Matfey 12:14 - Enі Baalantı

¹⁴ Fariseylär çıktılar dışarı da annaştılar, nesoy öldüräbilsinnär İisusu.

Ени Бааланты

¹⁴ Фарисейлӓр чыктылар дышары да аннаштылар, несой ӧлдӱрӓбилсиннӓр Иисусу.

Matfey 12:14 Iomraidhean Croise

Matfey 26:4

Da annaştılar, nesoy şalvirliklän tutsunnar İisusu da öldürsünnär.

Matfey 27:1

Açan sabaa oldu, büük popazlar hem halk aksakalları annaştılar İisusu öldürsünnär.

Mark 14:1

İki gün kaldıydı Paskellä hem Hamursuz yortuyadan. Büük popazlar hem bilgiçlär aarardılar kolaylık, nicä İisusu şalvirliklän tutsunnar da öldürsünnär.

Mark 3:6

Fariseylär çıktılar dışarı da çabuk İrodun adamnarınnan annaştılar, nesoy öldüräbilsinnär İisusu.

Luka 22:2

Büük popazlar hem bilgiçlär aarardılar kolaylık İisusu öldürsünnär, ama insandan korkardılar.

Luka 6:11

Fariseylär kudururdular üfkedän. Onnar lafettilär biri-birinnän, ne yapsınnar İisuslan.

İoan 10:31

İudeylär enidän taş aldılar, taşlan ursunnar Ona.

İoan 10:39

Onnar enidän baktılar tutsunnar Onu, ama O kurtuldu onnarın elindän.

İoan 11:53

O gündän sora neetlendilär, ki öldürsünnär Onu.

İoan 11:57

Ama büük popazlar hem fariseylär sımarladıydılar, ani kim annayacek, neredä İisus, haberlesin onnara, ki onnar tutsunnar Onu.

İoan 5:18

Onuştan iudeylär taa çok bakardılar öldürsünnär Onu, zerä diil sade ani basardı cumertesini, ama Allaha deyärdi: «Benim Bobam», koyarak Kendini Allahlan bir.

İoan 7:30

Onnar bakardılar tutsunnar Onu, ama kimsey el koyamadı Ona, zerä gelmediydi vakıdı.

İoan 7:32

Fariseylär işittilär insanı bölä fısırdaşarak İisus için. Büük popazlar hem fariseylär yolladılar bekçileri, ki tutsunnar İisusu.

İoan 7:44

Kimisi baktılar tutsunnar Onu, ama kimsey el koyamadı Ona.

İoan 8:59

Ozaman aldılar taş, ki taşlan ursunnar Ona, ama İisus saklandı, sora çıktı Ayoz binadan, /geçip onnarın arasından, gitti/.