቴ ዮታ፤ ኢዛስ ኡባ ሃሪዛ ጎዳይ፥ ‹ሄ ዎዴ ታ ዴሬ ኢስራኤሌይ ሳሮን ኡቲዳይሳ ኔኒ ኤራዳ ኣኬኪኪ?
ሄ ዎዴ ታኒ ታ ቃናቴኒኔ ባቢሲዛ ታ ሃንቆን ኢስራኤሌን ቢታይ ኬሂ ቃጻና ጋ ዮታዲስ።
« ‹ሄ ዎዴ ኣሳይ ኣርሼይ ሞኪዛ ባጋራ ዱጌ ኣባን ቢዛሶ ዙሌን ኢስራኤሌ ቢታን ታ ጎጌስ ዱፎ ኢማና፤ ጎጌይኔ ኢዛ ኦላንቻቲ ሄን ሞጌታና ጊሻስ ማንዳሪዛ ኣሳታ ኦጌይ ጎርዴታና፤ ሄሳ ጊሻስ ሄ ሶሆይ ሃሞን ጎጌ ሾባ ጌቴታና።
ሄ ጋላሳፌ ዶሚዲ ኢስራኤሌ ኣሳይ ታኒ ጎዳይ ኢስታ ጾስ ጊዲዳይሳ ኤራና።
ካዎ ናቡካዳናጾሬይ፥ «ላፑን ላይቲ ኣዳፔ ጉዬ ታኒ ታ ኣይፌታ ፑዴ ሳሎ ዴንዲስ፤ ታስ ዎዚና ካሃይ ሲሚዴስ፤ ኡባፌ ቃ ጾሳ ጋላታዲስ፤ ሜርናስ ዲዛ ጾሳ ሳባዲስ፤ ቦንቾካ ኢዛስ ኢማዲስ፤ ኢዛ ካዎቴይ ሜርናሳ፤ ኢዛ ካዎቴይ ዬሌታፔ ዬሌታ ጋካናስ ዳና።
ኢዛ ሄ ጋላሲ ታና፥ ‹ታ ኣዚናዞ› ጋ ጼይጋና ኣቲን ሃይሳፌ ጉዬ፥ ‹ባኣሌ› ጌቴቲዛ ኤቃ ጾሳ ሱንን ታና ጼይጉኩ።
ሄ ዎዴ ዶኣታራ፥ ካፎታራኔ ቢታ ቦላ ጎሼቲዛ ሜቴ ኡባታራ ታ ኢንቴ ጊሻስ ጫቄታና። ኡባይካ ሳሮን ዳና ማላ ኦላ፥ ቶራኔ፥ ማሻ ቢታ ቦላፌ ታ ዲጋና።
«ሄ ጋላስ ታኒ ዛሮ ኢማና፤ ታኒ ሳሎ ኣዛዛና፤ ሳሎይካ ሳኣስ ዛሮ ኢማና።
«ሄ ዎዴ ዙማቲ ዉሪካ ዎይኔ ሚን ኩማና፤ ዙምቡላን ዳሮ ማ ሚዛቲ ሄሜታና፤ ጎዳ ኬፌ ፑልቶይ ፑልታና፤ ዩሁዳ ዴሬን ዲዛ ሻፋታ ኡባ ሃ ኩማና፤ ሺጺሜ ሾባይ ሃ ካላና።
«ጮ ኩንዲ ላሌቲዳ ኬ ማላ ጊዲዳ ዳዊቴ ዜሬታ ካዎቴስ ታኒ ዛራ ኤሳና ዎዴይ ያና፤ ታኒ ጊምቤዛ ዛራ ጊምባና፤ ላሌቲዳይሳካ ኦራጺሳና፤ ካሴይሳ ዛራ ኦና።
«ሄ ዎዴ ኤዶሜፔ ኣ ኤራንቻታ፥ ኤሳዌ ዙማፔ ኤራቴ ይሳና።
