ኣስቴሪ ማጻፋ 7:10 - ጋሞ ማጻፋ

¹⁰ ሄሳ ጊሻስ ማርዲኪዮሳ ካቃና ጊዲ ጊግሲዳ ኮጫ ቦላ ኤፊዲ ሃማ ካቂዳ፤ ሄሳፌ ጉዬ ካዎዛ ሃንቆይ ኢርጺዴስ።

Geeshsha Maxaafa

¹⁰ Hessa gishshas Mardikiyoosa kaqqana giidi giigsida koca bolla efidi Haama kaqqida; hessafe guye kawoza hanqoy irxxides.

ኣስቴሪ ማጻፋ 7:10 Iomraidhean Croise

ዬ ማጻፋ 7:16

ኢዚ ኤሂዛ ጌኔይ ኢዛ ሁኤስ ሲሜስ፤ ኢዛ ማካላይካ ሲሚዲ ኢዛስ ጊዴስ።

ዳኔላ ቲንቢቴ 6:24

ሄሳፌ ጉዬ ካሴ ዳኔላ ዎርዶራ ሞቲዳ ኣሳቲ ባ ማቼታራ፥ ባ ናይታራ ኦይኬቲ ዪዲ ጋሞታ ኦላን ዬጌታና ማላ ካዎዚ ኣዛዚን ጋሞታ ኦላን ኢስታ ዬጊዳ፤ ኢስቲ ኦላን ዱጌ ጋኮንታ ዲሺን ጋሞቲ ፑዚ ዬጊዲ ኢስታ ሜቄታ ኒፊፊ ሂስቲ ሜንሬዳ።

ሂዚቄላ ቲንቢቴ 5:13

«ሄሳፌ ጉዬ ታ ሃንቆይ ዶቻና፤ ኢስታ ቦላ ቦሻይካ ሲማና፤ ታ ኢስታ ቦላ ሃሎ ኬሲኮ ታስ ዎፑ ጋና፤ ታ ኢስታ ቦላ ባሻ ጋዳፔ ጉዬ ታኒ ጎዳይ ዚልኤታ ሃሳይዳይሳ ኢስቲ ኤራና።

ዳናታ ማጻፋ 15:7

ሳምሶኔይ ኢስታስ፥ «ኢንቴ ሄሳ ኦዳ ጊሻስ ታኒ ሃሎ ኬሶንታ ኣጊኬ» ጊዴስ።

ዛካራሳ ቲንቢቴ 6:8

ቃሴካ ኪታንቻዚ ታስ፥ «ፑዴሃ ባጋ ዴሬታ ቢዳ ፓራቲ ታ ኣያና ሼምፒሲዳ» ጊዲ ባ ቃላ ቁ ሂስቲ ዮቲዴስ።

ኣስቴሪ ማጻፋ 2:1

ሄሳፌ ጉዬ ካዎ ኣርጼኪሲሲ ኢዛ ሃንቆይ ኢርጺዳፔ ጉዬ ኣስጺና ኦዳይሳኔ ኢዚካ ኢዚ ቦላ ኬሲዳ ኣዋጃ ቆፒዴስ።

ሜቴ ማጻፋ 40:22

ጊዶ ኣቲን ካዎዚ ካ ካዛይታ ሃላቃ ዮሴፌይ ኢዛ ኣጉሞ ቢርሺዳ ማላ ኢዛ ካቂሲዴስ።

ኣስቴሪ ማጻፋ 5:14

ኢዛ ማቼያ ዞሳራይኔ ኢዛ ላጌቲ ኡባይ፥ «ኔኒ 50 ዋ ኣዱሳ ኮጫ ኤሲሳ፤ ሂስታዳ ዎንቶ ዎንታራ ማርዲኪዮሲ ሄ ኮጫ ቦላ ካቄታና ማላ ካዎዛስ ዮታ። ሄሳፌ ጉዬ ኡፋዬታሼ ካዎዛራ ኢሲፌ ጊቢራሶ ባንዳሳ» ጊዳ። ሄ ቆፋዚ ሃማ ኬሂ ኡፋይሲን ካቃናሶዛካ ጊግሲዴስ።

ኣስቴሪ ማጻፋ 7:7

ካዎዚ ኬሂ ሃንቄቲዲ ባ ኡቲዳሶሆፔ ዴንዲ ኤቂዴስ፤ ባ ኡሻ ኣጋጊዲ ካዎ ኬ ኣታኪልቴይ ዲዛሶዛ ቢዴስ። ጊዶ ኣቲን ሃማይ ካዎይ ኢዛ ቦላ ኢታ ሚሽ ኤሃናስ ቃቺዳይሳ ኤሪዳ ጊሻስ ጎዳቴያ ኣስቴራ ኢዛ ሃይቆፔ ኣሻና ማላ ዎሳናስ ጉዬ ኣቲዴስ።

