Ibru 1:8 - Kandawo Jisas Kandjiyebe Wopake

⁸ Ba yene wariye moi al ge une kandja embe dje awi, O God, ni king moren ge, molo pamben, pora nadjinda. Ni unaken kantau yenden al ge, ni singare du dje eri yenden.

Ibru 1:8 Iomraidhean Croise

Matyu 1:23

Ye pillme! Ambo ta iwa boll aike napambell ba, womba moglo wariye kuya. Kandjiye Emanuel we djine we dji (Aisaia 7.14) Ge me embe mal paro, God nono boll moro.

Jon 10:30

Na Nena boll taimane mormoll.

Jon 10:33

Djika ga embe dji, ni kogo wopake ta yen pille ku tambon dje nayenmon. Ni una moren ba ni God mal moyo dje yenden ge, no ni ku tambon we dji.

Jon 20:28

Djika Tomas embe dji, ni na Iwa Kerman moren. Ni na Godna moren we dji.

Rom 9:5

Juda una gollne moi ge kandjine kerman pai. Alla are iwa Krais makimb al woi ge une Juda una moi. Une God kaima moi. Wal porapora ge une kantau yemoraka, ege ege yene kandjiye amblo pla worbon mal pai, kaima.

1 Korin 15:25

Ge Krais King molo pa pundaka, ege ta yenda kune, kundayem una kamblo kal worda.

1 Timoti 3:16

God singare yendo mal ge, er pene woi, wal kermanke paro. Nono kane kune yenmon ge embe. Une ge, una wombe kaima molo woi, una kani. Wo singare du dje kaima yei mal yei ge, God Murble ombine dje awi, tau agelo kambono kani. Yene kandjiyebe pai ge, una po epil djell una dje awi pi. Wo moi ge, makimb al una pillgi dji. Alla God i pla worika, une kandjiye kerman pai moro.

2 Pita 1:11

Alla, nono i yem wori Iwa Kerman Jisas Krais ge yendaka, yene dumoye wopake ege ege kantau yendo al ge ye pakna woneke God ye wo pille, djembon to aunda.

1 Jon 5:20

Nono kanmon, God wariye er kal woi pora dji. Wariye ge nono God kandja kaima djindo una pille kane yembon dje pille nono nomane amblo au dje aundo. God kandja kaima djindo iwa ge nono une boll mormon, nono une wariye Jisas Krais boll mormon eri. Iwa ge God kaima moro, nono gun molo pambon ge, une wal ne moro.