ኢሳያሳ ቲንቢቴ 1:7 - ጋሞ ማጻፋ

⁷ ኢንቴ ዴሬይ ኣይኮይ ባይንዳ ባዞ ጊዳና፤ ኢንቴ ካታማቲ ታማን ጹጌታና፤ ኢንቴ ኣይፌይ ጼሊሺን ኢንቴ ቢታ ኣላጋይ ቦንቂ ኤካና፤ ኢስቲ ኢንቴ ቢታ ቡላ ኬሳና።

Geeshsha Maxaafa

⁷ Intte derey aykkoy baynda bazzo gidana; intte katamati taman xuugettana; intte ayfey xeellishin intte biitta allagay bonqqi ekkana; istti intte biitta bula kessana.

ኢሳያሳ ቲንቢቴ 1:7 Iomraidhean Croise

2ታሪኬ ማጻፋ 28:5

ሄሳ ጊሻስ ኢዛ ጎዳ ጾሳይ ኢዛ ኣራሜ ካዎ ኩሼን ኣ ኢሚዴስ፤ ኢስቲ ኢዛ ጾኒዲ ኢዛ ኣሳፔ ዳሮ ኣሳ ዲኢ ዳማስቆ ኤፊዳ፤ ቃሴካ ጎዳይ ኢዛ ኢስራኤሌ ካዎ ኩሼን ኣ ኢሚን ካዎዚ ኢታ ሾች ሾጪዴስ።

ዬ ማጻፋ 107:34

ሄን ዴኢዛ ኣሳ ኢታቴ ጋሶን ኣራዳ ቢታዮ ኣይኮ ዶሊሶንታ ማጺኔ ቢታ ኦዴስ።

ዬ ማጻፋ 107:39

ሜቶን፥ ዋዬኒኔ ጬጬን ጾኔቲን ኢስታ ቆዳይ ጉጺዴስ።

ዬ ማጻፋ 109:11

ኢዛ ኣቆታ ኡባ ኣጮ ኣዋይ ላቶ፤ ኢዚ ዳቡርዲ ኬሲዳ ኡባ ኣላጋይ ቦንቆ!

ኢሳያሳ ቲንቢቴ 1:8

ጺዮኔ ናያ ዎይኔ ሚ ጊዶን ዲዛ ጋባ ማላ፥ ሌሌሄ ጊዶን ዲዛ ቄሪ ኬ ማላኔ ሞርኬይ ጊዶዳ ካታማ ማላ ጊዳዱስ።

ኢሳያሳ ቲንቢቴ 3:8

ዬሩሳላሜይ ጋንዲጋራዉስ፤ ዩሁዳይካ ኩንዳና ማታዱስ፤ ጋሶይካ ኢስቲ ባንታ ሃሳያኒኔ ኦሶን ጎዳራ ኤቄቲሼ ኢዛ ቦንቾዛ ቶቼቴስ።

ኢሳያሳ ቲንቢቴ 34:9

ኤዶሜ ካንቼቲ ሺዳ ጊዳና፤ ኢዚ ቢታይ ጹጌቲዛ ዲኔ ጊዳና፤ ኢዚ ቢታይ ሺዳ ማላ ኤጻና።

ኢሳያሳ ቲንቢቴ 49:19

«ኔ ላሌታዳ ቡላ ጊዲኮካ፥ ኔ ቢታይ ሙሌራ ይኮካ፥ ሃች ኔኒ ኔ ዴሬዛስ ጹን ጊዲኮካ፥ ኔና ሚቲዳይቲ ኔፔ ሃካና።

ኢሳያሳ ቲንቢቴ 5:17

ሄ ዎዴ ዶርሳቲ ባንታ ቆሮን ሄሜቲዛ ማላ ሄሜታና፤ ዶርሳ ላቃቲ ላሌቲዳ ዱሬታ ኬታ ሶሆን ማታ ማና።

ኢሳያሳ ቲንቢቴ 5:9

ኡባፌ ዎልቃማ ጎዳይ ታኒ ታ ሃይራ ሲዪሺን፥ «ጊታ ኬቲ ካይዚ ኣታና፤ ሄ ሎኦ ኬታን ዴኣናስ ኣሲ ያና።

ኢሳያሳ ቲንቢቴ 6:11

ታኒካ፥ «ኣቤት ጎዳዉ! ሃይሲ ኣይዴ ጋካናስ ሃናኔ?» ጋዲስ። ኢዚካ ዛሪዲ ታስ፥ «ካታማቲ ኢስታን ዴኢዛ ኣሲ ዪን ኢስቲ ላሌታና ጋካናስ፥ ኬቲካ ኡባይ ካይዛና ጋካናሲኔ ቢታይካ ሙሌራ ኣይኮይ ባይንዳ ቡላ ጊዳና ጋካናሳ።

