Matfey 6:2 - Enі Baalantı

² Ölä ki, açan yapêrsın bir yardım, ötmä, nicä yapêrlar ikiüzlülär sinagogalarda hem sokaklarda, insan onnarı metetsin deyni. Dooru söleerim sizä, onnar şindän sora kabletti ödeklerini.

Ени Бааланты

² Ӧлӓ ки, ачан йапэрсын бир йардым, ӧтмӓ, ниӂӓ йапэрлар икиӱзлӱлӓр синагогаларда хем сокакларда, инсан оннары мететсин дейни. Доору сӧлеерим сизӓ, оннар шиндӓн сора каблетти ӧдеклерини.

Matfey 6:2 Iomraidhean Croise

Matfey 15:7

İkiüzlülär! Dooru prorokluk etti sizin için İsaya, açan dedi:

Matfey 16:3

Sabaalän deersiniz: „Büün boran olacek, zerä gök kırmızı hem bulutlu“. İkiüzlülär, gök üzünü tanımaa bilersiniz, ama vakıtların nışannarını tanımêêrsınız?

Matfey 22:18

Ama İisus, bileräk onnarın kötü neetlerini, dedi: «Neçin Beni deneersiniz, ikiüzlülär?

Matfey 23:5

Hepsini insana göstermäk için yapêrlar. Dua paçkalarını büüldeerlär, ruba eteklerini uzun püsküllärlän yapêrlar.

Matfey 23:6

Severlär oturmaa öndeki erä konak sofralarında hem ilk skemnelerä sinagogalarda.

Matfey 24:51

çok düüyecek, onu ikiüzlülärlän bir erä koyacek. Orada olacek aalamak hem diş gıcırdatması.

Matfey 5:18

Zerä dooru söleerim sizä: okadar vakıt, nekadar gök hem er geçmeyecek, geçmeyecek bir dä nokta, bir dä çizgi Zakondan, hepsi tamannanmayınca.

Matfey 6:16

Açan oruç tutêrsınız, gücenik durmayın, nicä ikiüzlülär. Onnar güçlendirerlär üzlerini, ki insana gösterilsinnär, ani oruç tutêrlar. Dooru söleerim sizä, ani onnar şindän sora kablettilär ödeklerini.

Matfey 6:3

Açan sän iilik yapêrsın, bilmesin sol elin, ne yapêr saa elin.

Matfey 6:5

Açan dua edersin, olma nicä ikiüzlülär, angıları beenerlär dua etmää ayakça sinagogalar içindä hem sokak köşelerindä, insan görsün deyni. Dooru söleerim sizä, onnar şindän sora kabletti ödeklerini.

Matfey 7:5

İkiüzlü, ilkin çıkar kazıı kendi gözündän da sora açık görecän, nesoy çıkarmaa kıymıı kardaşının gözündän.

Mark 12:39

Severlär oturmaa ilk skemnelerä sinagogalarda hem ön erlerä konak sofralarında.

Mark 7:6

İisus cuvap etti onnara: «İkiüzlülär! Dooru prorokluk etti sizin için İsaya, nicä var yazılı: „Bu insan ikramnêêr Beni sade aazınnan, ama üreklerinnän uzak Bendän durêr.

Luka 11:41

Yapın iilik, ne var sizdä, ozaman sizin için hepsi temiz olacek.

Luka 11:43

Vay sizä, fariseylär! Zerä siz sinagogalarda seversiniz oturmaa ilk skemnelerä, beenersiniz, insan seläm versin sizä meydannarda.

Luka 12:33

Satın ne var sizdä, da yapın iilik. Kendinizä eskimäz keselär hazırlayın – geçmäz zenginnik göklerdä, nereyi hırsız sokulmêêr hem güvä imeer.

Luka 12:56

İkiüzlülär, erin hem gökün üzünü annamaa bilersiniz. Nasıl bu vakıtları tanımêêrsınız?

Luka 13:15

Saabi cuvap etti ona: «İkiüzlülär, herkeziniz cumertesi günü götürmeersiniz mi, çözüp ahırdan öküzü eki eşää, sulayasınız?

