Ibru 7:10 - Kandawo Jisas Kandjiyebe Wopake

¹⁰ Melkisedek po Abraam kani kune ge, Abraam wombaye Lipai una namoi. Ba Abraam ga are kuya mal moi pille, Abraam bill taimane i Melkisedek awi ge, yene wombaye Lipai una are moye ge i Melkisedek awi mal embe pai.

Ibru 7:10 Iomraidhean Croise

Ibru 5:6

Baibel tambiye ta pai al ge God embe dji, Ege ege, ni opa gale awi una mopen, pora nadjinda. Iwa Melkisedek opa gale awi una moi mal embe mopen (Buk Song 110.4)

Ibru 7:11

Asa Mosis lo pai mal pille, Lipai una ge opa gale awi, epil ta man. Ba opa gale awi una kogo ye awi ge, God nale al wambo pai, kiwa namoi. Namoi pille, opa gale awi iwa gun ta wonda mal pai. Melkisedek moi mal une embe moi, Lipai una ne, Aron moi mal une embe namoi.

Ibru 7:5

Alla, Abraam gollye Israel una epil 12 pela moi ge kune kune moi ba, Lipai opa gale awi una moi ge djineke agane kambono bill 10 pela taimanta bolo i ga aunebe dje Mosis loye embe dji.

Ibru 7:9

Alla, Abraam kamasa bill taimanta i Melkisedek awi al ge, Abraam wombaye una Lipai moi ge, yenekne bill to i Melkisedek awi mal embe pai.