ኢሳያሳ ቲንቢቴ 60:15

«ሃኔ ኢጼታዳ ዬጌቲዳሬ፥ ኦኒካ ኔ ጊዶራ ካን ቢዛሮ ጊዶንታ ኣጊኮካ ታኒ ኔና ሜርና ጬቆሲኔ ዬሌታ ኡባስ ኡፋይስ ሂስታና።

ኢሳያሳ ቲንቢቴ 62:8

ጎዳይ ባ ኡሻቻ ኩሼኒኔ ባ ዎልቃማ ቄሴን፥ «ሃይሳፌ ጉዬ ታ ኢንቴ ካ ኢንቴ ሞርኬታስ ቁማ ጊዳና ማላ ኢሚኬ፤ ቃሴ ኢንቴ ዳቡሪ ኬሲዳ ኦራ ኡሻ ኣላጋቲ ኡዬቴና።

ኢሳያሳ ቲንቢቴ 64:10

ኔ ጌሻ ካታማቲ ኣይኮይ ባይንዳ ባዞ ጊዲዳ፤ ጺዮናካ ኣይኮይ ባይንዳ ባዞ ቢታ ጊዳዱስ፤ ዬሩሳላሜይካ ዬጌታ ኣታዱስ።

ኢሳያሳ ቲንቢቴ 9:18

ዴራ ኢታቴ ኪንዲቾኔ ኣጉን ጹጊዛ ታማ ማላ፤ ፒ ጊዳ ዎራይ ጹጌቲሺን ኬዚዛ ጩዋ ቱሳ ማላ ሲቲ ጊዲ ፑዴ ኬዜስ።

ኢሳያሳ ቲንቢቴ 9:5

ኦላንቻታ ጫማይ ኡባይ፥ ሱን ሞሬቲዳ ማይኦ ኡባይካ ታማን ዱኔ ጊዲ ኤጻና።

ኤርማሳ ቲንቢቴ 2:15

ጋሞቲ ኢዛ ቦላን ጻጊዳ፤ ኢስቲ ባንታ ቃላ ቁ ሂስቲዲ ኢዛ ቦላ ጋርማሚዳ፤ ኢስቲ ኢዛ ቢታ ቡላ ኬሲዳ፤ ኢዛ ካታማቲካ ጹጌቲዳኔ ካይዚዳ።

ኤርማሳ ቲንቢቴ 4:7

ጋሞይ ባ ዲዛሶፔ ኬዚዴስ፤ ካዎቴታ ይሲዛይ ኪቴቲዴስ፤ ኔ ቢታዮካ ቡላሳናስ ባ ዲዛሶፔ ኬዚዴስ፤ ኔ ካታማቲ ላሌታና፤ ኩንዲዲካ ካይዚ ኣታና።

ኤርማሳ ቲንቢቴ 44:6

ሄሳ ጊሻስ ዩሁዳ ካታማታ ቦላኔ ዬሩሳላሜ ኦጌታ ቦላ ታ ሃንቆይኔ ባሺ ዎዲ ታማ ማላ ኤጺዴስ፤ ሃች ኢንቴ ቤኢዛ ማላ ኦኒካ ዶንታ ማላ ላሌቲዳሶ ጊዲዴስ።