Luka 20:46

«Korunun bilgiçlerdän, angılar severlär gezmää uzun rubaylan hem beenerlär insan selämnesin onnarı meydannarda. Severlär oturmaa ilk skemnelerä sinagogalarda hem öndeki erlerä konak sofralarında.

Luka 6:24

Ama vay sizä, zengin olannar, zerä siz burada oldunuz sefalıkta!

Luka 6:42

Nasıl sän deyäsin kardaşına: „Kardaş, brak, çıkarayım kıymıı senin gözündän“, açan kendi gözündä kazık durêr? İkiüzlü, ilkin çıkar kazıı kendi gözündän da sora açık görecän, nasıl çıkarmaa kıymıı kardaşının gözündän.

İoan 13:29

Kimisi sanardı, çünkü İuda taşıyardı keseyi, İisus istedi ona demää: «Satın al, ne lääzım bizä yortu için, eki ver bişey fukaaralara».

İoan 5:41

Bän kabletmeerim insandan metinnik.

İoan 5:44

Nesoy var nicä siz inanasınız, açan aarêêrsınız metinnik biri-birinizdän, ama aaramêêrsınız metinnii, ani geler bir Allahtan.

İoan 7:18

Kim lafeder kendindän, o kendinä metinnik bakêr, ama kim onun yollayanın metinniini bakêr, o dooru söleer, onda yok yannışlık.

Yaptıklar 10:2

Dinni hem Allahtan korkan bir adamdı, nicä herkez onun evindä. Çok yardım edärdi insana hem herzaman Allaha dua edärdi.

Yaptıklar 10:31

O dedi: „Korniliy, senin duan işidildi, da Allah aklına getirdi senin iiliklerini.

Yaptıklar 10:4

O baktı uz ona da, ürküp, dedi: «Ne var, Saabim?» Angil cuvap etti: «Senin duaların hem iiliklerin etiştilär Allaha, da O aklına getirdi onnarı.

Yaptıklar 11:29

Ozaman üürenicilär kararladı herkezi, kuvedinä görä, yollasın yardım kardaşlara, angıları yaşardılar İudeyada.

Yaptıklar 24:17

Çok yıllardan sora geldim, ki getireyim yardım milletimä hem kurban Allaha.

Yaptıklar 9:36

İoppiya kasabasında vardı bir üürenici karı, adı Tavifa, ani annaması Serna. O herzaman iilik yapardı hem fukaaralara yardım edärdi.

Romalılara 12:8

Becerärseydi girginnetmää, girginnetsin. Becerärseydi payetmää, cömertliklän payetsin, ne var onda. Önderciseydi, çalışkan olsun. Kim başkalarına yardım eder, bunu yapsın sevinçlän.

1 Korіnflіlerä 13:3

Eer bütün varlıımı baaşlarsaydım, ki doyurayım fukaaraları, eer güüdemi ateşä verirseydim, ama sevgim yoksaydı, bana bundan hiç bir fayda olmaz.

Galatіyalılara 2:10

Salt dedilär, fukaaralara yardım vermää unutmayalım, bän dä bu işi yapmaa havezdim.

Efeslіlerä 4:28

Kim hırsızlık yapardı, şindän sora hırsızlık yapmasın. Tersinä, çalışsın da kendi ellerinnän faydalı işlär yapsın, ki olsun kolay yoklukta olannara yardım etsin.

1 Salonіklіlerä 2:6

İnsannardan metinnik aaramadık, ne sizdän, ne dä başkasından.

1 Tіmofeyä 6:18

iilik yapsınnar, ii işlärlän zenginnensinnär, cömert hem başkalarlan paylaşmaa hazır olsunnar.

Fіlіmona 1:7

Zerä biz pek sevindik hem üreklendik senin sevgin için, zerä seninnän, kardaşım, hoşlandı ayozların ürekleri.

Çıfıtlara 13:16

Unutmayın iilik yapmaa hem ne var sizdä payetmää, zerä butürlü kurbannarı Allah beener.

1 Petrіnіn 4:11

Lafedärseydi birisi, ko Allahın sözünü sölär gibi lafetsin. İzmet edärseydi birisi, izmet etsin o kuvetlän, ne Allahtan verili, ki hepsindän metinnensin Allah İisus Hristos aracılıınnan. Hristoza düşer metinnik hem kuvet diveçtän divecä. Amin.