İoan 10:16 - Enі Baalantı

¹⁶ Bendä var başka koyunnar da, ani diil bu auldan. Onnarı da lääzım getireyim. Onnar sesleyeceklär Benim sesimi. Ozaman olacek bir sürü hem bir güdücü.

Ени Бааланты

¹⁶ Бендӓ вар башка койуннар да, ани диил бу аулдан. Оннары да лӓӓзым гетирейим. Оннар сеслейеӂеклӓр Беним сесими. Озаман олаӂэк бир сӱрӱ хем бир гӱдӱӂӱ.

İoan 10:16 Iomraidhean Croise

Matfey 17:5

Bunu sölärkän, bir aydınnıklı bulut gölgesinnän kapladı onnarı, da bulut içindän bir ses dedi: «Budur Benim sevgili Oolum, Onda Benim isleeliim».

Luka 15:8

Eki angısı karılardan, kimdä var on gümüş, kaybedip onnardan birini, tutuşturmêêr şafkı hem süpürmeer içersini, da esap almaklan aaramêêr, onu bulunca?

İoan 10:11

Bän – ii güdücüyüm. İi güdücü verer yaşamasını koyunnarı için.

İoan 10:2

Kim girer kapudan, odur koyunnarın güdücüsü.

İoan 10:27

Benim koyunnarım sesleerlär Benim sesimi. Bän tanıyêrım onnarı, onnar da gelerlär Benim ardıma.

İoan 10:3

Kapuda duran açêr kapuyu, da koyunnar tanıyêrlar güdücünün sesini. O çaarêr herbir koyunu adınca da dışarı çıkarêr.

İoan 10:4

Açan çıkardı hepsi koyunnarını, sora gider onnarın önü sora, koyunnar da gelerlär onun ardına, zerä tanıyêrlar sesini.

İoan 10:5

Yabancının ardına gitmeerlär, ondan kaçêrlar, zerä tanımêêrlar yabancının sesini».

İoan 11:52

da diil sade bu millet için, ama toplasın bireri hepsi daalmış Allahın uşaklarını.

İoan 17:20

Dua ederim diil sade onnar için, ama kalanı için da, angıları onnarın laflarından inanaceklar Bana.

İoan 6:37

Hepsi, ne Boba Bana verer, Bana geler. Kim dä Bana geler, onu hiç birzaman uuratmayacam dışarı.

Yaptıklar 15:14

Simon annattı, nicä Allah da baştan bakışını tayfännara çevirdi, ki onnarın arasından toplasın Kendi adına bir halk.

Yaptıklar 18:10

Bän seninnänim, kimsey elini sana koyamayacek, ki kötülük yapsın deyni, zerä Benim var çok insanım bu kasabada».

Yaptıklar 22:14

Sora dedi: „Bizim bobalarımızın Allahı seni ayırdı, ki tanıyasın Onun istediini hem göräsin Kabaatsızı hem işidäsin Onun laflarını Kendi aazından.

Romalılara 11:25

Kardaşlar, istämeerim, ani bu saklı işi bilmeyäsiniz. Bu sizi koruyacek, kendinizi aarif sayasınız. İzrail bir parça vakıda inatlaştı, başka milletlerdän inancıların sayısı tamannanınca.

2 Salonіklіlerä 2:13

Biz lääzım herzaman şükür edelim Allaha sizin için, sevgili kardaşlar, ani Allah seçti sizi, ki ilk kurtulannar olasınız Duhun ayozlamasınnan hem inannan aslılaa.

Çıfıtlara 13:20

Usluluk verän Allah, Angısı diveç baalantının kanınnan ölüdän diriltti koyunnarın büük güdücüsünü, bizim Saabi İisus Hristozu,

1 Petrіnіn 2:10

Nezamansa siz diildiniz millet, ama şindi Allahın milletiysiniz, nezamansa baaşlanmamış insannardınız, ama şindi acıyannık edendiniz.

1 Petrіnіn 2:25

Siz koyunnar gibiydiniz, ani yolunu şaşırmış. Şindi sa siz döndünüz cannarınızın Güdücüsünä hem Koruyucusuna.

1 Petrіnіn 5:4

Açan gelecek Büük Güdücü, edeneceniz bir sörpeşmäz şannı feneţ.

Apokalіpsіs 3:20

Tä, durêrım kapuda da urêrım. Eer birkimsey işidärseydi Benim sesimi da açarsaydı kapuyu, girecäm da sofraya oturacam onunnan, o da Benimnän.