ኤርማሳ ቲንቢቴ 6:8

ሃኔ ዬሩሳላሜ ናጌታ፤ ኔ ኣካይ ጊኮ ታ ኔፔ ሻኬታና፤ ቃሴ ኔ ቢታካ ቡላሳና» ጌስ።

ኤርማሳ ቲንቢቴ 7:34

ታኒ ኢሊሲ፥ ኡፋይሳ ጬንጉርሲኔ ሚሺራታ ጬንጉርስ ዩሁዳ ካታማታፔኔ ዬሩሳላሜ ኦጌታፔ ይሳና፤ ቢታያካ ቡላ ጊዳ ኣታና» ጌስ።

ኤርማሳ ዚላስ 5:2

ኑ ቢታ ኣላጋቲ ላቲዳ፤ ኑ ኬካ ባስ ዱሳሶ ኦዳ።

ሂዚቄላ ቲንቢቴ 25:4

ኣርሼይ ሞኪዛ ባጋራ ዲዛ ዴሬዛስ ኢንቴ ሃሬታና ማላ ታ ኢንቴና ኣ ኢማና። ኢስቲካ ኢንቴ ጊዶን ባንታ ዱንካኔ ቶኪዲ ዳና፤ ኢንቴ ሚታ ኣይፌ ማና፤ ኢንቴ ማካ ኢስቲ ኡያና።

ሂዚቄላ ቲንቢቴ 30:12

ኣባዬ ሻፋ ታኒ ሜሊሳና፤ ቢታዮካ ኢታ ኣሳታስ ባይዛና፤ ኣላጋታ ኩሼን ቢታዮኔ ኢዚን ዲዛ ኡባ ታ ቡላ ሂስታና፤ ታኒ ጎዳይ ሃይሳ ዮታዲስ።

ሆሴኤ ቲንቢቴ 7:9

ኣላጋቲ ኢስታ ዎልቃ ሚዳ፤ ጊዶ ኣቲን ኢስቲ ሄሳ ኤሪቤቴና። ኢዛ ሁኤይ ፑሉን ጫዲዴስ፤ ጊዶ ኣቲን ኢዚ ሄሳ ኤሪቤና።

ሆሴኤ ቲንቢቴ 8:7

ኢስቲ ጫርኮ ዜሪዲ ጎቴ ሺሻና፤ ቡጻ ቦላ ኣይፌይ ዴና፤ ሌይካ ቤቴና፤ ኣይፊኮካ ኣላጋቲ ማና።

ሌዌታ ማጻፋ 26:33

ታ ኢንቴ ቦላ ኦላ ኤሃዳ ኢንቴና ኣይዛቤታ ጊዶን ላላና፤ ታኒ ታ ማሻ ኬሳዳ ኢንቴና ጎዳና፤ ኢንቴ ካዎቴይ ኣሲ ባይንዳ ቢታ ጊዳና፤ ኢንቴ ካታማቲካ ላሌታና።

ሌዌታ ማጻፋ 26:34

ኢንቴ ኢንቴ ሞርኬታ ቢታን ዲዛ ዎዴ ኢንቴ ቢታይ ካይስ ጊዲዛ ጊሻስ ሼምፖ ዴማዳ ሳምባታ ላይታን ኡፋዬታና።

ሚኪያሳ ቲንቢቴ 5:11

ኢንቴ ቢታን ዲዛ ካታማታካ ይሳና፤ ኢንቴ ሚጻታካ ኡባ ላላና።

ሚኪያሳ ቲንቢቴ 6:13

ሄሳ ጊሻስ ታ ኔና ይሳና ዴንዳዲስ፤ ኔ ናጋራ ጌዶን ታ ኔና ላላና።

ዛሬ ማጻፋ 28:33

ኔ ቢታ ካ ኣይፌኔ ኔ ዳቡራ ኬሲዳ ኡባ ሃራ ዴሬ ኣሲ ማና፤ ኔኒ ኔ ዴኦ ኡባን ኡንኤቲዳዴኔ ቆሄቲዳዴ ጊዳና።

ዛሬ ማጻፋ 28:43

ኔ ዎልቃይ ዳቡሪ ዳቡሪ ቢሺን ኔ ዴሬን ዲዛ ቤቴ ኣሳ ዎልቃይ ሚኒ ሚኒ ባና።

ዛሬ ማጻፋ 29:23

ሄ ቢታያ ሙሌራ ጹጌቲዳ ማጺኔኔ ዲኔ ጌቴቲዛ ቢዲን ጊዳና፤ ኢሲ ሚሺካ ኢዚን ቶኬቴና፤ ኣይ ሚሺካ ኢዚን ሞኬና፤ ኢዚን ፑዴ ዲጪዛ ሚሺ ቤቴና፤ ኢዚ ቦላ ጋካና ኩንዴ ጎዳይ ኬሂ ሼኔቲዲ ሙሌራ ይሲዳ ሶዶሜ ማላኔ ጋሞራ ማላ፥ ኣዳማ ማላኔ ጻቦይሜ ማላ ጊዳና።