Galatіyalılara 4:15 - Enі Baalantı

¹⁵ Ne oldu o mutluluktan, ani ozaman duyardınız? Şaatlık ederim, ani eer olaydı kolay, siz çıkaraceydınız kendi gözlerinizi da bana vereceydiniz.

Ени Бааланты

¹⁵ Не олду о мутлулуктан, ани озаман дуйардыныз? Шаатлык едерим, ани еер олайды колай, сиз чыкараӂэйдыныз кенди гӧзлеринизи да бана вереӂейдиниз.

Galatіyalılara 4:15 Iomraidhean Croise

Luka 8:13

Toomnar, ani düştülär taşlar üstünä, onnardır, kim kableder sözü sevinmäklän, ama kökleşämeer, onun için inanêr bir vakıdadan, ama açan geler denemeklär, düşer.

Romalılara 10:2

Doorusunu söleyim, onnarda çalışmak var Allah için, ama diil aarifçesinä.

Romalılara 15:13

Allah, Kim umut bizä versin, sizi doldursun hertürlü sevinmäklän hem usluluklan inanınızda, ki Ayoz Duhun kuvedinnän sizi umutlan zenginnetsin.

Romalılara 5:2

ani bizä yol açtı, edenelim bu iivergiyi, angısınnan yaşêêrız hem üüneriz umutlan, pay alalım Allahın metinniindä.

Romalılara 9:3

Bän kendim kayılım, betvalanıp, ayırılayım Hristozdan benim kardaşlarım için, benim senseläm için.

2 Korіnflіlerä 8:3

Zerä onnar kendiliklerindän verdilär kuvetlerinä görä, da artık kuvetlerindän dışarı. Bän buna şaadım.

Galatіyalılara 3:14

Bu oldu, ki iisözlenmäk, ani adanmış Avraama, olsun kolay İisus Hristozun aracılıınnan daalsın yabancı milletlerä, da biz inannan kabledelim adanmış Duhu.

Galatіyalılara 4:14

Bu hastalıım sizä bir denemäkti. Buna bakmayarak, siz beni aşaalamadınız hem retetmediniz. Siz beni, nicä Allahın angilini, kablettiniz, nicä İisus Hristozu Kendini.

Galatіyalılara 4:16

Acaba, şindi bän sizä duşman mı oldum, çünkü aslısını söledim?

Galatіyalılara 4:19

Bän sizin için, uşaklarım, enidän ana zeetlerindeyim, o vakıdadan, açan siz etişeceniz Hristos gibi olasınız.

Galatіyalılara 5:22

Ama Ayoz Duhun meyvası – sevgi, sevinmäk, usluluk, saburluk, acıyannık, iilik, inancılık,

Galatіyalılara 6:4

Herkez aaraştırsın kendi işlerini, da ozaman olacek nasıl üünsün kendi işinnän, ama diil başkasının işinnän.

Koloslulara 4:13

Şaatlık ederim onun için, ani o çok çalışkan sizin için hem onnar için, kim Laodikiya hem İerapol kasabalarında bulunêr.

1 Salonіklіlerä 2:8

Zerä biz sizä ölä ürektän baalandık, ani kayıl olduk payetmää sizinnän diil sade İi Haberi Allah için, ama bizim kendi cannarımızı da, zerä okadar pek sevdik sizi.

1 Salonіklіlerä 5:13

Onnara en büük saygı hem sevgi gösterin onnarın işi için. Biri-birinizlän barışmakta yaşayın.