ኢሳያሳ ቲንቢቴ 15:2 - ጋሞ ማጻፋ

² ዲቦኔ ኣሳይ ጾሳ ኬ ኬዚዴስ፤ ዬካናስ ፑዴ ዙምቡላታ ቦላ ኬዚዴስ፤ ሞኣቤ ኣሳይ ኔቦ ጊሻሲኔ ሜዴባ ጊሻስ ዋሴስ፤ ሁኤይኔ ቡቻይ ሚልጺ ጊ ሜዴቲዴስ።

Geeshsha Maxaafa

² Diboone asay Xoossa keeth kezides; yeekkanaas pude zumbullata bolla kezides; Mo7aabe asay Nebo gishshassinne Medeba gishshas waassees; hu7eynne buuchchay milxi gi meedettides.

ኢሳያሳ ቲንቢቴ 15:2 Iomraidhean Croise

2ሳሜላ ማጻፋ 10:4

ሄሳ ጊሻስ ሃኖኔይ ዳዊቴ ኣሳታ ኦይኪዲ ኢሳ ኢሳ ቡች ባጋሲ ሜዲዴስ፤ ኢስቲ ማይኢዳ ማይኦዛካ ፑዴ ጼሳ ጋ ቃንጺ ዬዲዴስ።

1ታሪኬ ማጻፋ 19:4

ሂስቲን ሃኖኔይ ዳዊቲ ኪቲዳ ኣሳታ ኦይኪዲ ኢስታ ቡቻ ሜዲዴስ፤ ኢስታ ማይኦካ ኢስታ ካሎይ ቤታናሼ ጋካናስ ዳኪዲ ኢስታ ዴሬ ዛሪ ዬዲዴስ።

ኢዮቤ ማጻፋ 1:20

ሄሳፌ ጉዬ ኢዮቢ ዴንዲዲ ካዮቲዲ ባ ማይኦዛ ዳኪዴስ፤ ባ ሁኤ ቡሉሲዴስ፤ ቢታን ጉፋኒ ጎይኒዴስ።

ኢሳያሳ ቲንቢቴ 14:31

«ኔኖ ፔንጌዞ! ዉ! ዉይ ጋ፤ ኔኖ ካታማዞ! ዋሳ፤ ኢንቴኖ ፊሊስጼሜ ኣሳቶ! ኢንቴ ኡባይካ ሂርጋን ሴሪቴ! ጋሶይካ ፑዴሃ ባጋፌ ጩዋይ ኢንቴ ቦላ ዪዴስ፤ ሄ ጪፍራፔ ዱጺ ኣታናይ ዴና።

