Koloslulara 2:15 - Enі Baalantı

¹⁵ Gökteki kullanıcıların hem zaabitlerin silählarını aldı, stavrozlan gezdirip onnarı ensemäk paradında, herkezin gözü önündä utandırdı.

Ени Бааланты

¹⁵ Гӧктеки кулланыӂыларын хем заабитлерин силӓхларыны алды, ставрозлан гездирип оннары енсемӓк парадында, херкезин гӧзӱ ӧнӱндӓ утандырды.

Koloslulara 2:15 Iomraidhean Croise

Matfey 12:29

Nesoy var nasıl birkimsey girsin kaavi olanın evinä da çalsın onun varlıını, eer ilkin baalamarsaydı onu? Salt ondan sora var nasıl soysun onun evini.

Luka 10:18

İisus dedi: «Gördüm şeytanı, angısı düştü göktän, nicä bir çimçirik.

Luka 11:22

Ama açan geler onun üstünä birkimsey, taa kaavi ondan, da enseer onu, ozaman alêr kuvetlän onun silählarını, angılarına o umutlanardı, da payeder, ne ondan aldı.

İoan 16:11

Açacek daavayı, zerä daavaya kesildi bu dünneyin çorbacısı.

İoan 19:30

Açan İisus sirkeyi dattı, dedi: «Tamannandı!» Sora iiltti başını da salverdi Duhunu.

1 Korіnflіlerä 15:24

Sora zamanın bitkisi olacek, nezaman Hristos Padişahlıı Allah Bobanın elinä verecek, nezaman yok edecek hertürlü çorbacılıı, hertürlü zaabitlii hem kuvedi.

2 Korіnflіlerä 2:14

Ama şükür Allaha, Kim herzaman gezdirer bizi Hristozun ensemäk paradında hem bizimnän hererdä daadêr gözäl kokuyu, ne geler Onu tanımaktan.

2 Korіnflіlerä 4:4

inansızlar için, kimin fikirlerini bu zamanın allahı köör etti, ki onnarı aydınnatmasın İi Haberin şafkı Hristozun metinnii için, Kim görünmäz Allahın görünmesidir.

Efeslіlerä 3:10

Allah bunu yaptı, ki şindi klisä aracılıınnan bildirsin Kendi çoktürlü aarifliini öndercilerä hem zaabitlerä göklerdä,

Efeslіlerä 4:8

Onuştan dendi: «Üüseklää kalktı, esirleri plenä aldı, insannara baaşışlar verdi».

Efeslіlerä 6:12

Zerä bizim düüşmemiz diil kana hem tenä karşı, ama öndercilerä, zaabitlerä hem bu karannık dünneyin kuvetlerinä – fena duhlara karşı, ani bulunêr göklerdä.

Koloslulara 1:16

Zerä Onun aracılıınnan yaradıldı hepsi, ne göktä hem ne erdä var, hepsi, ne görüner hem ne görünmeer, zaplıklar, çorbacılıklar, kullanıcılar hem zaabit edennär. Hepsi Ondan hem Onun için yaradılı.

Koloslulara 2:10

Odur, Kim herbir kullanıcılıın hem zaabitliin Başı, Onda siz dä taman oldunuz.

Çıfıtlara 2:14

Ölä ki, nicä uşaklar pay alêrlar kandan hem ettän, hep ölä O da pay aldı kandan hem ettän, ki ölümnän telef etsin onu, kimdä var ölümün kuvedi, angısı diavol,

Apokalіpsіs 12:9

Büük drakon, evelki yılan, angısına dener diavol hem şeytan, ani bütün dünneyi aldadêr, erä atıldı hem onunnan barabar onun angilleri dä.

Apokalіpsіs 20:10

Diavol, ani onnarı aldadardı, ateş hem kükürt gölünä atıldı, neredä var canavar hem yalancı prorok, da gecä-gündüz diveçtän divecä zeetleneceklär.