1ታሶሎንቄ ኣሳስ 2:1 - ጋሞ ማጻፋ

¹ ኑ ኢሻቶ! ኑ ኢንቴኮን ጋምኢዳ ጋምኦይ ሃዳ ጊዶንታይሳ ኢንቴካ ኤሬታ።

Geeshsha Maxaafa

¹ Nu ishatoo! Nu inttekon gam7ida gam7oy hada gidonttayssa intteka ereeta.

Gamo Geesha Maxxafa New Testamen

¹ Nu ishato nu intekon gammida gammioy coo mela gidonttayssa inteka errista.

1ታሶሎንቄ ኣሳስ 2:1 Iomraidhean Croise

ኢዮቤ ማጻፋ 39:16

ባ ጪዬታስ ኣላጋ ማላ ሜንጼ ኢታዉስ፤ ኢዚ ዳቡራይ ሃዳን ኣቲኮካ ዉዳ ጉኩ።

ዬ ማጻፋ 127:1

ጎዳይ ኬ ኬጾንታ ኣጊኮ ኬጺዛይቲ ጮ ሜላ ዳቡሬቴስ፤ ጎዳይ ካታማ ናጎንታ ኣጊኮ ናጊዛይቲ ጮ ሜላ ዳፌቴቴስ።

ዬ ማጻፋ 73:13

ሂስቲን ታኒ ዎዚና ጌሻቴን ናጊዳይሲ ታና ኣይ ማዲዴ! ታ ኩሼ ታ ጺሎቴን ሜጪዳይሲ ጮ ታና ሊቤና።

ኢሳያሳ ቲንቢቴ 49:4

ጊዶ ኣቲን ታኒ፥ «ታኒ ሜላ ጮ ዳቡራዲስ፤ ጎኣይ ባይንዳ ጮ ሃዳ ሚሻን ታ ዎልቃ ዉርሳዲስ፤ ጊዲኮካ ታ ኦሶዛስ ኩሼ ዛራናይ ጎዳ፤ ታ ዋጋይካ ታ ጾሳ ማታና» ጋዲስ።

ኢሳያሳ ቲንቢቴ 65:23

ኢስታ ዳቡራይ ሃዳ ኣቴና፤ ቃዳ ኢታ ናካ ዬሌቴና፤ ኢስቲኔ ኢስታ ዜሬ ጎዳይ ኣንጂዳ ዴሬ ጊዳና።

ኢምባቆ ቲንቢቴ 2:13

ኣሳ ኦሶይ ኡባይ ታማን ጹጌታና ማላ ዴሬይካ ሜላ ዳቡራና ማላ ጎዳይ ኡባፌ ዎልቃማ ጾሳይ ኡባ ዎቤኔ?

1ቆሮንቶሴ ኣሳስ 15:10

ጊዶ ኣቲን ጾሳ ኪያቴን ሃኢ ታ ሃናናይሳ ሃናዲስ፤ ታስካ ኢሜቲዳ ጾሳ ኪያቴ ሃዳ ጊዲቤና፤ ታኒ ኦናፔካ ቦላራ ዳሮ ሚና ኦዲስ። ጊዶ ኣቲን ሄሳ ኦዳይ ታና ጊዶንታ ጾሳ ኣ ኪያቴ።

1ቆሮንቶሴ ኣሳስ 15:2

ታ ኢንቴስ ሳባኪዳ ቃላ ኢንቴ ሎኤ ኦይኪኮ ሄ ሚሺራቾ ቃላን ኢንቴ ኣታና፤ ሄሳ ማላ ጊዶንታ ኣጊኮ ኢንቴ ኣማኖይ ሃዳ።

1ቆሮንቶሴ ኣሳስ 15:58

ሄሳ ጊሻስ ታ ሲቆ ኢሻቶ! ሚኒ ኤቂቴ፤ ኣይ ሚሻንካ ያርክ ያርኮፍቴ፤ ጎዳ ኦሶስ ኢንቴ ዳቡርዛ ዳቡርሳይ ሃዳ ጊዶንታይሳ ኤሪዲ ኡባ ዎዴ ፓጬይ ባይንዳ ጎዳስ ኦናስ ሚኔቲቴ።

