1ታሶሎንቄ ኣሳስ 5:3 - ጋሞ ማጻፋ

³ ኣሳይ፥ «ጋዴይ ሳሮኔ ሎኦኮ» ጊሺን ሚጻይ ቃንራ ዲዛ ማጫስ ኦይኪዛ ማላ ሄሳካ ኣስ ይሲዛይ ቆፖንታ ዲሺን ኣሳ ቦላ ጋካና፤ ኦኒካ ኬሲ ኤኬና።

Geeshsha Maxaafa

³ Asay, «Gadey saronne lo7okko» gishin miixay qanththara diza maccas oykkiza mala hessaththoka as dhayssizay qoppontta dishin asa bolla gakkana; oonikka kessi ekkenna.

Gamo Geesha Maxxafa New Testamen

³ Asay “gadey sarone loo7oko” gishin miixay qanththara diza maccash oyyikiza mala hessathoka asi dhayssizay qoopontta asa bolla gakkana. Oonikka kessi ekkena.

1ታሶሎንቄ ኣሳስ 5:3 Iomraidhean Croise

ኢዮቤ ማጻፋ 15:21

ዳጋንዛ ጊሪስ ኢዚ ባ ሃይን ሲያና፤ ኡባ ሚሺ ሳሮ ሚሳቲዲ ኢዛስ ቤቲዛ ዎዴ ኢዛ ይሲዛ ሚሺ ኢዛ ቦላ ያና።

ኢዮቤ ማጻፋ 24:23

ጾሲ ኢስታ ሳሮን ዳና ማላ ኦኮካ፥ ኢስቲ ቢዛ ኦጌ ኡባ ቲሺ ሂስቲ ጼሌስ

ዬ ማጻፋ 35:8

ኢስቲ ቆፖንታ ዲሺን ባሺ ኢስታ ቦላ ፑቱ ጎ፤ ኢስቲ ዎዳ ዎጺማዴይ ኢስታ ኦይኮ፤ ኢስቲ ኦላን ኩንዲ ዬቶ።

ዬ ማጻፋ 48:6

ኢስቲ ሄሳን ዴኢሺን ኢስታ ያሻ ኮኮሪሲ ኦይኪዴስ፤ ሚጻይ ኦይኪዳ ማጫሳ ማላ ሚጻቲዳ።

ዬ ማጻፋ 55:15

ኢታቴ ኢስታ ዎዚና ጊዶን ዲዛ ጊሻስ ታ ሞርኬታ ቦላ ቆፖንታ ሃይቆይ ጋኮ፤ ሼምፖራ ፓጻ ዲሼ ሞጌቴቶ!

ዬ ማጻፋ 69:22

ኢስቲ ሚዛ ማዳይ ኢስታስ ዎጺማዴ ጊዶ። ኢስቲ ያርሾ ያርሺዲ ሚዛ ማዳይ ኢስታስ ጊቴ ጊዶ።

ሌሚሶ ማጻፋ 29:1

ዳሮ ዎዴ ሴሪን ኢጺዲ ባ ሞርጌ ዞዲሲዳ ኣሲ ሃሳኦንታ ሜቃና፤ ሄሳዴስ ፓጼቴካ ዴና።

ኢሳያሳ ቲንቢቴ 20:6

ሄ ዎዴ ኣባ ማታን ዴኢዛ ዴሬይ፥ ‹ካሴ ኢስቲ ጬቄቲዳይቲ፥ ኣሶሬ ካዎፔ ኣታናሲኔ ላኣ ኬዛናስ ኑ ኢስታ ጊዶን ቆቴቲዳይታ ኣዚ ጋኪዳኮ ኣኔ ጼሊቴ፤ ሂስቲን ኑኒ ዋኒ ኬሲ ኤኪ ኣታኔ? ጋና› » ጊዴስ።

