1ጺምቶሳስ 2:4 - ጋሞ ማጻፋ

⁴ ኢዚ ኣሲ ዉሪ ኣታና ማላኔ ቱማ ኤራና ማላ ኮዬስ።

Geeshsha Maxaafa

⁴ Izi asi wuri attana malanne tumaa erana mala koyees.

Gamo Geesha Maxxafa New Testamen

⁴ Izi asi wuri attana malane tuma erana mala koyees.

1ጺምቶሳስ 2:4 Iomraidhean Croise

ኢሳያሳ ቲንቢቴ 45:22

«ኢንቴኖ ቢታ ጋጻን ዴኢዛ ኡባቶ! ታኮ ሲሚዲ ኣቲቴ። ታኒ ጾሳ፤ ታፔ ኣቲን ሃራይ ዴና።

ኢሳያሳ ቲንቢቴ 49:6

«ኔኒ ታስ ኦሳንቻ ጊዴ፥ ያቆቤ ቆሞታ ኔ ዛራናይሲኔ ታ ናጊዳ ኢስራኤሌ ዛራዳ ኔ ኤሃናይሲ ሄሲ ኔና ዴጼና፤ ቃሴካ ታ ኣቶቴ ቢታ ጋጻ ኔ ጋና ማላ፥ ታኒ ኔና ካዎቴታስ ፖኦ ሂስታና» ጌስ።

ኢሳያሳ ቲንቢቴ 53:11

ኢዛ ሼምፖይ ዋዬቲዳፔ ጉዬ ኢዚ ዴኦ ፖኦ ቤኣናኔ ኡፋዬታና። ታ ጺሎ ኣይሌዚ ባ ኤራቴን ዳሮታ ጺሊሳና፤ ኢስታ ሞሮካ ቶካና።

ኢሳያሳ ቲንቢቴ 55:1

ጎዳይ፥ «ኢንቴኖ ሳሜቲዳይቶ ኡባይካ ሃ ዪቴ! ሃኮ ሃ ዪቴ፤ ኢንቴኖ ሚሺ ባይንዳይቶ ሻሚቴ፤ ሚቴ። ሃ ዪቴ፤ ሚሺ ባይንዳኔ ቃንጾንታ ዎይኔ ኡሺኔ ማ ሻሚቴ።

ሂዚቄላ ቲንቢቴ 18:23

ቱማፔ ናጋራንቻ ሃይቆን ታ ኡፋዬታዚና? ጌስ ኡባ ሃሪዛ ጎዳይ። ሄሳፌ ቦላራ ኢዚ ባ ቢዛ ኢታ ኦጌፔ ሲሚዲ ሼምፖራ ፓጻ ዲኮ ታና ኡፋይሴኔ?

ሂዚቄላ ቲንቢቴ 18:32

ኦኒካ ሃይቃናይሳ ታ ኮይኬ ጌስ ኡባ ሃሪዛ ጎዳይ፤ ታኮ ሃ ሲሚዲ ሼምፖራ ፓጻ ዲቴ» ጊዴስ።

ሂዚቄላ ቲንቢቴ 33:11

ኔኒ ኢስታስ ኡባ ሃሪዛ ጎዳይ፥ ‹ታኒ ታ ዴኦን ጫቃይስ፤ ኢስቲ ባ ኦጌፔ ሲሚዲ ሼምፖራ ፓጻ ዳና ማላ ኣቲን ኢታ ኣሳታ ሃይቆን ታ ኡፋዬቲኬ፤ ሲሚቴ! ኢንቴ ኢታ ኦጌፔ ሲሚቴ! ኢስራኤሌ ኬ ኣሳቶ ኣይስ ሃይቄቲ?› ጋዳ ዮታ።