ኢሳያሳ ቲንቢቴ 15:3

ኦጌይ ዲዛሶ ኡባን ማቃ ማይኤቴስ፤ ፖቄታ ቦላኒኔ ዳባባይ ዲዛሶን ዬኬቴስ፤ ኣፉን ጉሴቴስ።

ኢሳያሳ ቲንቢቴ 16:12

ሞኣቤይ ፑዴ ባ ዙምቡላ ቦላ ኬዚኮካ ዳቡራ ጻላ፤ ኢዛ ዎሳስ ባ ኤቃ ኬ ጌሊኮካ ጎኣይ ዴና።

ኢሳያሳ ቲንቢቴ 16:7

ሄሳ ጊሻስ ሞኣቤቲ ዋሳና፤ ኢሲ ቦላ ሞኣቤስ ዬካና፤ ቂሬ-ሄሬሴቴ ካታማ ኣሳ ጊሻስ ዩሺ ቆፒዲ ካዮቲሼ ዬካና።

ኢሳያሳ ቲንቢቴ 22:12

ሄ ጋላስ ጎዳይ ኡባፌ ዎልቃማ ጾሳይ ኢንቴ ዬካና ማላኔ ዋሳና ማላ፥ ኢንቴ ሁኤ ቢናና ቡጫና ማላኔ ማቃ ማይኣና ማላ ጼይጊዴስ።

ኢሳያሳ ቲንቢቴ 3:24

ሺቶ ጺንቆን፥ ዳንጮ ዎዶሮን፥ ጎፋሬ ቦኣን፥ ሴሎ ማይኦ ማቃን፥ ፑላቴ ፒጌን ላማና።

ኤርማሳ ቲንቢቴ 3:21

ኢስቲ ጎዳ ባንታ ጾሳ ባሊዲ ባንታ ኦጌ ጌላሲዳ ጊሻስ ኢስራኤሌ ዴራ ዋሶይ፥ ሚሻ ዬሆይ ኣይኮይ ባይንዳ ዙምቡላታ ቦላ ሲዬቴስ፤

ኤርማሳ ቲንቢቴ 47:2

ጎዳይ፥ «ቤኢቴ፥ ፑዴሃ ባጋን ሃ ኩሚ ኩሚ ቤስ፤ ዎልቃማ ዲኦ ጊዳና፤ ዴሬዮኔ ኢዚ ጊዶን ዲዛይታ ኡባ ኢዚ ካታማታኔ ካታማታን ዲዛ ኣሳ ኡባ ሚታና። ዴሬዚካ ባ ቃላ ቁ ሂስቲ ዋሳና፤ ሄ ቢታን ዲዛ ኣሳይ ኡባይ ጫሞ ዬሆ ዬካና።

ኤርማሳ ቲንቢቴ 47:5

ጋዛይ ካዮስ ባ ቢናና ሜዴታና፤ ኣስቄሎናይ ባ ዶና ቦላ ኩሼ ዎና፤ ኢንቴኖ ዴምባ ቦላ ጫሻ ኣቲዳይቶ! ኢንቴ ኣይዴ ጋካናስ ኢንቴ ቦላ ቃጪሼ ዳኔ?

ኤርማሳ ቲንቢቴ 48:1

ሞኣቤ ጊሻስ ኡባፌ ዎልቃማ ጎዳ ኢስራኤሌ ጾሳይ፥ «ኔቦይ ያና ጊሻስ ኢዚስ ኣዬ ኣና! ቂሪያታይሜይ ካዉያናኔ ኦይኬታና፤ ሚጻቲካ ኦይኬታናኔ ላሌታና።

ኤርማሳ ቲንቢቴ 48:18

«ሞኣቤ ይሳናይ ኔ ቦላ ያና፤ ጊምቤቲዳ ኔ ካታማታ ኢዚ ይሳና፤ ሃኔ ዲቦኔ ናዬ! ኔ ቦንቾዛፔ ዱጌ ዎ፤ ሜላ ቢታ ቦላ ዎ ኡታ።

ኤርማሳ ቲንቢቴ 48:31

ሄሳ ጊሻስ ታኒ ሞኣቤስ ዬካይስ፤ ሞኣቤ ዴሬ ኡባስ፥ ‹ዉ! ዉይ› ጋይስ፤ ቂሬ-ሄሬሴ ኣሳሲካ ዬሆ ጬንጉርስ ሲሳይስ።

ኤርማሳ ቲንቢቴ 48:35

ቃሶሆታ ቦላ ያርሺዛይታኔ ባንታ ኤቃ ጾሳታስ ኤጻኔ ጩዋሲዛይታ ታኒ ሞኣቤ ቢታፌ ይሳና።

ኤርማሳ ቲንቢቴ 49:3

ሃኔ ሃሴቦኔ! ኣዬ ካታማይ ይዳ ጊሻስ ዬካ፤ ኤራባ ማጫ ናይቶ ዋሲቴ፤ ማቃ ማይኢዲ ዬኪቴ፤ ጋሶይካ ሚልኮሜይ ባ ቄሴታራኔ ባ ሹሜታራ ዲኤቲዲ ባና፤ ዲርሳ ጊዶን ያኔ ሃ ዎጼሬቲቴ።

ኤርማሳ ቲንቢቴ 7:29

ሃንቆይ ኢዛ ቦላ ጋኪዳ ሃ ዬሌታ ጎዳይ ካዳ ጊሻሲኔ ኣጊዳ ጊሻስ ኢንቴ ሁኤ ሜዲዲ ዎራ ዬጊቴ፤ ኣይኮይካ ባይንዳ ዙምቡላታ ቦላ ኬዚዲ ዚላሊቴ› ጋ» ጌስ።