ኢሳያሳ ቲንቢቴ 29:5

ጊዶ ኣቲን ዳሮ ኔ ሞርኬቲ ጉዱላ ሱላ ማላ፥ ሜንጼ ኢታቲ ጫርኮን ቢዛ ሃፓ ማላ ጊዳና፤ ቆፋይ ባይንዳ ዲሺን፥

ኢሳያሳ ቲንቢቴ 30:13

ሃይሲ ሃ ናጋራዚ ጳልቄቲ ኩንዳናኔ ቆፖንታ ዲሺን ኩንዲዛ ጊታ ጊምቤ ማላ ኢስታስ ጊዳና።

ኢሳያሳ ቲንቢቴ 47:11

ባሺ ኔ ቦላ ያና፤ ኔኒ ዎስታ ሙሬና ዛራናኮ ኤራካ፤ ኔ ቃንጾ ኢማዳ ኔ ዳንዳዮንታ ቆሆይ ኔ ቦላ ጋካና። ኔ ቆፖንታ ሜቶይ ኔ ቦላ ዲንጋቴ ያና።

ኢሳያሳ ቲንቢቴ 47:9

ሃ ናምኡ ዮኦቲ፥ ኣምኤቴኔ ዬሊ ን ቆፋይ ባይንዳ ኢሲ ጋላስ ኔ ቦላ ጋኪ ዎና፤ ኔ ኣይ ኬና ቢቲኮካ፥ ኔ ኣይ ኬና ሙሬኒኮካ ኢስቲ ኔ ቦላ ኩሜ ዎልቃራ ያና።

ኢሳያሳ ቲንቢቴ 56:12

ኢስቲ ኢሶይ ኢሳራ፥ «ሃ ዪቴ፤ ዎይኔ ኡሹ ኣኔ ኡዮስ። ኣኔ ማታና ጋካናስ ኡዮስ! ዎንቶይካ ሃቻ ማላ ጊዳና፤ ዎይኮ ሃቺፌካ ኣ ሎኦ ጊዳና» ጌቴታና።

ኤርማሳ ቲንቢቴ 13:21

ኔኒ ኔስ ዳቦ ጊዳና ማላ ኮዪዳይቲ ኔና ጾኒዲ ሃሪዛ ዎዴ ኔ ኣይ ጋኔ? ዬሎ ሚጻይ ኦይኪዳ ማጫሳ ማላ ኔና ሚጻይ ኦይኬኔ?

ኤርማሳ ቲንቢቴ 14:19

ኣቤት ጎዳዉ! ኔኒ ዩሁዳ ሙሌካ ኣጋዲ? ጺዮኔ ኣሳ ሃራሴታዲ? ኔኒ ኑና ፓጾንታ ማላ ኦዳ ኣይስ ዴቻዲ? ኑኒ ሳሮቴ ናጊዶስ፤ ጊዶ ኣቲን ሳሮቴ ዴሚቤኮ፤ «ፓጻና ዎዴይ ያና» ጊዲ ናጊዶስ፤ ጊዶ ኣቲን ዳጋማ ጻላ ጊዲዴስ።

ኤርማሳ ቲንቢቴ 22:23

ሃኔ ሊባኖሴን ዲዛሬ! ኔ ኬ ዚጋ ሚፌ ኬጺዳሬ! ሚጻይ ኦይኪዳ ማጫሳ ማላ ሜቶይ ኔ ቦላ ዪሺን ዋና ዋሳንዲ!» ጌስ።

ኤርማሳ ቲንቢቴ 4:31

ታኒ ኮይሮ ባይራ ና ዬላናስ ሚጻቲዛ ማጫሳ ማላ ኔ ዋሲሺን ታ ሲያዲስ፤ ዬሩሳላሜ ማጫ ናያ ፔኖይ ቱጬታናሼ ጋካናስ ዋሲሺኒኔ ባ ኩሼ ሚጫዳ፥ «ታ ዋኖ! ሄኮ ታና ዎና ጌቴስ!» ጊሺን ሲያዲስ።

