Galatіyalılara 5:5 - Enі Baalantı

⁵ Ama biz Ayoz Duhun yardımınnan inannan bekleeriz dooru sayılmak umudu aslı çıksın.

Ени Бааланты

⁵ Ама биз Айоз Духун йардымыннан инаннан беклеериз доору сайылмак умуду аслы чыксын.

Galatіyalılara 5:5 Iomraidhean Croise

Romalılara 5:21

ki nicä günah ölümdän zaplık aldı, hep ölä Allahın iivergisi da insanı dooru saymasından zaplık alsın hem diveç yaşamak getirsin Saabimiz İisus Hristozun aracılıınnan.

1 Korіnflіlerä 1:7

Ölä ki, siz geeri kalmêêrsınız hiç bir baaşışta, beklärkän İisus Hristozun gelmesini.

Efeslіlerä 2:18

Zerä O kolaylık verdi, ki biz ikimiz dä bir Duhun yardımınnan Bobaya yaklaşalım.

Fіlіplіlerä 3:9

da bulunayım Onda, diil kendi dooruluumnan, ani Zakondan geler, ama dooruluklan, ani Allahtan geler inannan Hristoza da inanda temelli.

1 Salonіklіlerä 1:10

da bekleyäsiniz göktän Onun Oolunu, Angısını O diriltti ölümdän, İisusu, Angısı kurtarêr bizi Allahın gelän üfkesindän.

2 Salonіklіlerä 3:5

Saabi doorutsun sizin üreklerinizi Allahın sevgisinä hem Hristozun dayanmasına.

2 Tіmofeyä 4:8

Şindän sora bana hazır durêr dooruluk feneţi, ani Saabi, Dooru Daavacı, o Gündä verecek bana, diil sade bana, ama hepsinä, kim özlemäklän bekleer Onun gelmesini.

Tіta 2:13

Şindi bekleeriz bizim mutluluk umudu, bizim büük Allah hem Kurtarıcı İisus Hristos şannıkta peydalansın.