ሂዚቄላ ቲንቢቴ 27:31

ኔ ጊሻስ ካዮቲዲ ባንታ ሁኤ ቡሉሳና፤ ማቃካ ማይኣና፤ ዎዚናፔ ጬጪዲ ጫሞ ዬሆ ኔስ ዬካና።

ሂዚቄላ ቲንቢቴ 30:2

«ሃይሶ ኣሳ ናዉ! ሃይሳ ማላ ጋዳ ቲንቢቴ ዮታ፡ ኡባ ሃሪዛ ጎዳይ፥ « ‹ዉ! ዉይ› ጋ ዋሳ፤ ‹ሄ ጋላሳይስ ኣዬ ኣና!› ጋ።

ሂዚቄላ ቲንቢቴ 7:18

ኢስቲ ማቃ ማይኣና፤ ኢስቲ ዳጋማን ሺሮታና፤ ኢስታ ኡባ ኣይፌሶይ ዬላ ማይኣና፤ ኢስታ ኡባ ሁኤይካ ቡሊሴታና።

ሌዌታ ማጻፋ 13:40

«ኢሳዴስ ሁኤ ኢስኬይ ጉዬ ባጋራ ዎይኮ ሲን ባጋራ ቦኣቲኮ ሄሳዴ ቦኣይ ኢዛ ቱኒሴና።

ሌዌታ ማጻፋ 21:5

« ‹ቄሴታፔ ኦኒካ ሃይቂዳዴስ ሚሼቲዲ ባ ሁኤ ቢናና ቡጮፖ፤ ባ ቡቼካ ቡጮፖ፤ ባ ቦላካ ቃጪ ማዱንፎ።

ኣሞጼ ቲንቢቴ 8:10

ኢንቴ ላይን ላይን ቦንቺዛ ባኣሌዛ ዬሆን ላማና፤ ኢንቴ ዬጺዛ ዬካ ዋሶን ላማና፤ ዲዛ ፔጺ ኢሲ ናይ ሃይቂን ጫሞ ዬሆ ዬኪዛ ኣሳ ማላ ኢንቴ ኢንቴ ሁኤ ቢናና ቡጪዲ ማቃ ማይኣና ማላ ታኒ ኢንቴና ኦና፤ ሄ ዉርሴ ጋላሳይ ጫሞ ጋላስ ጊዳና።

ታይቦ ማጻፋ 21:28

ሃሴቦኔፔ ታማይ ኬዚዴስ፤ ላጮይካ ሲሆኔ ካታማፔ ኬዚዴስ፤ ሞኣቤ ዴሬን ኤሬ ጌቴቲዛሶዛ ይሲዴስ፤ ኣርኖኔ ቦላ ጌዜ ቢታን ዲዛ ሃላቃታካ ዲፒ ሂስቲዴስ።

ታይቦ ማጻፋ 21:30

ሄሳ ጊሻስ ኢስታ ዜሬይ ሙሌራ ይዴስ፤ ሃሴቦኔፔ ቢዲ ዲቦኔ ጋካናስ ኖፋፔ ቢዲ ሜዴባ ጋካናስ ዲዛ ኡባ ፒስኪ ሂስቲ ላሊዶስ» ጊዳ።

ታይቦ ማጻፋ 32:3

«ጎዳይ ኢስራኤሌ ኣሳን ጾኒሲዳ ኣጻሮቴ ዴሬይ፥ ዲቦኔ ዴሬይ፥ ኢያዜሬ ዴሬይ፥ ኒምራ ዴሬይ፥ ሃሴቦኔ ዴሬይ፥ ኤልኤሌ ዴሬይ፥ ሲቢማ ዴሬይ፥ ኔቦ ዴሬይኔ ባኦኔ ዴሬይ ሜሄስ ሎኦ፤ ኑስካ ዳሮ ሜሄይ ዴስ።

ታይቦ ማጻፋ 32:38

ሄሳካ ጉዬፔ ኢስታስ ሱንይ ላሜቲዳ ኔቦ፥ ባኣሊ-ሜኦኔኔ ሴባማ ካታማታ ዛሪ ጊምቢዳ፤ ሄ ካታማታ ኡባታስ ኦራ ሱን ሱንዳ።

ዛሬ ማጻፋ 14:1

ኢንቴ ጎዳ ኢንቴ ጾሳ ናይታ፤ ሄሳ ጊሻስ ሃይቂዳ ኣሳስ ሚሼቲዲ ኢንቴ ቦላ ቃጪ ማዱንፍቴ፤ ኢንቴ ሁኤ ቢናናካ ቡጮፍቴ።

ዛሬ ማጻፋ 34:1

ሙሴይ ሞኣቤፔ ዴንዲ ፑዴ ኔቦ ዙማ ቦላ ኬዚዴስ፤ ኢያርኮፌ ኣርሼይ ሞኪዛ ባጋራ ዲዛ ፑዴ ፒዝጋ ዙማ ጼራ ጋኪዴስ፤ ኢዚ ሄን ዲሺን ጎዳይ ጋላኣዴፔ ቢዲ ዳኔ ጋካናስ ዲዛ ቢታ ኡባ ቤሲዴስ።