İoan 16:14 - Enі Baalantı

¹⁴ O Beni metinneyecek, zerä alacek ondan, ne var Bendä, da sizä açacek.

Ени Бааланты

¹⁴ О Бени метиннейеӂек, зерӓ алаӂэк ондан, не вар Бендӓ, да сизӓ ачаӂэк.

İoan 16:14 Iomraidhean Croise

İoan 14:21

Kim kableder Benim sımarlamaklarımı hem tamannêêr, o Beni sever. Kim sever Beni, sevilmiş olacek Benim Bobamdan. Bän dä onu sevecäm, da Kendim ona gösterilecäm».

İoan 15:26

Açan gelecek İilendirici, Angısını Bän Bobamdan sizä yollayacam, Aslılık Duhu, Angısı Bobadan geler, O şaatlık edecek Benim için.

İoan 7:39

Sölärdi bu lafları Ayoz Duh için, Angısını lääzımdı kabletsinnär onnar, kim Ona inanêr. Zerä Ayoz Duh taa verilmediydi, hem İisus taa diildi metinnikli.

1 Korіnflіlerä 12:3

Onuştan isteerim, annayasınız, ani kimsey, kim Allahın Duhunnan lafeder, yok nasıl betvalasın İisusu, hem kimsey deyämäz Ona «Saabi İisus», salt Ayoz Duh.

2 Korіnflіlerä 4:6

Zerä Allah, Kim dedi: «Aydınnık şafk etsin karannıktan», O aydınnattı üreklerimizi, ki tanıyalım Allahın metinniini, ani şafk eder İisus Hristozun üzündän.

Galatіyalılara 5:5

Ama biz Ayoz Duhun yardımınnan inannan bekleeriz dooru sayılmak umudu aslı çıksın.

1 Petrіnіn 2:7

Onuştan O sizin için, kim inandı, bir paalı taştır, ama inansız olannar için «bu bir taş, angısını ustalar sıbıttılar, ama sonda köşä taşı oldu»,

1 İoanın 3:23

Onun sımarlaması budur: inanalım Onun Ooluna, İisus Hristoza, hem sevelim biri-birimizi, nicä O sımarladı bizä.

1 İoanın 5:20

Da bileriz, ani Allahın Oolu geldi, ki akıl bizä versin, tanıyalım Hakına Olanı. Biz bulunêrız Hakına Olanda, Onun Oolunda, İisus Hristozda. Budur – hakına Allah hem diveç yaşamak.

1 İoanın 5:6

İisus Hristos Odur, Angısı geldi suylan hem kannan, diil salt suylan, ama suylan hem kannan. Duh şaatlık eder bunun için, zerä Duh var aslılık.

Apokalіpsіs 19:10

Bän düştüm onun ayaklarına, ki ona baş iildeyim, ama o dedi bana: «Sakın, bunu yapma, bän kafadarım sana hem senin kardaşlarına, angıları şaatlık ederlär İisus için. Allaha baş iilt, zerä İisus için şaatlık – prorokluk duhu».