İoan 7:19 - Enі Baalantı

¹⁹ Vermedi mi Moisey sizä Zakonu? Hep okadar kimsey sizdän tutmêêr Zakonu, ozaman neçin Beni öldürmää bakêrsınız?»

Ени Бааланты

¹⁹ Вермеди ми Моисей сизӓ Закону? Хеп окадар кимсей сиздӓн тутмээр Закону, озаман нечин Бени ӧлдӱрмӓӓ бакэрсыныз?»

İoan 7:19 Iomraidhean Croise

Matfey 12:14

Fariseylär çıktılar dışarı da annaştılar, nesoy öldüräbilsinnär İisusu.

Matfey 21:38

Ama baacılar, açan gördülär oolunu, dedilär biri-birinä: „Tä çorbacının oolu, haydi öldürelim onu, da baa bizä kalacek“.

Mark 11:18

Açan işittilär büük popazlar hem bilgiçlär bunu, bakardılar, nesoy öldüräbilsinnär Onu, ama korkardılar Ondan, zerä Onun üüretmesinä şaşardı hepsi insan.

Mark 3:4

Sora sordu onnara: «Ne düşer cumertesi günü yapmaa: iilik mi osa kötülük mü? Yaşamayı kurtarmaa mı osa öldürmää mi?» Onnar susardılar.

Mark 3:6

Fariseylär çıktılar dışarı da çabuk İrodun adamnarınnan annaştılar, nesoy öldüräbilsinnär İisusu.

İoan 1:17

Zerä Zakon Moisey aşırı verildi, ama hayır hem aslılık İisus Hristos aşırı geldi.

İoan 10:39

Onnar enidän baktılar tutsunnar Onu, ama O kurtuldu onnarın elindän.

İoan 11:53

O gündän sora neetlendilär, ki öldürsünnär Onu.

İoan 5:16

Bu beterä iudeylär başladılar izlemää İisusu da istärdilär öldürsünnär Onu, zerä yapardı bu işleri cumertesi günü.

İoan 5:18

Onuştan iudeylär taa çok bakardılar öldürsünnär Onu, zerä diil sade ani basardı cumertesini, ama Allaha deyärdi: «Benim Bobam», koyarak Kendini Allahlan bir.

İoan 5:45

Sanmayasınız, ani Bän sizi kabaatlandıracam Bobanın önündä, var kim sizi kabaatlandırsın: Moisey, angısına umudunuzu koydunuz.

İoan 7:1

Bundan sora İisus gezärdi Galileyada. İstämärdi gezsin İudeyada, zerä iudeylär aarardılar öldürsünnär Onu.

İoan 7:25

Kimi adamnar İerusalimdän sorardılar: «Diil mi bu O, kimi öldürmää aarêêrlar?

Yaptıklar 7:38

Moisey oydu, kim yaşadı çolda toplu olan halkın arasında. Yanında vardı angil, ani onunnan lafetti Sinay bayırında, hem bizim dedelär. Moisey kabletti yaşamak getirän sımarlamakları, ki versin bizä.

Galatіyalılara 3:19

Ozaman neçin lääzım Zakon? Zakon eklendi, ki kabaatları üzä çıkarsın, Avraamın senselesi Hristos gelincä, Angısı için sölener bu adamak. Zakon verildi angillärlän, bir aracı aşırı.

Galatіyalılara 6:13

Zerä artık onnar da, kim kesiklik yaptılar, kendileri dä tamannamêêrlar Ayoz Zakonu, ama isteerlär sizä kesiklik yaptırmaa, ki üünäbilsinnär sizin güüdelerinizlän.