Alikamú 18:8 - Monó Gotola Gosohá

⁸ Loko loaká imó nenazo, gamena hamó zupahé ámina apatoka vegená mukí kivise asú iti netá mukí utó o amitize. Guivahani Ómasi eza amuzalagímo lihimavaláa napasotató nene heleaká netá itó mulúini gitihiná oaká netá itó gaúna heleaká netá utó okiko, ámina apató lolímo lo asú inogo ive, loko limó.

Alikamú 18:8 Iomraidhean Croise

Alikamú 17:16

Itó sipivala 10 ániganimó nene kugulizaki ve napa 10-agi itó hela netá napamagi nene mokoló venáma mukahá apiliiki ahelú ikiko, agupe zapakó minoko helekiko, mémela nikiko, lumáa nene lolímo lanogo ive.

Alikamú 18:19

Liki liiki goihá lánehá iki ive nama iki miniki láa liki litave: Agae, agae. Apá napamave. Age nagamikú sipi amelage ámina apalímini netá matalalotí henokanóinigi lilí iaká a vegená keza galinali gámekokó pizekave liki linigave.

1 Koliti 10:22

Guivahanímini izapaló molative liki niahe. Ehe, lelí zámuzámo aí nene avilegenamive.

Alikamú 19:3

Liki liake Ómasi agepoka lilo liki goha liki goha liki apá napamaló ló lokilaváa iteva iteva oko mino lúaló moloko minanogo ive liki lamó.

Alikamú 18:17

Lá animóza, imane henokanokama galinali lapuluva noinae liki linigave. Itó nagamikú sipi amelage itó áminagú veno vegená itó sipigú hozaváa aliaká ve itó age nagamikú pisinisi hoza aliaká a ve keza ámina iki ló lokilaváa itekiko ánigiiki hotó miniki

Alikamú 17:18

Itó vená makó ániganimó nene numuni apá napámini avevezaha noive. Ámina apá nenémo nene numutó namató kugulizaki vetini apá gotola loló okiko gelekelé itiki minatave loko nenémini zámuza aleneive, loko limó.

Alikamú 11:17

Guivahani Ómasi osá amosá ve neneka, geza minanimó itó itínagi nominane. Amuzaka napa ale atalokanike gugulizaki minoko gizapa okimiaká hozaga apí oko ale utó nomolanikumú gegepoka nolune.