ኢምባቆ ቲንቢቴ 2:14

ኣባይ ኩሚዛ ማላ ቢታይ ጎዳ ጊታቴ ኤሮን ኩማና።

ማርቆሳ ሚሺራቾ 16:15

ኢስታስካ፥ «ኣላሜ ኡባሶ ቢቴ፥ ሚሺራቾ ቃላ ሜቴ ኡባስ ሳባኪቴ።

ሉቃሳ ሚሺራቾ 1:77

ኣሳይ ባ ናጋራፔ ማሬቲዳ ጊሻስ ዴሬስ ኣቶቴ ኤራቴ ኔ ኢማና ማላ፥

ሉቃሳ ሚሺራቾ 14:23

«ጎዳዚካ ኦሳንቻዛ፥ ‹ጌዴ ኦይዱ ኦጌ ኬዛዳ ታ ኬ ኩማና ማላ ፑዴኔ ዱጌ ኣዛይታ ዎልቃራ ሃ ጌል።

ሉቃሳ ሚሺራቾ 24:47

ዬሩሳላሜፔ ዶሚዲ ኡባ ዴሬስ ናጋራፔ ሲሞይኔ ማሮቴ ኢዛ ሱንን ዮቴታና።

ዮሃኒሳ ሚሺራቾ 14:6

ዬሱሲካ ኢዛስ፥ «ኦጌይኔ፥ ቱማይ፥ ዴኦይካ ታና፤ ታ ባጋራ ጊዲኮፌ ኣቲን ኦኒካ ኣዋኮ ባና ኣሲ ዴና።

ዮሃኒሳ ሚሺራቾ 17:17

ኔ ኢስታ ኔ ቱማን ኔስ ሻካ፤ ኔ ቃላይካ ቱሙ ቃላ።

ዮሃኒሳ ሚሺራቾ 6:37

ታ ኣዋይ ታስ ኢሚዛይ ዉሪካ ታኮ ያና፤ ታኮ ዪዛዴ ታ ካሬ ጎዲኬ።

ኦሮሜ ኣሳስ 11:14

ሄሲካ ታ ባጋ ኣሳቲ ኣሞሳና ማላ ዴንዳ ኢስታፌ ጉ ኣሳታ ኣሻናስ ኡፋይስ ኦይስ።

1ጺምቶሳስ 4:10

ኑ ሄሳስ ጊዲ ዳፌቶሲኔ ዳቡሮስ፤ ሄሲካ ኣሳ ኡባስ ሃራፔካ ኣማኒዛይታስ ኣሺዛ ዴኦ ጾሳን ኑ ሂዶታ ኦዛ ጊሻሳ።

2ጺምቶሳስ 2:25

ኢዚ ባናራ ኤቄቲዛ ኣሳታ ኣሽኬቴራ ኦይኪዛዴ ጊዳናስ ቤሴስ፤ ኦኔ ኤሪዛይ ኢስቲ ቱማ ኤራና ማላ ጾሲ ኢስታስ ማሬታናስ ዎዴ ኢማና ዳንዳዬስ።

2ጺምቶሳስ 3:7

ሄይታ ማላ ማጫሳቲ ኡባ ዎዴ ታማሬቴስ ሺን ቱማ ኤሬቴና።

Titosas 1:1

ጾሳስ ዶሬቲዳይታ ኣማኖኒኔ ቱሙ ኣያናን ካሌዛ ቱማ ኤራቴን ዲቻና ማላ ጾሳ ኣይሌኔ ዬሱስ ኪርስቶሳ ሃዋሬ ጊዲዳ ጳዉሎሳፔ፥

Titosas 2:11

ኣሳስ ኢዛፔ ማሮይ ቤቲዛ ጾሳ ኪያቴ ኣሳ ኡባስ ቆንጪዴስ።

Ibirawe 10:26

ኑኒ ቱማ ሻኪ ኤሪዲ ኤኪዳይሳፌ ጉዬ ኤሪሼ ናጋራ ኦኮ ሃይሳፌ ጉዬ ናጋራ ጊሻስ ሺቃናስ ሃራ ያርሾይ ዴና።

ያቆቤ ኪታ 3:14

ቃሴ ጫሞኔ ቃናቴይ፥ ኢንቴና ጻላ ዶሲዛ ሃኖይ ኢንቴ ዎዚናን ዲዛ ጊዲኮ ኦቶሬቴ ኢንቴስ ሲዬቶፎ፤ ቱማካ ካዶፍቴ።

2ጴጽሮሳ ኪታ 3:9

ኢሲ ኢሲ ኣሳታስ ሚሳቲዛ ማላ ጎዳይ ባ ዮቲዳ ሂዶታ ቃላ ፖላናስ ጋምኤናኮሺን ኣሲ ዉሪካ ማሬታና ማላኔ ኣይ ኣሲካ ዮንታ ማላ ኮዪዲ ኢዚ ኢንቴ ጊሻስ ታኬስ።

2ዮሃኒሳ ኪታ 1:1

ታፔ ጪማዛፔ፥ ቱማፔ ታ ዶሲዛ ዶሬቲዳ ጎዳቴይሲኔ ኢዚ ናይታስ፥ ታና ጻላ ጊዶንታ ቱማ ኤሪዛይቲ ዉሪ ዶሲዛሪስ ኪቴቲዳ ኪታ።

ዮሃኒሳ ኣጁታ 14:6

ሄሳፌ ጉዬ ቢታ ቦላ ዲዛ ዱማ ዱማ ቃላን ሃሳይዛ ዱማ ዱማ ዴሬታስ፥ ዛርኬታስ፥ ቆሞታስ፥ ኡባስ ዮታናስ ሜርና ሚሺራቾ ቃላ ኦይኪዳ ሃራ ኢሲ ኪታንቻይ ሳሎ ቦላ ፒራሺን ታ ቤያዲስ።