ኤርማሳ ቲንቢቴ 6:14

ኢስቲ ታ ዴራ ማዱን ቄሪ ሚሻ ማላ ጼሊዳ፤ ፓጻና ማላ ኮሺዛ ኦሶ ኦቤቴና፤ ሳሮይ ባይንዳ፥ ‹ሳሮ፤ ሳሮ› ጌቴስ።

ኤርማሳ ቲንቢቴ 6:24

ኑኒ ሄ ዮኦ ሲዪን ኑ ቄሴይ ኪምኢሊሽ ጊዴስ። ማጫስ ሚጻይ ኦይኪዳ ማላ ኑና ጬጬይ ኦይኪዴስ።

ኤርማሳ ቲንቢቴ 8:11

ኢስቲ ታ ዴሬዛ ማዱን ቄሪ ሚሻን ቆዲዲ ማዶንታ ሌ ኢሜቴስ፤ ሳሮይ ባይንዳ፥ ‹ሳሮ፥ ሳሮ› ጌቴስ።

ሂዚቄላ ቲንቢቴ 13:10

«ሳሮይ ባይንዳ ዲሺን፥ ‹ሳሮይ ዴስ› ጊሼ ታ ዴራ ባሌቴስ፤ ቃሴ ዴሬዚ ሹች ኬሊሺን ኢስቲ ኣኖን ሜሼቴስ።

ሆሴኤ ቲንቢቴ 13:13

ሚጻይ ኦይኪዳ ማጫሳ ማላ ኢዛ ቦላ ሜቶይ ያና፤ ኢዚ ጊዲኮ ኣ ኤራቴ ባይንዳ ኤያ ና፤ ዬሌቲዛ ዎዴይ ጋኪን ባ ኣዬይ ኡሎፔ ዬሌታናስ ኮዮንታ ና ማላ።

ናሆሜ ቲንቢቴ 1:10

ኢስቲ ኣጉንን ቃጼታና፤ ባ ዎይኔ ኡሻን ኢስቲ ማታና፤ ታማይ ኢስታ ቡጻ ማላ ማና።

Maatosa 23:33

«ኢንቴኖ ዱኪዛ ኢታ ሾሻ ናይቶ! ጋናሜ ታማ ፒርዳፌ ኢንቴ ዋኒ ኣታኔ?

ዮሃኒሳ ሚሺራቾ 16:21

ማጫሲ ዬሎ ዎዴይ ጋኪሺን ሚጻስ ሂርጋዉስ፤ ጊዶ ኣቲን ና ዬላ ዬጊዳፔ ጉዬ ቢታ ቦላ ናይ ዬሌቲዳ ጊሻስ ኡፋይሳፌ ዴንዲዳይሳን ካሴ ባ ዋይዳይሳ ዛራ ቆፑኩ።

ዛሬ ማጻፋ 29:19

ሃ ጫቆ ቃላ ሲዪዲ ባ ዎዚናን፥ «ታኒ ታ ሼኔ ማላ ዲኮካ ታስ ሳሮይ ዴስ» ጊዲ ባና ጪሚኮ ሄሳ ማላ ኣሲ ሎኦታ ቦላኔ ኢታታ ቦላ ባሽ ኤሃና።

2ታሶሎንቄ ኣሳስ 1:9

ኢስቲካ ጎዳ ሲንፌኔ ኢዛ ቦንቾ ዎልቃ ኣቻፌ ኪቺዲ ሜርናስ ዮን ቃጻዬታና።

Ibirawe 12:23

ኢስታ ሱን ሳሎን ጻፌቲዳ ባይራታ ማባራንኮ፤ ኡባስ ዳና ጊዲዳ ጾሳኮ ኢስታ ቦላ ዎሶይ ባይንዳ ጺሎ ኣሳታ ሼምፖይ ዲዛሶ ማቲዴታ።

Ibirawe 2:3

ኑ ቃሴ ሄሳ ማላ ጊታ ማሮቴ ጮ ሌፒ ሂስቲኮ ዋኒ ኣታኔ? ሃይሲ ማሮቴይ ኮይሮ ጎዳ ባጋራ ኑስ ዮቴቲዴስ፤ ኢዛፔ ሲዪዳይቲካ ኑስ ጌሺ ዮቲዳ።

2ጴጽሮሳ ኪታ 2:4

ሃራይ ኣቶሺን ናጋራ ኦዳ ኪታንቻታስ ጾሲ ሚሼቶንታ ኢስቲ ጪማ ጊዲዳ ማ ኦላ ጊዶን ዴኢዲ ፒርዳ ጋላስ ጋካናስ ናጌታና ማላ ጌዴ ጋናሜን ዬጊዴስ።

ዳናታ ማጻፋ 8:11

ጌዶኒ ኖባሄፔኔ ዮጊባሃፔ ኣርሼይ ሞኪዛ ባጋራ ዲዛ ባዞ ጋጻ ኦጌራ ቢዲ ሄሳን ዲዛ ኦላንቻታ ቦላ ኢስቲ ኣኬኮንታ ዲሺን ኦላ ኦይኪዴስ።