İoan 5:17 - Enі Baalantı

¹⁷ İisus deyärdi onnara: «Bobam Benim taa işleer, Bän dä işleerim».

Ени Бааланты

¹⁷ Иисус дейӓрди оннара: «Бобам Беним таа ишлеер, Бӓн дӓ ишлеерим».

İoan 5:17 Iomraidhean Croise

Matfey 10:29

Satılmêêr mı iki saçak kuşu bir assariyä? Onnarın birisi bilä düşmeer erä, olmayınca izin Bobanızdan.

İoan 10:36

Böleysä, Bän, Kimi Boba ayozladı da yolladı dünneyä, sizin lafınıza görä çıkêr, ani kötüleerim Allahı, salt onuştan, ani dedim: „Allahın Ooluyum“.

İoan 14:10

İnanmêêrsın mı, ani Bän Bobadayım, Boba da Bendä. Bu sözleri, ani söleerim Bän sizä, sölämeerim Bendän Kendimdän, ama Boba, ani bulunêr Bendä, yapêr Kendi işlerini.

İoan 5:16

Bu beterä iudeylär başladılar izlemää İisusu da istärdilär öldürsünnär Onu, zerä yapardı bu işleri cumertesi günü.

İoan 5:18

Onuştan iudeylär taa çok bakardılar öldürsünnär Onu, zerä diil sade ani basardı cumertesini, ama Allaha deyärdi: «Benim Bobam», koyarak Kendini Allahlan bir.

İoan 9:4

Lääzım Onun, Kim yolladı Beni, işini yapalım, nekadar vakıt gündüz. Zerä geler gecä, açan kimsey yok nasıl işlesin.

Yaptıklar 14:17

Ama hiç durgunmadı şaatlık vermää kendisi için, zerä yaptı iilik, verdi yaamur göktän hem bereket, bolluktan imäk verdi hem sevindirdi üreklerinizi».

Yaptıklar 17:28

Biz Onda yaşêêrız, gezeriz, bulunêrız, nicä sizin peetçilerdän birisi dedi: „Biz dä Ondan çekileriz“.

1 Korіnflіlerä 12:6

Var çok türlü işlemeklär, ama Allah bir, Kim herkezdä hepsini yapêr.

Koloslulara 1:16

Zerä Onun aracılıınnan yaradıldı hepsi, ne göktä hem ne erdä var, hepsi, ne görüner hem ne görünmeer, zaplıklar, çorbacılıklar, kullanıcılar hem zaabit edennär. Hepsi Ondan hem Onun için yaradılı.

1 Salonіklіlerä 2:13

Onuştan biz herzaman şükür ederiz Allaha, ki kabledip Allahın sözünü, ani işittiniz bizdän, kablettiniz diil nicä adam sözünü, ama nicä Allahın sözünü, nicä dä hakına var hem angısı sizdä, inancılarda, işleer.

Çıfıtlara 1:3

Ool Allahın metinniin aydınnıı hem Onun varlıın görümü da hepsini tutêr Kendi kudretli sözünnän. O, paklayıp bizim günahları, oturdu üüseklerdä, büük Olanın saa tarafında.