Fіlіplіlerä 4:5 - Enі Baalantı

⁵ Sizin yalpaklıınız hepsi insannardan bilinsin. Saabi yakın.

Ени Бааланты

⁵ Сизин йалпаклыыныз хепси инсаннардан билинсин. Сааби йакын.

Fіlіplіlerä 4:5 Iomraidhean Croise

Matfey 6:25

Onuştan deerim sizä: kahırlanmayın yaşamanız için, düşünmeyin, ne iyeceniz, ne içeceniz hem ne güüdenizä giiyeceniz. Diil mi yaşamak taa paalı, nekadar imäk, hem güüdä taa paalı, nekadar ruba?

Matfey 6:34

Kahırlanmayın yaarınkı gün için, zerä yaarınkı gün geler kendi kahırlarınnan. Etär büünkü günün zaametleri.

Luka 21:34

Kendi-kendinizä esap alın, ki birtürlü aarlaşmasın ürekleriniz hoburluktan, içkiciliktän hem yaşamak kahırlarından, da o gün gelmesin ap-ansızdan sizin üstünüzä.

1 Korіnflіlerä 16:22

Eer birkimsey sevmärseydi Saabi İisus Hristozu, olsun betvalı. Marana fa!

1 Korіnflіlerä 6:7

Siz biri-birinizi daavaya verärseniz, bu – sizin için bir aşaalanmaktır. Taa ii diil mi, zarara dayanasınız? Taa ii diil mi, kaybedäsiniz?

1 Korіnflіlerä 8:13

Ölä ki, eer imäk beterinä olarsaydı, ki kardaşım günaha girsin, ozaman hiç imäm yaanı, ki kardaşımı günaha sokmayım.

1 Korіnflіlerä 9:25

Hepsi, kim yarışêr atletik oyunnarda, tutêrlar kendilerini zaplı herbir üzerä. Onnar bunu yapêrlar, ki bir sörpeşär feneţ kazansınnar. Ama biz yapêrız, ki sörpeşmäz feneţ kazanalım.

2 Korіnflіlerä 10:1

Bän, Pavli, ani usluyum aranızda, ama kıyakım sizdän uzak olarak, yalvarêrım İisus Hristozun münüzlüünnän hem yalpaklıınnan

2 Salonіklіlerä 2:2

çabuk şüpeyä düşmeyin hem ürkmeyin ne bir duhtan, ne bir laftan, ne dä sansın bizdän yollanmış bir kiyattan, sanarak, ani Hristozun günü geldi.

Tіta 3:2

Kimseyi kötülämesinnär, kavga yapmasınnar, ama herbir iş üzerä yavaş hepsi insannarlan olsunnar.

Çıfıtlara 10:25

Toplantılarımızdan brakılmayalım, nicä kimileri alıştı, ama okadar taa çok biri-birimizi üreklendirelim, nekadar taa çok görersiniz, ani o Gün yaklaştı.

Çıfıtlara 10:37

Zerä, nicä Allah deer Ayoz Yazıda, «az, pek az kaldı da Gelän gelecek, hiç oyalanmayacek.

1 Petrіnіn 1:11

Baktılar annasınnar, nezaman hem nasıl olacek bu vakıt, ani onnarda Hristozun Duhu gösterärdi, angısı öncä haberledi Hristozun zeetleri için hem ondan sora metinnii için.

1 Petrіnіn 4:7

Herbir işin bitkisi yakındır, onuştan akıllı olun, duaylan kuşkulukta bekleyin.

Apokalіpsіs 22:20

O, kim şaatlık eder bu işlär için, deer: «Hakına, tezdä gelerim!» Amin! Ey, gelsänä, Saabi İisus!

Apokalіpsіs 22:7

«Tä, tez gelerim. Mutlu, kim tamannêêr prorokluk sözlerini, ani var bu kiyatta!» – deer İisus.