İoan 10:25 - Enі Baalantı

²⁵ İisus cuvap etti: «Bän söledim sizä, ama siz inanmêêrsınız. O işleri, ani yapêrım Bobamın adına, onnar şaatlık ederlär Benim için.

Ени Бааланты

²⁵ Иисус ӂувап етти: «Бӓн сӧледим сизӓ, ама сиз инанмээрсыныз. О ишлери, ани йапэрым Бобамын адына, оннар шаатлык едерлӓр Беним ичин.

İoan 10:25 Iomraidhean Croise

İoan 10:32

İisus dedi: «Çok ii işlär gösterdim sizä Bobamdan. Bu işlerin angısı için isteersiniz Beni taşlan düümää?»

İoan 10:37

Eer yapmarsaydım Benim Bobanın işlerini, ozaman inanmayın Beni.

İoan 10:38

Ama yaparsaydım, ozaman, eer inanmarsaydınız da Beni, inanın baarlem işleri. Ozaman annayacenız hem bileceniz, ani Boba Bendä, Bän dä Onda».

İoan 11:47

Ozaman büük popazlar hem fariseylär topladılar Sinedrionu da dedilär: «Ne yapalım? Bu Adam yapêr çok meraklı nışan.

İoan 12:37

İisus yaptı çok nışannar onnarın önündä, ama onnar hep okadar inanmardılar Ona,

İoan 14:11

İnanın Beni, ani Bän Bobadayım, Boba da Bendä. Eer inanmarsaydınız Beni, inanın baarlem o işleri.

İoan 20:30

İisus çok başka nışannar yaptı üürenicilerin önündä, angıları için yok yazılı bu kiyatta.

İoan 3:2

O geldi İisusa gecä vakıdı da dedi: «Üüredici, biz bileriz, ani Sänsin Üüredici, Allahtan gelmä, zerä kimsey yapamêêr o nışannarı, ani yapêrsın Sän, eer olmarsaydı Allah onunnan».

İoan 7:31

Çoyu insandan inandılar Ona. Onnar deyärdilär: «Açan Hristos gelecek, ne taa çok nışan yapacek mı, nekadar bu Adam yapêr?»

İoan 8:12

İisus enidän lafetti insana. «Bän dünneyin aydınnııyım, – dedi. – Kim geler Benim ardıma, gezmeyecek karannıkta, ama onda yaşamak aydınnıı olacek».

İoan 8:24

Onun için sizä dedim, ani öleceniz günahlarınızda, zerä eer inanmarsaydınız, ani Bänim, ozaman günahlarınızda öleceniz».

İoan 8:56

Sizin bobanız, Avraam, çok sevindi ani göreceydi Benim günümü, da, görüp, şennendi».

İoan 8:58

İisus dedi onnara: «Dooru, dooru söleerim sizä, ani açan taa Avraam yoktu, Bän varım».

Yaptıklar 10:38

nicä Allah Ayoz Duhlan hem kudretlän yaaladı İisusu Nazarettän, Angısı gezärdi erdän erä, iilik yaparak hem alıştırarak hepsini, kim diavolun baskısı altındaydı, zerä Allah Onunnandı.

Yaptıklar 2:22

İzrail adamnarı, sesleyin bu lafları! Nazaretli İisus bir Adamdı, Angısının kimniini Allah açık gösterdi sizä kudretli yaptıklarlan, şaşmaklı işlärlän hem nışannarlan, angılarını Allah yaptı sizin aranızda Onunnan, nicä kendiniz bilersiniz.

Çıfıtlara 2:3

Ozaman nesoy olur biz cezadan kurtulalım, eer kasavetsiz olarsaydık bukadar şannı kurtulmaya, angısını baştan Saabi annattı, da işidennär gösterdilär bizä, ani aslı.