Ibru 2:17 - Kandawo Jisas Kandjiyebe Wopake

¹⁷ Embe yei pille, yene age kambono moi mal embe kaima moi. Une una wombe namoika, une nono wandill golo awo, God kogoye dji mal wopake ye, nono opa gale awi iwa kerman ge namoika, nono God nale al wambo djingdjang napanda mopon ge kune nayeika.

Ibru 2:17 Iomraidhean Croise

Rom 15:17

Na Jisas Krais kandjiye al po God kogoye embe ye wanill mal ge na kandjina amblo pla worno paro,

Rom 5:10

Nono God boll kunda yemyem mopin ba yene wariye goi al ge, nono i taimane wori. Wori al ge wal kerman paro. Alla, i taimane wori mormon ge, une iwa gun moro pille, nono er take dje nambon, une i yem djinda. Djinda al ge wal kerman plakill paro.

Epesus 2:16

Une iko pera al goi ge ye epil djelldjell moi ge, i taimane wordaka God boll moye dje pille goi. Asa ye djelldjell molo kunda yemoi ge, pora djinda dje pille goi.

Kolosi 1:21

Asa ye nomane ke pa singare ke yei ge, ye God boll kunda ye djelldjell molo pai.

Ibru 10:21

Nono opa gale awi iwa kerman God unakiye kantau yendo pille,

Ibru 2:11

Embe pille, une yei al ge, nono God wombaye mopin, une nono boll epilye taimane mormon, nono Nane taimane moro. Ge pille Jisas ngandjill nagoro, ga na agana ambana mor we djindo.

Ibru 2:14

God wombaye kambono mor ge, una wombane mor. Ge pille, Jisas para une una wombe moi. Alla, una gor me ge, Satan kantau yemoi ba Jisas una wombe molo goi pille, une Satan kamblo kal woro keri, kune yei.

Ibru 2:16

Une tau agelo kambono ge amblo pille dje auno dje nayei, man. Une Abraam wombaye ge amblo pille dje auno dje yei.

Ibru 3:1

Embe yei pille, agana ambana wopake, ye kupill al po moye una ge, ye Jisas pille aune. Yene kandjiye dje pene woro aunmon iwa ge, une aposel molo, nono opa gale awi iwa kerman moro.

Ibru 3:2

Ge God dje wori Jisas po kandja dji mal kaima yei. Una moi ge God numbiye mal embe molmaka God kandja dji mal ge Mosis po ga boll ye kune yei.

Ibru 3:5

God numbiye al ge, Mosis po boi kogo ye, God kandja dji mal kaima yei. God kandja kaima are dje pene worda mal ge, Mosis kogo embe yei ge su dal yei.

Ibru 4:14

Embe pille, nono opa gale awi iwa kermanke ge une er kupill al pakna pi, ge Jisas God wariye moro. Une embe yei pille, nono pillgi dje, nomane une aupin mal ge, i yem nadjimbon.

Ibru 4:15

Nono yembene naparo mal embe nono opa gale awi iwa kerman ge une pille kane yendo. Satan nono kamalne tondo mal embe une embe toi ba Jisas singare ke ta nayei.

Ibru 5:1

Juda una opa gale awinj una kerman kambono mor ge, God dje worika ga lotu yene mal kambono ge, una pille God kogoye yei. Juda una yenekne singare ke yei ge, God i worda dje pille opa gale God awo, wal iwo God awo embe yei.

Ibru 5:10

Alla, God dje pene woro embe dji, Melkisedek opa gale awi iwa moi mal ge, Jisas embe moi we dji.

Ibru 5:2

Ba una yembene naparo mal embe, Juda una opa gale awi una kerman mor ge, ga para yembene naparo. Ge pille, una nomane pa kune nayenda er take dje pine mor ge, ga kambono boll kandja kosilleba dje aune kune yendo.

Ibru 5:5

Embe mal ge, Krais na opa gale awi iwa kerman moyo, na kandjina kerman panda we nadji, man. God yene dje wori Krais po kogo ge yei. God embe dji, Ni na warna moren Ipon na ni nan moro we dji (Buk Song 2.7)

Ibru 6:20

Ge Jisas nono are wombon dje yene asamoll er rum kembis ge numog pi. Une ege ege opa gale awi iwa kerman moro, Melkisedek moi mal ge une embe moro.

Ibru 7:26

Iwa opa gale awi iwa ge nono amblo pille dje aunda kune kaima yendo. Une wopake ta mal moro. Wambo naparo, kiwa kaima moro. God i pla kupill al wori iwa kerman moro, una singare ke yenj ge ellke kaima mor.

Ibru 7:28

Asa Mosis dji opa gale awi una ge, kogo yembon dje yei ba ga makimb una moi, kogo yei kune nayei. Ba alla are, God kandja dongall dje gu yale pagle, yene wariye dje wori woi. Iwa ge molo panda iwa, ege ege molo pa punda.

Ibru 8:1

Nono kandja manda djinmon ge, me embe mal paro. Nono opa gale awi iwa moro ge kupill al po God King kerman moi una agle woto ami dje moi.

Ibru 8:3

Opa gale awinj iwa kerman kambono kogone embe paro. God inda wal awo, opa gale awo embe yenj. Yenj mal embe opa gale awi Iwa Kermanke djinmon ge, une para opa ye aunda.

Ibru 9:11

Embe pille, wal wopake woi wal ge, Krais opa gale awi iwa kerman molo kantau yendo. Lotu sel numb une er numog pi numb ge, wopake uro kaima paro, makimb al embe nayero, una aglene pall nataki.