ሄሳ ጊሻስ ጾሲ፥ «ሄኮ ታ ሄሳ ማላ ዴሬ ቦላ ይሲዛዝ ኤካ ያና ቆፓዲስ፤ ኢንቴ ቃሴ ሄሳፌ ኬሲ ኤካና ዳንዳዬኬታ፤ ኢንቴ ቦላ ሜቶይ ዪዛ ጊሻስ ሄሳፌ ጉዬ ኢንቴ ኦቶሬቴን ሲሜሬቴኬታ።
ጎዳይ፥ «ታኒ ሄ ጋላስ ጉንዲዳይታ ሺሻና፤ ቤቴ ቢዳይታኔ ሙዞታና ማላ ታ ኣ ኢሚዳይታ ኡባ ኢሲሶ ሺሻና።
ሄ ዎዴ ጾሲ፥ «ታ ኢንቴ ጊዶፌ ኢንቴ ፓራታ ይሳና፤ ፓራ-ጋሬታካ ሙሌራ ይሳና።
ኢንቴ ታ ቦላ ፖሊዳ ቆሆ ኡባፌ ዴንዲዳይሳን፤ ሄ ጋላስ ዬላቴኬታ፤ ባ ኦቶሬቴን ኡፋዬቲዛይታ፥ ሃኖ ሃ ካታማይፔ ታ ዲጋና። ሄሳፌ ጉዬ ታ ጌሻ ዙማን፥ ኢንቴ ታ ቦላ ኦቶሬቴኬታ።
ሄ ዎዴ ኣሳይ ዬሩሳላሜስ፥ ‹ጺዮኔ ኔ ባቦፋ፤ ኔ ቄሴይ ዳቡሮፖ።
ሄ ዎዴ ጎዳይ ኢስታ ጾሳይ ባ ዴራ ባስ ዉዴ ሜሄ ሂስቲ ኣሻና፤ ካላቻ ቦላ ዲዛ ሴሎይ ጾልቂዛ ማላ ኢስቲካ ጾሳ ዴሬን ጶላና።
«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።
«ታ ኢንቴስ ዮታይስ፤ ጾሳ ሲንን ፋርሳዌዚ ጺሎቴ ዴሚቤና፤ ሃይሲ ቃራጺዛይሲ ጊዲኮ ጺሊዲ ባሶ ሲሚዴስ፤ ባና ቂሲዛይ ዉሪ ዚቂ ጋና፤ ባና ዚቂሲዛይ ጊዲኮ ቁ ጋና» ጊዴስ።
ጊዶ ኣቲን ጾሳ ማጻፋይ፥ «ጬቄቲዛ ኣሲ ጎዳን ጬቄቶ» ጊዴስ።
ጾስ ኤሮንታ ማላ ጴ ጊዲ ዴንዲዛ ፓላማኔ ኦቶሬቴ ኑ ላሎስ፤ ኣሳ ቆፋ ኡባ ዲኢ ኤኪዲ ኪርስቶሳስ ኣዛዜታና ማላ ኦስ።
ኢስቲ ቃጻዬታናይ ኢዚ ጌሻታ ኣቻን ቦንቼታናሲኔ ኣማኒዛይቲ ዉሪ ኢዛን ማላሌታና ማላ ኢዚ ዪዛ ጋላሳን ሃናና፤ ኢንቴካ ሄ ኣማኒዛ ኣሳራ ዳና፤ ጋሶይካ ኑ ኢንቴስ ማርካቲዳይሳ ኢንቴ ኣማኒዳ ጊሻሳ።
ሄሳካ ኢንቴኖ ናቴቶ! ኢንቴ ጪማታስ ኣዛዜቲቴ፤ ኢንቴ ዉሪካ ኣሽኬቴ ኣፋላ ማላ ማይኢዲ ኢሶይ ኢሳስ ኦቴ። «ጾሲ ኦቶሪዛይታ ኢጼስ፤ ኣሽኬታስ ቃሴ ባ ኪያቴ ኢሜስ» ጌቴቲ ካሴ ጌሻ ማጻፋን ጻፌቲዴስ።