2ቆሮንቶሴ ኣሳስ 6:1

ኑኒ ጾሳራ ኦዛይታ ጊዲዳ ማላ ኢንቴ ኤኪዳ ጾሳ ኪያቴ ጮ ሜላ ኣሾፍቴ ጊሼ ኑ ኢንቴና ዎሶስ።

ጋላቲያ ኣሳስ 2:2

ታስ ቆንጪዳ ጊሻስ ሄ ባዲስ፤ ኣይዛቤታ ጊዶን ታ ሳባኪዛ ሚሺራቾ ቃላካ ኢስታስ ዮታዲስ፤ ጊዶ ኣቲን ታ ካሴ ሜላ ዎጺዳኮ ጋዳኔ ቃሴካ ሲንፌ ጮ ሜላ ዎጾንታ ማላ ሂርጋዳ ዋናቲዛይታስ ዱማ ኤሪሳዲስ።

ጋላቲያ ኣሳስ 4:11

ታ ኢንቴናራ ዳቡርዳይሲ ጮ ሜላ ጊዳንዴ ጋዳ ባባይስ።

ፒሊጲሲዮሴ ኣሳስ 2:16

ኢንቴ ኤኪዳ ዴኦ ቃላ ሎኤ ኦይኪኮ ኪርስቶሲ ሃ ሲሚ ዪዛ ዎዴ ታ ሜላ ዳቡሮንታይሳ ጊሻስ ታ ጬቄታናዚ ታስ ዴስ።

1ታሶሎንቄ ኣሳስ 2:13

ኢንቴ ኑፔ ሲዪዳ ጾሳ ቃላ ኤኪዳ ዎዴ ኣማኒዛ ኢንቴ ኣቻን ቱሙ ኦዛ ጾሳ ቃላ ማላ ኤኪዴታ ኣቲን ጮ ኣሳ ቃላ ማላ ኢንቴ ኤኮንታ ኣጊዳ ጊሻስ ኑኒ ጾሳ ቃንጾይ ባይንዳ ጋላቶስ።

1ታሶሎንቄ ኣሳስ 3:5

ሄሳ ጊሻስ ታ ኣይኮካ ጌንጬጪን ታስ ዳንዳዬቶንታ ኢጺዳ ጊሻስ ኢንቴ ኣማኖ ጊሻስ ኤራናስ ጋዳ ጺምቶሳ ኪታዲስ፤ ታ ሄሳ ኦዳይ ኦኔ ኤሪዛይ ፓጪዛዴይ ኢስታ ፓጪን ሃኒ ዎዴ ኑ ዳቡራይ ዉሪካ ሃዳ ጊዶንታ ኣጌና ጋዳ ባቢዳ ጊሻሳ።

2ታሶሎንቄ ኣሳስ 1:10

ኢስቲ ቃጻዬታናይ ኢዚ ጌሻታ ኣቻን ቦንቼታናሲኔ ኣማኒዛይቲ ዉሪ ኢዛን ማላሌታና ማላ ኢዚ ዪዛ ጋላሳን ሃናና፤ ኢንቴካ ሄ ኣማኒዛ ኣሳራ ዳና፤ ጋሶይካ ኑ ኢንቴስ ማርካቲዳይሳ ኢንቴ ኣማኒዳ ጊሻሳ።

2ታሶሎንቄ ኣሳስ 3:1

ዉርሴን ታ ኢሻቶ! ቃሴካ ጎዳ ቃላይ ኢንቴ ኣቻን ሃኖይሳካ ኤሌሊ ኡባሶ ጋካና ማላኔ ቦንቼታና ማላ ኑስ ዎሲቴ።