Matfey 5:19 - Enі Baalantı

¹⁹ Ölä ki, kim bunnardan en küçük sımarlamayı basacek da ölä başkasını da üüredecek, ona denecek en küçük Gök Padişahlıında. Ama hepsi, kim tamannayacek hem başkasını da ölä üüredecek, ona en büük Gök Padişahlıında denecek.

Ени Бааланты

¹⁹ Ӧлӓ ки, ким буннардан ен кӱчӱк сымарламайы басаӂэк да ӧлӓ башкасыны да ӱӱредеӂек, она денеӂек ен кӱчӱк Гӧк Падишахлыында. Ама хепси, ким таманнайаӂэк хем башкасыны да ӧлӓ ӱӱредеӂек, она ен бӱӱк Гӧк Падишахлыында денеӂек.

Matfey 5:19 Iomraidhean Croise

Matfey 11:11

Dooru söleerim sizä, ani onnardan, kim karıdan duudu, yok başka birkimsey taa büük İoan Vaatizedicidän. Hep okadar en küçüü Gök Padişahlıında taa büük ondan.

Matfey 19:28

İisus cuvap etti: «Dooru söleerim sizä, ani açan Adam Oolu oturacek Kendi metinniindä, çorbacılık skemnesindä, eni zamanda, siz, ani geldiniz Benim ardıma, oturacenız oniki çorbacılık skemnelerindä, daava keseräk İzrailin oniki tamızlıına.

Matfey 20:26

Ama sizin aranızda bölä olmasın. Kim sizdän isteer büük olsun, o izmetkär olsun kalanına.

Matfey 28:20

Üüredin, hepsini tamannasınnar, ne sizä sımarladım. Da biliniz, Bän olacam sizinnän her gün, zamanın bitkisinädän». /Amin./

Luka 1:15

O Allahın önündä olacek bir büük adam. İçmeyecek şarap hem başka sersem edän içkileri. Taa duumaktan o dolu olacek Ayoz Duhlan.

Luka 11:42

Vay sizä, fariseylär, zerä siz verersiniz onuncu payını naanedän, sedef otundan hem başka eşilliklerdän, ama unudêrsınız dooruluu hem Allahın sevgiliini. Bunnarı lääzım yapasınız, kalanını da brakmayasınız!

Luka 9:48

da dedi onnara: «Kim kableder bu uşaa Benim adıma, o Beni kableder. Kim kableder Beni, o kableder Onu, Kim Beni yolladı. Zerä kim en küçük aranızda, o en büüktür».

Yaptıklar 1:1

İlk kiyadımda yazdım, Feofil, ne yaptı hem ne üüretti İisus baştan,

Romalılara 3:8

Neçin demeyelim «Kötülük yapalım, ki bundan iilik çıksın»? Kimisi bizi kötüleer hem söleer, ani biz ölä deeriz. Onnar, nicä düşer, daavalı olaceklar.

Romalılara 6:1

Ne deyecez, günahta mı kalalım, ki Allahın iivergisi zeedelensin?

Romalılara 6:15

Şindi ne deyecez? Çünkü zaplı diiliz Zakonnan, ama Allahın iivergisinnän, günah mı yapalım? Olmaz!

1 Tіmofeyä 6:11

Ama sän, Allah adamı, kaç bunnardan da izlä dooruluu, Allahın yolunu, inanı, sevgilii, dayanmayı, yalpaklıı.

Tіta 3:8

Aslıdır bu söz, da bän isteerim, ani sän bunnarı kaavileyäsin, ki onnar, kim Allaha inandı, baksınnar kendilerini vermää ii işlerä, zerä bunnar ii hem faydalı adama.

1 Petrіnіn 5:4

Açan gelecek Büük Güdücü, edeneceniz bir sörpeşmäz şannı feneţ.

1 İoanın 3:4

Kim günah yapêr, o zakonu basêr, zerä günah – zakonsuzluk.

Apokalіpsіs 2:20

Ama Bendä var birkaç maana sana karşı: sän brakêrsın İezavel karıyı, ani sayêr kendini prorok, üüretsin hem aldatsın Benim çıraklarımı, ki orospuluk yapsınnar hem isinnär idollara baaşlanmış kurban yaanısından.