İoan 1:26 - Enі Baalantı

²⁶ İoan cuvap etti onnara: «Bän suylan vaatiz ederim, ama aranızda durêr Birisi, Angısını siz tanımêêrsınız.

Ени Бааланты

²⁶ Иоан ӂувап етти оннара: «Бӓн суйлан ваатиз едерим, ама аранызда дурэр Бириси, Ангысыны сиз танымээрсыныз.

İoan 1:26 Iomraidhean Croise

Matfey 3:11

Bän sizi suylan vaatiz ederim, gösterilsin, ani döndünüz Allaha günahlarınızdan, ama bendän sora gelän – bendän taa kaavi. Bän diilim yakışıklı taşımaa Onun ayak kaplarını. O sizi Ayoz Duhlan hem ateşlän vaatiz edecek.

Matfey 3:6

Vaatiz olardılar ondan İordan deresindä, açıklayarak kendi günahlarını.

Mark 1:8

Bän sizi suylan vaatiz ettim, ama O sizi Ayoz Duhlan vaatiz edecek».

Luka 3:16

İoan cuvap etti hepsinä: «Bän sizi suylan vaatiz ederim, ama benim ardıma geler O, Kim taa kaavi bendän. Bän diilim yakışıklı çözmää Onun ayak kaplarının tasmalarını. O sizi Ayoz Duhlan hem ateşlän vaatiz edecek.

İoan 16:3

Bölä yapaceklar, zerä tanımadılar ne Bobayı, ne dä Beni.

İoan 17:25

Boba, Sän dooruysun. Dünnä Seni tanımadı, ama Bän Seni tanıdım. Onnar da annadılar, ani Sän Beni yolladın.

İoan 17:3

Diveç yaşamak budur, ki tanısınnar Seni, hakına bir Allahı hem İisus Hristozu, Angısını Sän yolladın.

İoan 8:19

Ozaman onnar sordular: «Neredä Senin Boban?» İisus cuvap etti: «Siz tanımêêrsınız ne Beni, ne Bobamı. Eer tanıyaydınız Beni, tanıyaceydınız Bobamı da».

Yaptıklar 1:5

zerä İoan vaatiz etti insanı suylan, ama birkaç gündän sora siz vaatiz olacenız Ayoz Duhlan».

Yaptıklar 11:16

Ozaman aklıma getirdim Saabinin sözlerini: „İoan vaatiz etti suylan, ama siz vaatiz olacenız Ayoz Duhlan“.

Yaptıklar 19:4

Pavli dedi: «İoan vaatiz edärdi onnarı, kim dönärdi günahlarından Allaha. O sölärdi insana, inansınnar ondan sora Gelenä, Ona, Kimä dener İisus».

1 İoanın 3:1

Bakın, netürlü sevgi bizä Boba verdi, ki bizä densin Allahın uşakları. Da hakına öleyiz. Onuştan dünnä bizi tanımêêr, zerä Onu da tanımadı.