ኬሳ ማጻፋ 11:3 - ጋሞ ማጻፋ

³ ጎዳይካ ጊብጼ ኣሳይ ኢስራኤሌ ኣሳስ ኪያቴ ኦና ማላ ኦዴስ። ቃሴ ሙሴይ ባ ባጋራ ጊብጼ ቢታን ካዎይ ሱንዳ ዳናታኒኔ ኣሳን ኬሂ ዳሮ ቦንቼቲዳ ኣሳ ማላ ጼሌቲዴስ።

Geeshsha Maxaafa

³ GODAYKKA Gibxe asay Isra7eele asaas kiyateth ooththana mala ooththides. Qasse Musey ba baggara Gibxe biittan kawoy sunththida daannataninne asan keehi daro bonchchettida asa mala xeelettides.

ኬሳ ማጻፋ 11:3 Iomraidhean Croise

ሜቴ ማጻፋ 12:2

«ታኒ ኔና ጊታ ካዎቴ ኦና፤ ቃሴካ ኣንጃና፤ ኔ ሱን ጊታሳና፤ ኔካ ሃራታስ ኣንጆ ጊዳና።

ሜቴ ማጻፋ 39:21

ጊዶ ኣቲን ዮሴፌይ ሄን ቃሾ ኬን ዲዛ ዎዴ ጎዳይ ኢዛራ ዴስ። ጾሲ ቃሾ ኬን ኢዛራ ዲዛ ባ ኪያቴ ኢዛስ ዳርሲዴስ። ቃሴካ ቃሾ ኬ ሃላቃዛ ሲንን ኢዛስ ቦንቾ ኢሚዴስ።

2ሳሜላ ማጻፋ 7:9

ኔ ቢዳሶ ኡባን ታ ኔናራ ጊዳዲስ፤ ኔ ሞርኬታ ኡባ ታ ኔ ሲንፌ ይሳዲስ፤ ሃኢካ ኢስታ ሱንይ ቢታ ቦላ ኬሂ ኤሬቲዳ ዳሮ ጊታ ኣሳታፔ ኢሳ ሱን ማላ ታ ኔ ሱን ቂሳና።

ኣስቴሪ ማጻፋ 9:4

ማርዲኪዮሲ ካዎ ኬን ኤሬቲዳዴ ጊዲዴስ፤ ኢዛ ጎባቴ ዴሬ ኡባን ሴቴቲዴስ፤ ኢዛ ዎልቃይካ ሚኒ ሚኒ ቢዴስ።

ዬ ማጻፋ 106:46

ኢስታ ዲኢዳ ኡባይ ኢስታስ ቃታና ማላ ኦዴስ።

ኬሳ ማጻፋ 12:35

ኢስራኤሌ ኣሳይ ሙሴይ ኢስታ ኣዛዚዳ ማላ፥ ጊብጼ ኣሳ ቢራ፥ ዎርቃኔ ማይኦ፥ «ኢሚቴ» ጊ ኦይቺዴስ።

ኬሳ ማጻፋ 12:36

ጎዳይ ጊብጼ ኣሳ ሲንን ኢስራኤሌ ኣሳይ ሳቤታና ማላ ኦዳ ጊሻስ ጊብጼ ኣሳይ ኢስታ ኦይቺዳይሳ ኡባ ኢሚዳ። ሄሳ ሂስቲዲ ኢስታ ጊብጼ ኣሳታ ኣቆ ቡሪ ኤኪ ቢዳ።

ኬሳ ማጻፋ 3:21

«ኢንቴ ኬኢዛ ዎዴ ጊብጼ ኣሳይ ኢንቴስ ኪያና ማላ ታ ኦና ጊሻስ ኬኢሼ ሜላ ኩሼ ኬኤኬታ።

ኢሳያሳ ቲንቢቴ 60:14

ኔና ኡንኤዳይታ ኣቱማ ናይቲ ዚጊሼ ኔኮ ያና፤ ኔና ካዳ ኡባቲ ኔ ቶሆ ቦላ ኩንዳና፤ ‹ሃኔ ጎዳ ካታማዬ! ኢስራኤሌስ ጌሻ ሚሽ ጊዲዳ ጺዮኔ› ጊ ጼይጋና።

ሃዋሬታ ኦሶ 7:22

ሙሴይካ ጊብጼታ ኣ ኤራቴ ኡባ ታማርዴስ፤ ዮኦን ኤራ፤ ኦሶንካ ሚኖ ጊዲዴስ።

ዛሬ ማጻፋ 34:10

ኣሲ ኣሳራ ሃሳይዛ ማላ ጎዳራ ሃሳይዳ ሙሴ ማላ ናቤይ ኢስራኤሌ ቢታን ዴንዲቤና።

ዛሬ ማጻፋ 34:11

ጎዳይ ጊብጼ ካዎዛኮ፥ ኢዛራ ኦዛ ሃላቃታኮኔ ኩሜ ኣሳኮ ዬዲዲ ኢዛ ባጋራ ኦራኔ ማላሊሲዛ ሚሽ ኡባ ኦዳ ሙሴ ማላ ሃራ ናቤይ ኦኒካ ዴና።

ኢያሶ ማጻፋ 4:14

ሄ ጋላስ ጎዳይ ኢያሶ ኢስራኤሌ ኣሳ ኡባ ሲንን ቁ ቁ ሂስቲዴስ፤ ኣሳይ ሙሴ ቦንቺዳ ማላ ኢያሶካ ኢዚ ዲዳ ላይ ኡባን ቦንቺዴስ።

ዮሃኒሳ ኣጁታ 3:9

ሄሳ ጊሻስ ባስ ኣይሁዳ ጊዶንታ ዲሼ ባና ኣይሁዳ ጊዛይቲ ሄይቲ ጻላኤ ማባራፔ ጊዲዳ ዎርዶቲ ዪዲ ኔ ቶሆ ቦላ ኩንዳና ማላ ታ ኦና፤ ታኒ ኔና ሲቂዳይሳ ኢስቲ ኤራና ማላ ታ ኦና።