ኣስቴሪ ማጻፋ 7:8

ካዎዚ ካዎ ኬ ኣታኪልቴይ ዲዛሶሆፔ ሲሚዲ ጊቢራ ኬ ጌሊዛ ዎዴ ሃማይ ጎዳቴዮ ኣስቴሪፔ ማሬታና ጊዲ ኢዛ ኡቲዳ ኣርጄታ ቦላን ጉፋኒዳይሳ ቤኢዴስ። ሄሳፌ ጉዬ ካዎዚ ኬሂ ሃንቄቲዴስ፤ ባ ቃላካ ቁ ሂስቲዲ፥ «ሃይሲ ኣዴዚ ታ ኣይፌይ ቤኢሺን ታ ኬን ጎዳቴዮ ኦይካና ኮይዜ?» ጊዴስ። ካዎዚ ቡሮ ሄሳ ሃሳያ ቦላ ዲሺን ካዎ ጉንዱላቲ ዪዲ ሃማ ኣይፌሶ ጎዚዳ።

ዬ ማጻፋ 94:23

ኢስታ ኢታቴ ጊሻስ ኢዚ ኢስታ ቃጻያና፤ ኢስታ ናጋራ ጊሻስ ኢዚ ኢስታ ይሳና፤ ጎዳ ኑ ጾሳይ ኢስታ ዲፒ ሂስታና።

ሌሚሶ ማጻፋ 11:27

ሎኦ ሚሽ ሚን ኮይዛዴ ሎኦ ሚሺ ናጌስ፤ ጊዶ ኣቲን ኢታ ሚሽ ኮይዛዴ ኢታ ሚሺ ጋኬስ።

ሌሚሶ ማጻፋ 26:27

ሃራታስ ኦላ ቦኪዛ ኣሲ ሄ ኦላን ባስ ኩንዳና፤ ሃራታ ቦላ ሹች ቡሉሊዛ ኣሳ ቦላ ሄ ሹቻይ ሲሚ ኢዛ ቦላ ኩንዳና።

ኤርማሳ ቲንቢቴ 34:17

ሄሳ ጊሻስ ታኒ ጎዳይ፥ «ኢንቴ ታስ ኣዛዜቶንታ ኢጺዲ ኢንቴ ኢሻታኔ ኢንቴ ዳቦታ ኣይሌቴፌ ላኣ ዬዲዛ ኣዋጃ ኣዋጂቤኬታ፤ ቤኢቴ ታኒ ኢንቴ ቦላ፥ ‹ላኣ› ኣዋጃ ኣዋጃና፤ ሄሲካ ኦላን፥ ኢታ ሃርጌኒኔ ኮሻን ኢንቴ ኩንዳና ኣዋጃ፤ ታኒ ኢንቴና ሳኣ ቦላ ዲዛ ካዎቴቲ ሻጴቲዛ ሚሽ ኦና።

ኣስቴሪ ማጻፋ 8:7

ሄሳፌ ጉዬ ካዎ ኣርጼኪሲሲ ጎዳቶ ኣስቴሪሲኔ ኣይሁዳ ኣስ ማርዲኪዮሳስ፥ «ሃማይ ኣይሁዳታ ዎናስ ኣዋጃ ኬሲዳ ጊሻስ ታኒ ሚ ኮጫ ቦላ ኢዛ ካቂሲዳይሳኔ ኢዛ ሃሮካ ኡባ ጎዳቶ ኣስቴሪስ ኢሚዳይሳ ኢንቴ ኤሬታ።

ኣስቴሪ ማጻፋ 9:14

ሂስቲን ካዎዚ ሄሲ ሃናና ማላ ኣዛዚዴስ፤ ኣዋጃይካ ሱሳ ካታማን ናምኣን ኣዋጄቲን ሃማ ናይታ ታማታ ኣሃይ ካቄቲዴስ።

ኣስቴሪ ማጻፋ 9:25

ሄ ማቆይ ካዎዛ ማታን ኤሬቲዳፔ ጉዬ ሃማይ ኣይሁዳታ ቦላ ማቄቲዳ ኢታ ማቆይ ዉሪ ጉዬ ሲሚዲ ኢዛ ቦላ ፖሌታና ማላ ኢዚኔ ኢዛ ናይቲ ሚ ቦላ ካቄታና ማላ ጹፌን ኣዛዚዴስ።

ኢዮቤ ማጻፋ 18:8

ኢዚ ባርካ ቢዲ ዎጺማዴን ጌላና፤ ኢዛ ቶሆይካ ጊቴን ቃጼታና።

ኢዮቤ ማጻፋ 20:8

ኣጉሞ ማላ ቲምኢ ጊ ይዛ ጊሻስ ቤቴና፤ ኦማርሳ ኤሉን ማላ ኢዚ ያና።

ዬ ማጻፋ 37:15

ጊዶ ኣቲን ኢስታ ማሻይ ኢስታስ ዎዚና ኣይፌን ጌላና፤ ኢስታ ዎንዳፌይካ ሜቃና።

ሌሚሶ ማጻፋ 11:8

ጺሎይ ሜቶፔ ኣቴስ፤ ጊዶ ኣቲን ሜቶይ ኢታ ኣሳ ቦላ ጋኬስ።

ዳኔላ ቲንቢቴ 6:25

ሄሳፌ ጉዬ ካዎ ዳሪዮሲ ኣላሜ ቦላ ዲዛ ዴራስ፥ ካዎቴታሲኔ ዱማ ዱማ ቃላን ሃሳይዛ ኣስ ኡባስ ሃይሳፌ ካሊዛ ኪታ ጻፊ ኪቲዴስ፤ «ሳሮይ ኢንቴስ ጊዶ!