Mark 13:8 - Enі Baalantı

⁸ Zerä millet milletä karşı hem padişahlık padişahlaa karşı kalkacek. Kimi erlerdä olacek er tepremeleri, aaçlık /hem karışmalık/. Bunnar duuma sancıların başlantısı.

Ени Бааланты

⁸ Зерӓ миллет миллетӓ каршы хем падишахлык падишахлаа каршы калкаӂэк. Кими ерлердӓ олаӂэк ер тепремелери, аачлык /хем карышмалык/. Буннар дуума санӂыларын башлантысы.

Mark 13:8 Iomraidhean Croise

Matfey 24:8

Ama hepsi bunnar salt büük kahırların çeketmesi.

Mark 13:7

Açan işideceniz cenk uultusu hem cenklär için haber, korkmayasınız. Zerä bunnar lääzım olsun, ama bu taa diil bitkisi.

Mark 13:9

Ama siz esap alın kendinizä, zerä vereceklär sizi daavalara, düüyeceklär sinagogalarda, Benim beterimä çıkaraceklar kullanıcıların hem padişahların önünä, ki şaatlık edäsiniz onnara.

Yaptıklar 11:28

Onnardan birisi, adı Agav, kalkıp haberledi Ayoz Duhlan, ani olacek büük aaçlık bütün dünnedä, nicä da sora oldu imperator Klavdiyin vakıdında.

1 Salonіklіlerä 5:3

Ozaman, açan deyeceklär «usluluk hem korkusuzluk», ozaman ap-ansızdan bela üstlerinä gelecek, nicä karının duumak sancıları, da kurtulamayaceklar.

Apokalіpsіs 6:4

Yollandı bir royba beygir. Onun üstündä atlı olana verildi izin er üstündän usluluu alsın, da ozaman insan biri-birini öldürsün. Atlıya bir büük kılıç da verildi.